馬來西亞 榴槤飄香(1) – Raub Durian Orchard極上貓山王

樹上熟 貓山王榴槤 – 產自馬來西亞彭亨州的榴槤園Raub Durian Orchard

貓山王榴槤(Musang  King)是現時身價最高的榴槤，由2011年6月第一次吃時每1kg - RM20，漲價到2017年10月最貴時試過每1kg - RM120，升值的速度比香港的樓價更狠更癲。貓山王的故鄉位於 馬來西亞彭亨州(Pahang)，聽說最老的貓山王榴槤果樹亦只有32歲，是馬來西亞眾多榴槤品種中較「年輕」的一族。

從樹上熟透後掉下來的極品貓山王果肉呈深黃色，榴槤肉的外皮乾爽並呈現出清晰的皺紋，果肉的結構軟滑如cream黏度極高，味道的層次感分明，甘苦濃甜奶酥等味道分別或是混合地遍佈極個榴槤的不同位置，真係啖啖都可以唔同味。要品嘗最極品的貓山王，必須老遠去到馬來西亞彭亨州的榴槤園Raub Durian Orchard。 

馬來西亞 榴槤飄香 – Day 1

上個月才從馬拉回來，只隔了幾星期便又要去馬拉，原因係小太熊越來越喜歡食馬拉榴槤，在香港又多多錢都食唔到最頂級的味道，所以小太熊今次專程再到大馬走一躺，深入貓山王的起源地 彭亨州(Pahang)的果園，誓死要食到世界上最美味的貓山王。

今日放工後立即去機場乘港龍夜機到吉隆坡，飛機準時20:30起飛，在機上食埋晚飯。

今次見到有賤精啦，天生就咁.......。

在機上食完飯，無風無險地小睡了3個鐘後，於零晨降落吉隆坡KLIA 1。

馬來西亞 榴槤飄香 – Day 2

飛機00:10到吉隆坡，00:50便成功入境。今次又係叫Uber，從KLIA 1到 阿羅街只係RM 72.8，比深夜乘的士RM140平了一半。Uber 01:08出車，01:55到達 阿羅街。

<<吉隆坡>>

零晨的 阿羅街仍然十分旺場，大部份食店到03:00才開始關門。

今次又係食「黃亞華小食店」，難得小太熊食極都晤嫌。

「黃亞華小食店」的燒雞翼用正宗炭火人手即燒，在香港的餐廳邊有可能食到。

吉仔酸梅冰(RM3.5) – 每次都係飲呢杯，但又完全沒有少許飲到嫌的感覺，味道始終係咁好。

黃亞華招牌燒雞翼(每隻RM 3.3) – 依舊是皮脆肉嫩味道出色，單是賣相已經滿分，幫襯了4次也完全沒有跌Watt，下次一定再食。

甘香啦啦(RM12) – 即係辣馬拉醬炒蜆，蜆肉很鮮甜醬汁微辣十分冶味，冇叫錯，下次又再食。

今晚又係住阿羅街附近，從「黃亞華小食店」行3min便到的酒店Royale Chulan Bukit Bintang，貪佢夠方便又平。

Royale Chulan Bukit Bintang

雙人套房(不包早餐)每晚HK$385 – 位於極高層的套房，有一房一廳，是酒店免費Upgrage的，原本是Book了普通房。

沖完涼瞓得覺都04:30了，可以瞓3hr，小太熊今次包了架車3日，可以舒舒服服地玩，司機會08:00到酒店接我們。

司機Alex非常準時，08:00便來到酒店，完全唔駛我們等，而且講廣東話架，正。

今天會包車9hr，從吉隆坡去 勞勿(Raub)，然後回程到 武吉丁宜(Bukit Tinggi)的酒店，路程約220km，收費RM400。第一站先去110km遠的 勞勿(Raub)小鎮中心食早餐，08:00出車，09:35到埗。

