浪遊摩洛哥(2) – 靈氣迫人 北非山城Imlil

北非摩洛哥山城Imlil – 古堡酒店Kasbah du Toubkal

Imlil是北非摩洛哥Atlas Mountains的一個小村莊，海拔 1,800m，靠近北非最高峰圖卜卡勒峰(Toubkal) (4167m)。 Imlil 是嘗試攻頂 Toubkal 的理想基地，在那裡可以僱用登山嚮導和騾子進行登山的助力，因此前往摩洛哥Imlil的遊客有90% 會前往摩洛哥最高的山峰Toubkal。

 

浪遊摩洛哥‧細味西班牙 – Day 3

<<馬拉喀什>>

晨早05:00，大地上特然間响起120分貝以上的歌聲，全城起動，高唱…….阿啦仙福永享～阿啦壽與天齊。。。。

被炒醒之後訓多一陣間，便爭取時間上天台睇日出。

原來天台看不到日出的，只能看見天色變光。

很快便天亮了，今日天氣依然好到冇朋友。

遠望見大廣場，早上時水靜河飛啊。

在天台霸了最靚的位置食早餐。

早上08:00開始在天台食早餐，都滿座啊，酒店都好full。

早餐只有這些，比較普通，勝在飽肚。

食完早餐後，行出大廣場找的士去 長途的士站，轉乘Grand Taxi去山城Imlil，問第一架車個司機便開價Dh 10，遇到老實司機了。由大廣場去 長途的士站仲遠過 火車站，昨日比貴 Dh 20，但真係冇辨法。

到達長途的士站後，立即有個Local壞人上前問我想去邊，我道明來意後，佢即開價Dh 400包架Grand Taxi，否則佢話要坐滿 6人才開車，每人要Dh 70。啍！佢分明開高了價，Lonely Planet話 6人Grand Taxi去Imlil只需每人Dh 50，我便還佢價Dh 300包車即走，佢立即成交。壞人帶了我們到一架Grand Taxi，和司機說了幾句話，幫我放好行李後在車尾廂之後，叫我比Dh 300司機，另外要比Dh 100 tips佢。我聽到O晒咀，Dh 100 tips???佢個腦有病嗎? 小太熊好驚，問我「咁點算呀？比Dh 50佢啦」估唔到連小太熊都同佢一齊癲，我當然唔啋佢吔啦。壞人見我完全唔理佢，自動減價 Dh 50..........最後小太熊都係覺得欠咗佢，叫我比少少錢佢算啦，最後我比咗佢Dh 20，條友太煩了。

上車之後司機叫我先比Dh 300佢，因為有了剛才的經驗，我當然拒絕啦，一定要到目的地至比錢，唔肯最多就立即落車問第架車，最後佢話冇錢入油，叫我一陣間幫佢先比油錢給油站，到埗後再扣翻，咁我都OK。

 沿途都很大沙塵，不能開窗，架車又冇冷氣，好焗。

<< Imlil>>

75分鐘車程便到Imlil小鎮，到埗後很快便找到酒店的接待處，一位小朋友替我們把大背囊放在騾仔上。

辛苦騾仔了，要幫手把大背囊送上山上的酒店。

有騾仔代勞，可以輕裝行上山。

沿小路往山上行15分鐘便會到今天的酒店。

Kasbah du Toubkal – 靈氣迫人的古堡酒店，酒店是由一位英國人買了古堡Kasbah du Toubkal後，把古堡改建成酒店。

因為小朋友唔夠力同時揹上兩件大手李，所以我都要幫手攞返件背包。

今日會住喺木樓梯上1/F那間房。

房間外是個大平台

房間外的平台望向這無敵山景

雙人房(連早餐)每晚HK$3000

房間送的乾果小食和新鮮摩絡哥橙。

休息一會兒之後，便到Reception預訂黃昏的傳統摩絡哥浴Hammam。

跟著在酒店閒逛，時間都過得很快。

古堡酒店位於山上，圍繞著很多摩絡哥的傳统村莊。

在酒店嘆了一會後，返落山下條村食飯。見到屋頂環境唔錯，便食呢間。

2人份量的 羊肉雜菜Tajine加麵包(Dh 60) – 多菜少肉夠健康，味道亦好好。

食完飯去附近騎騾仔，和這個騾伕講好價騎2hr每位Dh 100，到附近的山頭兜個圈。

上騾仔～原來只係沿住馬路行咋

騎騾仔沿馬路上山，見到幾條 摩絡哥村莊。

慢慢行吓停吓影吓相，騾伕都很懶散，行得極慢。

隻騾仔沿着馬路向山上行，但行唔夠30min個騾伕就話想回頭，要我迫佢繼續向前行，行多10分鐘佢又話想回頭，我唯有繼續迫佢向前行，行足60分鐘才比佢回程，明明講好2hr的，呢兩個騾伕實在好有問題。點知回程原路落山比上山快了一倍，回到起點才用了個半鐘，騾伕居然想我比足錢，我當然睬佢都傻啦，我便迫佢行上我間酒店才放佢走，啲摩洛哥土佬真係又懶又衰。

騾伕唯有死死氣沿酒店方向行。

早知要騾伕沿Kasbah du Toubkal那段路上山，風景靚好多。

放走騾伕之後，遇到一班小朋友，便派些糖果給他們。

要爭取時間回酒店嘆世界了，始終係貴野，要盡量留多些時間。

下午回酒店來個免費的傳统 摩絡哥浴Hammam，要先把這些香料塗滿頭和身。

之後入房蒸，但冇乜特別感覺。

夜晚在古堡內食燭光晚餐，每位另加HK$240，食物一般但環境一流。

頭盤是麵包和羊肉湯，這羊肉湯羊味濃郁，味道好。

羊肉雜菜Tajine – 多肉少菜，我鐘意今天午餐那盆Tajine多啲。

水果；甜餅和簿菏茶 – 水果很新鮮，甜餅很新奇，簿菏茶就像 綠箭香口膠開水後再加 5粒糖，甜到爆炸。

晚飯後回露台曬月光看星星..........

這古堡好舒服，有錢真好.................

 

--待續--