瑞士仲夏 • 簡約自然(12) – 高海拔之行 皮拉圖斯山(Pilatus)

瑞士 皮拉圖斯山(Pilatus) – 世上最斜的登山齒輪鐵道

瑞士 皮拉圖斯山(Mt. Pilatus)海拔2132m，擁有360度的觀景台及世界斜度最大(48度)的登山齒輪火車，是觀賞阿爾卑斯山羣的最理想地點。每年5至10月期間，旅客可順道前往位於半山1415m的Frákmüntegg一嘗驚險刺激，全長1350m的雪橇滑板車(Toboggan)。

遊覽 皮拉圖斯山最好選擇Golden Round Trip，先從琉森古城碼頭乘50min船到Alpnachstad，然後轉乘世上最斜的登山齒輪鐵道Cogwheel(只於夏季運行)到達山頂Pilatus Kulm。回程可乘 纜車到半山Frakmüntegg，玩完雪橇滑板車(Toboggan)之後再乘Gondolas吊車到山腳，最後乘15min巴士回到 琉森，全程不走回頭路。

瑞士仲夏‧簡約自然 – Day 11

<<琉森>>

今日07:00起身，小太熊煮早餐比我食。 早餐之後會去 皮拉圖斯山(Pilatus)玩一日。

吞拿魚辛辣麵 – 小太熊煮得好好味，成本都要CHF 3架。

從酒店行去碼頭，今天陽光普照啊！

持有Swiss Travel Pass買 皮拉圖斯山Golden Round Trip有60% off，每位只需CHF 36。可以在碼頭的售票處換票。

乘最早08:38的船往Alpnachstad，再在琉森湖遊多次船河。

皮拉圖斯山(Pilatus)(2132m) – 一會兒便可以上山頂，遠望都感覺幾高啊。

09:25去到Alpnachstad，落船後慢慢行過去登山火車站，啱啱好乘09:35的登山火車上山頂Pilatus Kulm。

Alpnachstad登山火車站

火車一開始便很斜，而且都唔少山洞，好好玩喔。

車上的人特然向着窗外狂影相，咩事呢。

原來見到很多阿爾卑斯牛牛和野生羚羊。

又要過山洞了，這一程火車總共穿越了4個山洞。

出了最後一個山洞之後便是整段路最斜的一段，斜度足足有48度。

Hotel Pilatus Kulm – 步出山頂火車站便見到一間高海拔酒店，感覺很像去了富貴版的尼泊爾。

露天茶座人山人海，又係想搵個位嘆杯茶都冇位。

Pilatus Kulm共有三個View Point，首先行上去“Oberhaupt”。

“Oberhaupt”的位置最近火車站，卻是觀賞阿爾卑斯山的最佳地點。

所有阿爾卑斯山著名的山峰，包括Titlis、Eiger和少女峰也可以在這裏看到，今天天氣算很好啊。

車站旁是500m長的洞穴“Dragon Path”。

接著從火車站行40min去最遠的view point “Tomlishorn”。

往“Tomlishorn”的山路很好行，沿途很多野花和雀仔，仲見到人玩滑翔傘，變幻莫測的山景亦好靚。

上埋最後一段天梯便到山頂，往上行的時候感覺真像行上天堂。

Tomlishorn(2129m) – 上到最頂的天氣變化更快，一時天青一時濃霧，真係同天堂一樣咁有仙氣。

行回頭路回到Hotel Pilatus Kulm，遠望旁邊的登山火車確是十分之斜。

落山了，在火車站旁乘Cable Car到山腰的Fräkmüntegg(1415m)，玩雪橇滑板車Toboggan Run。

從Cable Car內已經可以清楚望到整段 雪橇滑板車Toboggan Run。

小太熊話喎，雖然瑞士有好多條Toboggan Run，不過皮拉圖斯山的滑板車係瑞士最長，足足有1359m，起點終點的落差有成400m，好刺激架，所以佢唔玩，讓比我玩多次喎，佢對我好好架。

話咁快Cable Car便到站，玩囉玩囉。

皮拉圖斯山雪橇滑板車Pilatus Toboggan Run (CHF 8) – 勁多人，排了25min至有得玩，小太熊話因為有幾個大陸妹玩嘢辨驚不停尖叫玩慢溜，所以頂住條Q，最後要工作人員上另一架車在後面隊佢地落山，阻了好耐。

上車了，工作人員教話滑板車有手掣可以調校快慢，向前加，向後減。Easy job啦，出車....又真係好斜好快喎！

沿途的風景係唁錯嘅，不過要不斷注意在轉彎位減速，冇咩時間欣賞了。

好快就玩完，小太熊睇見有人話雪橇滑梯最少要玩3次，第1次試試佢，第2次睇下雪山靚風景，3次全速前進！！所以佢預了我玩3次用CHF 24架，不過我牡咩興趣再玩了，試過就算，慳返啲錢。

在Fräkmüntegg Station旁邊的餐廳坐底歎歎先，剛才在山頂太迫人冇位，但這𥚃的環境差些少了。

生啤500ml (CHF 6.5) ; 炸薯條(CHF 8) – 薯條返炸的，有點兒太乾，這樣是在瑞士一般最平的消費了。

Fräkmüntegg還有很多競技遊戲，唔玩了。

食完下午茶乘Gondola落山至Kriens。

接著行10min到巴士站，乘巴士(NFO 1 1482)回到琉森。

大約16:00回到古城，今天繼續在古城黃昏漫步。

冰河博物館(Gletschergarten)(CHF 12) – 持有Swiss Travel Pass免費入場，園內有博物館、迷宮等等玩意。

可以看到2000萬年前冰河留下的漩渦狀洞穴。

也有不少史前化石

冰河博物館內的鏡屋很有趣，不過好像香港科學館都有。

最後上埋冰河公園內的高塔笠笠個景，小太熊話行了一日，好攰唔上了，叫我自己上，不過其實個View又真係冇乜特別。

垂死獅子像(Löwendenkmal) – 位於冰河博物館旁邊，石像於1821年刻在一座山丘的岩石牆之中，是瑞士用以紀念在法國大革命中犧牲的瑞士僱傭兵而建造，是旅行團必到的景點。

行完街回到Altstadt Hotel Krone Apartments Luzern，小太熊煮晚餐，今晚試少少新嘢。

蘑菇伴意大利雲吞 – 都有餐廳水準架，加埋瑞士紅酒和西生菜，又可以通便便了。

食埋最後一餐雞翼豬扒和芝士腸，已經是瑞士的第四餐食呢啲，再食頂唔順了。

明天會去一處很冷門的地方“UNESCO Biosphäre Entlebuch(瑞士生物圈保護區)”，然後搬到古堡酒店 Hotel Château Gütsch歎一晚。

補充資料 :

1.      CHF 1=HK$8.41

2.    15天瑞士交通証Swiss Travel Pass CHF 485，可免費任搭瑞士境內的巴士和火車。此外，購買皮拉圖斯山(Pilatus) Golden Round Trip Ticket有60% off，每位只需CHF 36。

3.    SBB Mobile是瑞士交通Apps，可以用佢來Search瑞士的火車、吊車和巴士班次。

4. 瑞士最大型和最多分店的超級市場是“COOP”，但賣的生肉類質素很差，只有雞好食，豬扒唔好，牛排甚差，羊架超級貴；返而另一間“Migros”的貨品較平，肉類的選擇也多，連DA牛排都有，價錢亦比香港平，只是發現時已經冇機會試。

---待續---