<<勞勿>>

彭亨州(Pahang)小鎮 勞勿(Raub) – 和馬拉其他小鎮George Town、怡保等十分類似，充滿老一代的風味。

東南美茶室 – 勞勿的人氣茶室，佈置懷舊人情味濃，相當好Feel。

咖啡(RM 1.8)；奶茶(RM 1.8) – 富有馬拉風味的咖啡和奶茶都香滑味濃，奶香茶香和咖啡香均非常特出，差點便比得上怡保舊街場的老牌茶室出品；咖央厚多士(RM 1.8) – 多士外脆內軟質感一流，鮮油邪惡甘香，只是咖央醬的椰香淡了點，扣了少少分。

半熟蛋2隻(RM 2.2) – 蛋味香濃，像温泉蛋一樣美味。

蒸咖央包(RM 1.8) – 呢件晤掂，片包蒸得太濕，欠了口感，多士正好多。

食完早餐立即起行，再坐6km到鎮外的 永泰餅家，點知摸門釘，原來中午13:30才開門，小太熊被Blog友老點了。

永泰餅家Chop Yoon Thye (奀麻仔茶粿)

好彩附近還有景點「武吉公滿蔡豆腐批發商」，從大路行約5min便到。

這隻狗仔好乖，由大馬路開始便跟著我們，送我們去豆腐店。

武吉公滿蔡豆腐批發商 – 去到才剛剛開舖，好彩，否則又摸門釘了。

大豆漿(RM 5) – 有1.5Liter，因為天氣太熱我一次過飲了大半支，豆味夠濃但冇香港飲開的靚豆漿咁香，我覺得OK，但小太熊話太甜味道又很奇怪，話唔好飲。

招牌炸豆腐卜(6件RM 2) – 只是普通豆腐卜，一場來到都應該試試這些本土食物。

食完豆卜行返出大馬路，在 永泰餅家對面有一間茶粿店，買幾件試吓。

剛剛有一大團小學雞路過 茶粿店，人氣都很頂盛啊。

茶粿和糯米滋(全部每件RM 1) – 全部都好好食，糯米粉外皮的厚度適中，糯米味清香咬口十足，饀料有甜的南瓜和椰絲花生，也有咸的白蘿蔔絲，味道均十分出色，是頂級的 茶粿，香港的名店出品絕對冇咁好食。

老闆張先生十分好客，知道我們從香港來幫襯，便邀請我們入屋內坐，還唱歌給我們聽。

茶粿雖然很頂級好食，但是只試了一啖便要停了，留返今晚食，因為要留肚吃下一站，進入榴槤園吃頂級貓山王。

從茶粿店距離17km便是 彭享州的榴槤園Raub Durian Orchard，這𥚃有世界上最美味的貓山王，值得專程老遠來品嚐，但一定要留肚啊。

榴槤園Raub Raub Durian Orchard的門口是間小木屋，客人便是坐在這裡食，食完可以進榴槤園參觀。

今天只供應3款榴槤，分別有D24、D101和貓山王，全部是今天才從樹上掉下來的，老闆Eddie話全部都靚，D24價錢 1kg – RM35、貓山王1kg – RM 53、D101每1kg – RM40，因為我們只有2丁人，所以只要了一個2kg的D24和一個2kg的貓山王。

落完Order便坐下來等食，小屋外便是榴槤園，環境和檳城的寶盛園一樣咁好。

榴槤樹上掛滿了貓山王，見到都流口水了。

老闆Eddie啱啱開緊個 貓山王給其他客。

隔離枱客的貓山王好靚啊，我果個都要咁靚呀，否則要退貨。

我當仁不讓，開返個D24先。

小太熊開 貓山王，嘩！靚到不得了，比剛才那個更正。

貓山王(2kg – RM 106) – 外皮乾爽皺紋並清晰，果肉的黏度極高，味道濃烈且層次感分明，甘苦濃甜奶酥等味道分別或是混合地遍佈極個榴槤的不同部位，入口啖啖都唔同味，是我吃過最好食的貓山王，比得上檳城的最頂級榴槤。

