浪遊摩洛哥(6) – 醉迷 撒哈拉沙漠(Part II)

醉人浪漫的 撒哈拉沙漠

非洲撒哈拉沙漠幅員遼闊，跨越多個北非洲國家包括阿爾及利亞、埃及、利比亞、馬里、摩洛哥、西撒哈拉、蘇丹和突尼西亞等等。從摩洛哥進入 撒哈拉沙漠比較容易，旅遊配套比較完善，只雖要在 馬拉喀什報名參加一個旅行團便可以，不過報團時最好問清楚是否購物團，否則把時間浪費晒在商店就不值得了。

浪遊摩洛哥‧細味西班牙 – Day 7

<<撒哈拉沙漠>>

昨晚飲恨撒哈拉看不到日落，所以今早決心走上營地旁邊的沙丘頂看日出。早上04:45，我叫醒其他人，一行4人出發。最初選了條較平坦但較長的路上沙丘頂，但因為沙太鬆散，向上行1步便跣退後0.9步，用盡飲奶之力才跑到上半山腰。接著前面一段斜路鬆散完全上唔到，正想放棄時，高材生橫過了沙丘的山腰，找到了一段較實的沙丘繼續上山，我們跟住佢條路行，終於上到沙丘頂了，考試叻真係人都聰啲。

上到山腰時天已開始光了，看見北斗七星。

用了成個鐘才走到上沙丘頂，小太陽坐低等日出。

撒哈拉沙漠的日出。。。終於睇到了，好感動呀。

個個都睇到唔願走。

正當大家都睇到忘晒形的時候，特然隱約聽見有人在遠處大叫，而且有一粒米在沙丘上移動。

睇真啲，原來係導遊行緊上來，我們用了成粒鐘才上到頂，佢就15min已經上到來，原來有段易行的路，只係我哋唔知。

這導遊的態度又係超級惡劣，對女仔也粗聲粗氣郁手郁腳，要我用更大聲X佢才知道收攝，欺善怕惡個格都幾賤。

落山非常之容易又好玩，跣吓跣吓又落返山，如果有紙皮玩滑沙就更加正。

看完日出後返回營地，老外門已走了。佢哋咪冇得睇日出???

我們立即上駱駝隨後出發

沙漠在陽光下特別金黃，也帶點點紅。

剛剛才和我X到拆天，立即又回復返正常，惡佬的EQ都唔低。

日出之下的金黃沙漠又靚又寧靜，感覺和昨天夜晚完全不同。

駱駝行了45分鐘，又回到昨晚出發的村莊。

在村莊食完早餐之後，大家都上車離開。

離開沙漠後，我們和高材生及韓國朋友在附近的小鎮Merzouga提早離團，自已搵車去古城 菲斯(Fez)。今日從Merzouga 10:00開往菲斯(Fez)的巴士不知為何取消了，只好包車。最後在街上找到架7人Van，經過一輪討價還價後4個人用Dh 880包了架車去 菲斯(Fez)，車程7小時。司機又係要我們立即比錢，我當然唔肯啦，點知你有冇古惑，最後佢又係話冇錢入油，我便先比佢一個人錢Dh 220。

爭取時間，講好價錢便立即開車，開到飛咁快。

中午停在沿途一間餐廳食飯

羊肉Tajine加麵包(Dh 30)；可樂(Dh 5)；水(Dh 10) – 味道幾好喎，很有羊肉味。

下午的天氣變化很大，一輪短暫的狂風暴雨之後再現彩虹。

之後更落冰雹，好大粒呀，打到啲窗拍拍聲。

<<菲斯>>

晚上18:00終於到達古城 菲斯(Fez)。在網上Book了間民居改建的酒店，叫Dar El Menia。

穿過菲斯城牆後，別過高材生和韓國朋友，沿着大街向酒店的方向行。

今次有了 馬拉喀什的搵酒店經驗，已預備了Dh 10 Tips比人帶路，所以很快便有個Local人主動跟住我話帶我去酒店。跟住佢穿過了很多橫街小巷都找不到，佢好似都係唔識路要不斷問人，最後不斷兜圈白行多了10分鐘路才去到下面這條 後巷找到一間冇門牌的屋，佢話係Dar El Menia，但酒店點解冇門牌架，堅定流呀???

正驚佢會唔會係壞人，佢已經按門鐘，不久有個老外開門，居然即時知道我哋係邊個，即係找對了啦。由於那帶路的人行錯太多路，我只比了Dh 5佢，佢話太少，但我冇再埋佢便行入屋。

Dar El Menia酒店大門口外的小巷，氣氛陰森，好驚比人老笠。

酒店大屋的天井，大屋只有三層，4間房。

廚房是公用的，地方寛濶。

今晚住在最高層的大房，每房連雙人早餐HK$ 800。

酒店天台都很開揚

沖完涼後，到古城大街的La Kasbah De Fes天台食飯。

未食飯要先行3層陰暗的樓梯熱身。

天台環境很好啊，剛才就是從這城門城。

今餐有 燒雞拚薯條和肉醬意粉。

今天行程很順利，終於可好好睡一睡了.................

 

--待續--