極上 • 北海道(5) – 漫遊道東 紋別

日本最北端之地 宗谷岬

宗谷岬 是位於北海道稚內市附近的海岬，真正日本最北端之地，前方就是俄羅斯的庫頁島。這裡有日本最北的商店，最北端的餐廳，還有最北端的廁所。來到這日本之極北，一定要順道試試人氣食店「間宮堂」的北海道元貝拉麵，才不會算是白來一趟。

極上‧北海道 – Day 6

<<禮文島>>

今朝05:30起床浸溫泉，跟著06:30食早餐，然後要趕07:20的酒店接駁車往碼頭。

  

晨早的天色昏暗，但旅館的景觀依然咁好。

一早浴場又係冇人，否則真係會冇得浸。這浴缸雖然細，但浸在裡面望著個靚景都好舒服。

早餐味道一般，只算是唔難食，條燒魚很咸。

07:20乘旅館接駁巴士往碼頭，去到才08:00，還有45min才開船，可以在碼頭附近行一陣，估唔到最後都食到靚海膽，好開心。

野崎水產 – 位於碼頭旁邊的禮文島土產商店。

入鋪內看看，見到很多昆布和海膽一夜漬，最吸引還是一包包 鹽水浸馬糞海膽，每日新鮮即開即浸，保鮮期只有3日。

我同店員講想買一盒在這裡食，佢便入工場拿出剛剛才開出來，最新鮮的 馬糞海膽肉，用海水洗一洗便放落膠盒上，拿給我們食。

即開馬糞海膽100g(￥4320) – 份量十足，入口即融，味道甘苦淳厚帶點海水微咸，隔3數秒後味道轉為鮮甜回甘，味道留在喉頭歴久不散，是這次旅程最滋味的一份海膽，勁正。

臨上船，在碼頭見到 禮文島小精靈，巧得意啊。

08:45-10:40乘這Heart Land Ferry返回稚內，船程120min，二等艙票價￥2260。

準時開船了，今早天氣甚佳，但到中午又變天灰。

坐船頭，貪佢人少啲，但真係拋得好勁。

稚內牛乳綠茶雪糕(￥280) – 稚內限定，綠茶味和牛奶味很平均，質感很好，水準極高。

稚內牛乳原味雪糕(￥280) – 牛奶味非常濃郁，密度高質感幼滑，連小太熊都話好食。

<<稚內>>

10:50才回到稚內碼頭，遲了少少。今日陽光普照。

從碼頭行15min到 稚內副港市場。

副港市場集合多間餐廳及北海道手信商店，市場內有一艘大漁船，氣勢十足。

副港市場內的手信店掛滿旗幟 , 夠晒色彩。

冰鮮皇帝蟹和毛蟹，賣得唔平。

活毛蟹和皇帝蟹都有得賣，但價錢比香港貴。

稚內牛乳專門店 – 小太熊專程來這裡的，佢話這裡有限定的 稚內牛奶和牛奶雪糕，好好味架喎。

稚內牛奶(￥160) – 每日鮮製，牛奶味甘香濃郁，入口感覺香滑清新，比一般北海道牛奶稀一點，更加好飲。

稚內牛奶軟雪糕(￥300) – 香濃幼滑牛奶味甘香，是軟雪糕中的極品，相信沒有軟雪糕比佢更好食了。

在 稚內市嫻逛時遇到有 小型祭典，都算幾特別。

稚內市 內種滿不同品種的花

還有路邊檔賣 綿花糖和燒河魚，唔知好唔好味呢。

11:50回到 稚內駅，在Locker攞返大行李，過對面的租車公司出車了。

租車公司TOYOTA – 在稚內駅對面，小太熊Book了架車10日，在這裡攞車。

這架車都很新淨，只係落地7593km，但車身沒有Sensor，唔適合禾呢啲泊車底手。

今次租10日車，連全保險共￥122094。但TOYOTA的全保險仍然唔包NOC (Non Operation Charge)，如果碰花架車最多自己要比多￥20000，撞到架車唔識行就最多自己要比多￥50000。

