浪遊摩洛哥(3) – 戀戀山城Imlil • 古城Marrakesh

北非摩洛哥 阿特拉斯山脈(Atlas Mountains)的山谷

阿特拉斯山脈(Atlas Mountains)是地中海與撒哈拉沙漠之間的山脈，位於非洲西北部，長2400km，橫跨摩洛哥、阿爾及利亞、突尼西亞三國。Jebel Toubkal(4167m)是 阿特拉斯山脈和北非的最高峰，山峰位於馬拉喀什以南約63km，吸引不少旅客到來攻頂。

浪遊摩洛哥‧細味西班牙 – Day 4

<<Imlil>>

好利害，真神阿啦真係無處不在，連Imlil這山區小鎮亦不例外，佢知我昨晚飲得太多水，今日晨早05:00又大聲叫我起身疴尿了，多謝阿啦…..阿啦仙福永享壽與天齊。

最後瞓到早上06:30，起身在古堡食早餐後。

在昨晚的餐廳食早餐，早上的氣氛不及夜晚咁古雅，不過仍然很有本土風味。

大量果乾和水果任攞任食～

又係坐昨晚張枱，貪佢近火爐比較暖。

酒店的早餐非常豐當，麵包蛋糕麥片奶昔奶茶都有，味道仲幾好。

早餐後自已往酒店後面的山路向上走，這是往Jebel Toubkal(4167m)的小徑。

途經數條位於Atlas Mountains的村莊，很有特色。

不久便要橫過一條乾了的冰河，然後繼續上山。

沿途見到很多村民和驢仔，及靚絕北非的山景。偶然行錯路，村民都會友善地叫停我，然後教我那條是對的路，完全出於善意，不像市內的人主動幫完人之後都要強行攞Tips。

兩位摩絡哥朋友教完我們往山頂的路之後，繼續上路。

進入往山頂的小徑，沿這條小路行9小時便可到達北非最高點Jebel Toubkal(4167m)，但今日中午要走了，只能行2小時便要回頭。

一些上山頂的旅客租了驢仔，慳水慳力。

行了2hr，小太陽要在這裡回頭了，因為下午要回到 馬拉喀什，明天晨早出團去撒哈拉沙漠。

落山時都不斷遇到友善的摩絡哥人。

回程時望見Atlas Mountains的山谷

回程嘅時候要再橫過這個山谷。

這幾條村今早都有經過，不過未有陽光所以冇影相，現在補返。

好快又回到酒店了，都冇乜時間再休息，要執嘢走人。

中午12:00退房，酒店又派了一隻騾仔送運行李，今次我自己住拖佢行。

回到小鎮立即有Grand Taxi司機主動問我哋，便包車返 馬拉喀什，又係收Dh300。

<<馬拉喀什>>

Hotel Ali – 位於馬拉喀什大廣場的平價酒店，位置一流，房間露台已經可以望見大廣場。

酒店的設計冇2日前的那間咁地道，天井位置連水池都冇。

雙人房(連早餐)每晚Dh 300 – 房內冇風扇但有泠氣機，露台面積非常大，而且望向大廣場。

房間話就話有泠氣，但房內冇搖控器，我落櫃位問職員，佢話冷氣要夜晚才會開比我，咁都得？堅定流呀。

放低行季後過隔離食午餐，揀了間有天台坐位的餐廳，貪佢景靚。

Cafe Restaurant L'Etoile – 又係望住大廣場架，環境一流，不過邊位有太陽曬住太熱冇人坐。

羊肉漢堡 – 都幾好味道，而且夠新奇；無酒精啤酒 - 真係有啤酒味的，味道和真正啤酒分別不大。

在大廣場租了架馬車，問了2架，第一架開天殺價，我都懶得還佢價。問第2架就冇咁狼死，最後成交價Dh 150沿城牆遊45分鐘。今次係但第一次坐馬車(以前在歐洲見得多但冇錢坐)，感覺都幾上等人，值得一試。下次有機會一定坐耐啲。

講好價錢之後便出發～

點知行了唔夠10min，馬伕便在一個路邊攤位停車，替兩匹馬換鐵蹄，這麼一攪便用了15min。

終於再出發了，經過古城外的豪宅區，有很多地盤正在興建中。

馬車繼續在古城外遊走，最後停在一座城牆的入口，馬伕話已經夠鐘，話我們可以在這裡完結行程順便入去行吓。剛才兩匹馬換鐵蹄用了的15min居然照計我時間，令我對摩絡哥人的印象很差，成日少少嘢都呃呃騙騙，騎騾仔又係咁坐馬車又係咁，這就是某蝈口交部成日講的文化差異。

在這城牆落車之後，便進內行吓。

城內是街市、回教寺Kasbah Mosque、Saadian Tombs等等..…

在Saadian Tombs門口遇到個賣水柏柏爾人，Dh 10便可以同佢又合照、又獨照、又拍vedio、又飲水，好過大廣場的賣水人，開天殺價。

夜晚又去大廣場Café de France食飯，因為這裡的日落太靚了。

揀了靚位之後，睇完日落先至食嘢。今晚的日落和2日前一樣咁夢幻。

今晚2個人只吃了個Dh 80的Pizza，味道一般。

飯後再行大廣場，呢度真係人山人海。

食了杯雪糕(Dh 5)，味道都唔差。

回到房間後便叫Reception開冷氣，最後真係有職員來開機，但係唔肯放低搖控器，佢set了Program開5分鐘泠氣便會自動停15分鐘，而且出的風亦唔多夠冷，攪到間房非常焗，仲熱過開窗，但開窗又多蚊，真係 “絕得不能絕，絕到溶掉我”。當晚好熱，瞓得好差成身汗濕晒，很辛苦捱到05:00又被迫同 阿啦吹陣水，之後眼光光等天光。

 

---待續---