走過 莫斯科紅場的日子(7) – 俄羅斯政要飯堂Central House of Writers

莫斯科紅場 – 聖巴素教堂(St Basil’s Cathedral)

聖巴素教堂(St Basil’s Cathedral)位於莫斯科紅場，毗鄰克里姆林宮，是有四百幾年歷史的俄羅斯地標建築和世界文化遺產。教堂是為紀念俄羅斯沙王征服喀山汗國而建造，為當時莫斯科最高的建築物。1929年蘇聯共產政府關閉了聖巴素教堂，並禁止國內的宗教活動，教堂期後被改成政府管理的博物館。1991年蘇聯解體後，教堂維持作為俄羅斯聯邦政府的物業，並回重新復正常運作。

走過 莫斯科紅場的日子 – Day 3

<<莫斯科>>

繼續上一篇的Day 3行程。

來到莫斯科第3天，第6次路過聖巴素教堂，終於有時間進內參觀了。這是莫斯科唯一可在室內拍攝的教堂。

聖巴素教堂(St Basil’s Cathedral)

遊完教堂，又走過克里姆林宮。

金百貨商場(GUM) – 這是全俄羅斯最大的商場，裡面全是名店賣名牌，但人流稀疏。

黃昏六點幾走上Ritz Carlton Hotel 頂層的O2 Café飲杯嘢等日落，但天氣唔好，又失望而回。

O2 Café的酒吧

O2 Café的室內坐位

在O2 Café看見烏雲蓋頂，唔通又有山火????

O2 Café的露天坐位

咖啡(RB 400) – 味道嘛嘛，當買位坐。

Vodka(RB 495) – 俄羅斯Vodka又真係幾醇，配個靚環境，都幾嘆。

嘆完O2 Café，乘地鐵去Barrikadnaya站，到 飲食男女介紹的地方食好嘢。

仲有時間，可以遊地鐵河，參觀了幾個地鐵站，裝飾算精美，但唔記得了啲站名。

在Barrikadnaya站上地面後，按Lonely Planet地圖行到間Target餐廳 – Central House of Writers的位置，但找來找去都找不到，問了好多人，有啲人唔係太清楚，又有啲指我去這裡，最後行到間餐廳門口問人，佢話就係呢間，唔係嘛，屋外的俄文名同英文名都唔同書喎??間屋似住宅多過餐廳，於是問企在門口的守衛，比本Lonely Planet佢哋睇，佢哋一睇便說是這裡了。

“飲食男女”話Central House of Writers是政要飯堂，強人普京不時在這裡接見政客，商討國事，又話這裡有星級大廚，天上有地下冇。我進內時有些擔心，我冇領T-shirt加牛仔褲，間餐廳可能唔招待我。

Central House of Writers – 外觀似古宅的餐廳。

門口的守衛帶我穿過兩度厚門，再穿過一條古典的走廊，進入餐廳大堂......Oh!靚到不得了，全屋18世紀古典裝飾，加上現場的拉濶鋼琴聲，普Sir真係識嘆。。。Waiter招乎我坐在一個靚位，全場只有我們2個人，Waiter先生友善地問我們如何認識這餐廳，我答他是From Hong Kong Magazine，“飲食男女”真係好介紹。

Central House of Writers大廳 – 豪華典雅到不得了，自已從未到過亦從未見過這麽高檔的餐廳。上層是廁所和細房，我們坐在下層的近牆位置。全餐廳只有我們2個客，吃到一半才有多2個人進來。

Waiter先用車推出麵包籃，內有6至7種麵包，我選了法國包。麵包是免費任食的。

三文魚子(RB 550) – 在俄羅斯第4次吃了，賣相這裡最好，但論味道我返而覺得下午在沙王圖書館吃到的最好。當然，這杯三文魚子也是充滿油香及口感豐富，美味極了。

伴三文魚子吃的Pancake，但我喜歡分開食。

俄羅斯魚湯(RB 550) – 味道其實普通，但配合如此環境和餐具，令它變成極品。湯碗和蓋都是用麵粉焗成的，是超硬的麵包，“飲食男女”話湯係用三文魚、龍蝦、希靈魚等10多種海鮮熬成的湯，雖然我分唔到湯料成份，但確實吃到鮮甜的魚肉和大大的蝦肉。

正宗俄羅斯羅宋湯(RB 450) – 每餐必喝，好味。

油泡豬仔髀跟大粒飯(RB 1400) – 豬仔髀肉嫩Juicy，豬皮入口即溶香口，雖然好好味，但好滯。

煎三文魚扒(RB 850) – 頂級貨式，外脆內嫩魚油香樸鼻，很難再有三文魚扒比這更好。

本來想叫甜品，但主菜很大碟，太飽了。埋單RB 5000有找，物超所值。

Perfect的晚餐，令人感動，難怪普Sir做了甘多年都唔想退休。

 

--待續--