今次10日環遊北海道總共行了1862km，入油總共用了￥8376。

出車很順利，車速亦比預期快，但北海道的道路全部限速50km/hr，即使在高速公路亦只許70km/hr，令到冇人唔超速，只視乎超多或少。

<<宗谷岬>

 第一站去日本最北端之地 宗谷岬   只是個沿海而建的地標

附近的宗谷岬公園有 燈塔、紀公碑和指路牌。

間宮堂 – 宗谷岬公園旁的人氣食店，最出名係食 北海道元貝拉麵，小太熊話好好食架，一定要在這裡食一餐。

店內的食客無人唔叫  北海道元貝拉麵。

塩 北海道元貝拉麵(￥800) – U乜加仙話，呢碗拉麵的湯底用了大量元貝熬足5hr，鮮甜無比，麵上的元貝鮮甜肥美肉厚，是宇宙最强的拉麵。現實那有咁跨，只是一碗好食的拉麵吧了，那一千零一隻元貝確係幾鮮甜大隻，場底清甜係唔錯，拉麵亦很夠腍，水準很高。

刺身雙拚(￥1000) – 好抵食，收咁平當然唔係頂級貨，元貝和海膽都是雪藏了再解凍，品質只是中上，不值得試。

海膽丼定食(￥2500) – 海膽和毛蟹同樣係雪藏了再解凍，在香港算係好食，但老遠去到北海道之極北，食呢啲有些失望。

日本最北的 商店，在這裡買了少少紀念品。

日本最北的 廁所，一場來到點可以唔留下些好野。

繼續沿海駕車住東面進發，途經一個平原，雲霞包着整個山，像仙景一般。

<<紋別>

順利去到 紋別，但去錯了另一間酒店泊車，揾酒店花多了約20min。今晚會住平啲的「紋別太子酒店(紋別プリンスホテル)」。

「紋別プリンスホテル」的外觀都唔差。

雙人淨房(￥7862) – 唔知係小太熊冇Request定係酒店唔好，酒店比了間吸煙房，開了整日窗都仲好很臭，簡直入晒骨，仲衰過支那的酒店，整晚都瞓得好差。

立即去浸温泉先，酒店的室內浴場在地下。

露天風呂環境唔差。

浸完温泉行過隔離街揾食，這裡有不少 居酒屋。

海鮮遊食Rin – 小太熊Target的居酒屋，有新鮮蟹和即日魚鮮，但去到已冇位了，老細亦唔再收客。

有些失望，行入了另一間食店，但睇完餐牌，見食物和「間宮堂」差不多，小太熊決定返酒店食。

小太熊話喎，我地酒店餐廳的蟹餐都好出名架喎，仲好多人專程去食，可以去試吓喎。

「紋別プリンスホテル」地下的餐廳

日本冷清酒(￥820)

想叫個最貴的蟹餐，￥5000左右，但唔知點解冇貨，今晚只有 2款Set Dinner和松葉蟹。

北海定食(￥2700) – 有刺身、蒸松葉蟹脚、蟹肉蒸蛋、燒魚、餃子和昆布湯；松葉蟹脚算幾甜，其餘就一般味道。

松葉蟹脚鍋(￥1566) – 松葉蟹脚算幾甜，抵食。

季節之釜飯定食(￥1500) – 元貝蒸飯幾鮮甜，但黑腸沒有清走便和飯一齊煮，要自己清走很核凸；天婦羅和刺身很普通。

這餐飯很普通，香港都食到，失望。

夜晚去浸浸露天風呂才瞓覺。

浸完溫泉，在自動販賣機買了支 鮮奶(￥130)，都好好飲呀。

今日駕車230km，都幾攰呀。

補充資料 :

1.     ￥100 = HK$7.57 (永恆找換公司)

2.     乘船從 禮文島去稚內，船程120min，二等艙票價￥2260。

3.     在北海道TOYOTA租10日車，連全保險共￥122094。但TOYOTA的全保險仍然唔包NOC (Non Operation Charge)，如果碰花架車最多自己要比多￥20000，撞到架車唔識行就最多自己要比多￥50000。

4.     今次10日環遊北海道總共行了1862km，入油總共用了￥8376。

5.     北海道的道路全部限速50km/hr或以下，即使在高速公路亦只許70km/hr，令到冇人唔超速，只視乎超多或少。北海道的道路上不時會見到黄色牌寫着  自動速度取締路線。然後不遠處便見到相機影人快相，整個10天自駕旅程有7日都遇到快相機，小心。

---待續---