D24榴槤(2kg – RM 70) – 這個樹上熟D24的味道主要是濃甜，也有少部分位置帶甘苦味，口感一流，只是明顯比不上貓山王，但也是極品。

食完這兩大個榴槤已經飽到反白眼，但小大熊安排的下一個節目竟然係食午飯，實在係太激進了，㸃食呀。

午餐回到 勞勿(Raub)市中心的Restoran Sentosa(快樂茶餐室)食。

Restoran Sentosa(快樂茶餐室) – 平平無奇的小藍木屋，但出奇地多客，差點滿坐，小太熊話這裡專食河魚的，話在當地好出名喎。

這餐廳沒有餐牌的，伙記會逐款是日鮮魚介紹，今天有身價第二高的河魚 蘇丹魚(身價最高的河魚是「忘不了」)，每份約400g要RM200，另有較平的 巴丁魚(Patin)，半條約400g賣RM60，返正2款都未食過，今次先試Patin，下次才試 蘇丹魚。

  

Patin巴丁魚半條 (RM60) – 廚功好掂，豉油好味，魚肉滑而鮮甜美味，我覺得同「忘不了」的味道唔係差十分遠，但價錢就平幾倍，抵食。

馬拉醬炒菜苗(RM 13) – 伙記介紹的，菜苗幾嫩口，醬油有花生蝦米並帶辣，勁冶味，用佢來送飯，條魚就淨食。

食完飯之後便去酒店The Chateau Spa & Organic Wellness Resort，位於距離約76km的 武吉丁宜(Bukit Tinggi)，沿途順路會停多2處景點鬆一鬆。

觀音堂 – 距離 勞勿市中心冇幾遠的一座古廟，當係去多個景點。

<<文冬>>

Air Panas Bentong(文冬熱水湖) – 距離勞勿市中心50km的天然溫泉，多數人都是用來浸腳的，今天天氣太熱，冇乜人浸。

每位比RM15便可以進人溫泉泳池，這𥚃乾淨好多，不過整體來說都好流。

跟著行多26km不斷上山，約16:30便到今晚的酒店The Chateau Spa & Organic Wellness Resort，是一座彷製法國古堡的酒店，住客可以免費遊覧附近的 法國村。

<<武吉丁宜>>

The Chateau Spa & Organic Wellness Resort

在這裡放車了，約了司機明天09:00再出發。

職員先替我們Check in，並招乎我們到酒吧飲杯Welcome Drink。

雙人山景房(包括早餐)每晚RM 685

休息了一會兒，行過隔離玩埋條 法國村。

法國村的大門口，我覺得似德國多啲。

護城河上的 黑天鵝

城內只有一條街道，都是餐廳和酒店，一陣便行完了，像是去了深圳的世界之窗。

回到酒店又游了一個鐘頭水，在泳池邊歎埋今早那些 茶粿，今天過得相當充實。

夜晚又回到法國村食飯，因為酒店太貴了，要RM200一位。

幫襯這間餐廳，貪佢平平哋。

可樂(RM 6)

Pizza Carnivore (RM 38)

Seafood Aglio Olio (RM 35)

食物味道一般啦，唔差的。

補充資料 :

1.)      港龍航空 香港來回吉隆坡機票每位HK$1929。

2.)      RM 1 = HK$1.885 (永恆找換公司)。

3.)      2人4天保險費共HK$290。

4.)      深夜在 吉隆坡國際機場KLIA 1 乘Uber往吉隆坡市中心，58km路程車費RM 72.8，已經包括公路費和不收50%深夜的士附加費，比的士平差不多一倍。

5.)      從 吉隆坡作起點，包車9hr行220km收費RM400，可用Line聯絡Alex : alexkam216。

---待續---