走過 莫斯科紅場的日子(3) – 莫斯科馬拉松2010

莫斯科童話建築 聖巴素教堂(St Basil’s Cathedral)

2010莫斯科馬拉松於9月舉行，出發前幾日才發現今次<走過 莫斯科紅場的日子>的4天行程期間剛巧有一天是2010莫斯科馬拉松的比賽日，而且可以即日07:00至10:00在紅場報名，費用不變，10km賽事收費RB 620，全馬拉松賽事要RB 1240。由於今年未開始練跑，所以只能參加10km賽事，賽事的起點及終點都設在紅場旁邊，賽道沿着莫斯科河跑，經過 克里姆林宮和多間東正教堂，10km賽事跑一圈，全馬拉松賽事跑4圈，中午12:00起跑。

走過 莫斯科紅場的日子 – Day 2

<<莫斯科>>

昨晚只瞓了5個鐘，早上06:30便要起身，趕去紅場報名參加2010莫斯科馬拉松。當日睛天pig pig，烏雲密佈，雨勢時大時細。

紅場外已經扎滿帳幕，用作馬拉松辦公室。

找到了報名帳幕，即時比錢報名，攞埋號碼布和晶片，快捷方便。

早上順利報名後，雨勢漸大，匆匆在紅場附近行了個圈便回酒店食早餐。由於酒店11/F Club Lounge的早餐不及G/F餐廳豐富，決定到了G/F餐廳食。

Ritz Carlton G/F餐廳都好靚，古式古鄉，而且食物又多又好食。

早餐可狂飲Sparkling Wine及果汁。

冷盤全都新鮮好味。

奄列和煙肉都好好食，俄羅斯三文魚子醬水準極高。

俄羅斯人吃三文魚子醬喜歡伴着Pancake和Sour Cream一同吃，但我比較喜歡淨食，因為佢層皮卜卜脆，魚油味香濃咸味適中，比得上東京築地貨式，但味道有少少唔同。

今日勁多强國團員吃早餐，佔了起碼一半，而且很多都粗聲粗氣聲如洪鐘勁粗礦，一睇個樣和行為都估到牠們來自農村，如果胡主席見到一定好開心，因為强國農民終於富起來了。

食完早餐再上11/F Club Lounge嘆一陣，飲杯嘢影吓相。

跟住返房休息，11:30 Check-out後行去紅場比賽。

乘lift離開時碰到個老外阿伯，佢又係去比賽，不過佢跑全馬，勁我好多。

11:45於起點集合，有微雨，氣溫約18~20℃，好好跑。第一次出國比賽，既新鮮又興奮。

在聖巴素教堂後面作賽前熱身。

開始啦，起跑啦...........

由於人數只有2000~3000人，所有賽事一齊起跑。

12:00起步，大家都一齊出閘，衝呀……

所有人都好認真地跑，唔會好似香港咁很多人當是遊藝會咁報名落場趁熱鬧，沿途風景很好，有古建築及河流，令人心曠神怡。

我太耐冇練了，跑了一半已腳軟，但都頂硬上。小太熊好勁，在人羣中都找到我。

就快到終點，好攰呀……

小太熊好衰，佢話BB都快過我衝線喎。

用了約65分鐘完成10.7km賽事，衝線。

即場攞埋証書，效率好過香港馬拉松100,000倍。

成身臭汗，博大霧返酒店焗個Steam沖個涼，跟住個身都未涼返就要趕火車去了。。。。

Ritz Carlton Hotel (Moscow)地庫的泳地，旁邊有蒸氣房、桑拿房和健身室。

今日完成了莫斯科的長跑賽事，行程充實。下午要趕火車去金環小鎮Sergiev Posad。

 

--待續--