緬甸的天與地(1) – 緬甸搜奇

緬甸大金寺Shwedagon Pagoda

今次係2012年第一次出門，踏正龍歴年假期共玩10日，小太熊今次帶我去一處比老美唱到衰一衰嘅國家「緬甸」。小太熊今次又把行程遍得密質質，10日坐了8程飛機，日日都係得5~6粒鐘瞓覺，差不多每日都由睇日出開始，眼瞓到儍。但這次緬甸之旅確是見識良多，今次遊歴令我對熱情、友善、好客、有禮的緬甸人非常有好感。 

這次行程共10天，夜機去早機返 :

Day 1 – 夜機去曼谷，在機場酒店瞓2粒半鐘。

Day 2 –     晨早機由曼谷飛去緬甸「仰光」，再轉內陸機去「曼德勒(Mandalay)」。在曼德勒機場包半日的士到「Amarapura」，遊和尚寺Maha Ganayon Kyaung和U Bein’s Bridge，睇完日落再到Mandalay市住一晚，夜晚行Night Market。

Day 3 –     04:30出發去Mandalay Hill等日出，再去山脚的寺廟Sandamuni Paya睇埋日出下半場，返酒店早餐後趕去Amarapura的和尚寺Maha Ganayon Kyaung等上千個和尚開飯，再去Inwa行3個鐘，最後直接返機場，黄昏機由Mandalay飛去萬塔之城「蒲甘(Bagan)」。

Day 4 –     包了架馬車一日，05:00出發去等日出，酒店早餐後再展開蒲甘一日遊，日落後才返酒店。

Day 5 –     倒屎甘早又起身，早機飛去Heho，再坐1hr的士去Kalaw，開始兩日一夜騎馬行山之旅，晚上在山中海跋1200m高的和尚寺瞓地下，晚上只有4℃。

Day 6 –     08:00起程回到Kalaw，包的士2hr去「茵萊湖(Inle Lake)」，住茵萊湖最貴的酒店Inle Princess Resort入面最貴的一間湖景房Princess Lake View Chalet，下午在酒店休息。

Day 7 –     包了一日船遊湖，08:30起程，睇完日落回程，行程緊密精彩。夜晚在酒店做了個1hr SPA四手按摩，超水準價錢又平，Perfect。

Day 8 –     早上又做一次1hr SPA，中午乘機返仰光。晚上到仰光大金寺(Shwedagon Paya)。

Day 9 –     早上開始沿Lonely Planet的Walking Tour路線行街，中午在Strand Hotel午餐，飯後乘的士到機場，乘機返曼谷。晚上到曼谷Silom的Body Tune做2hr泰式按摩。

Day 10 –早上06:30機返香港。

如果多 1日假，就可以用多1日由Kalaw直接行到茵萊湖，不用走回頭路返Kalaw行程便Perfect了。

這個行程的重點係 :

1.    試盡緬甸平、中和貴價的酒店；

2.    透過不斷探村莊行市集，感受緬甸人一般的生活質素；

3.    特別安排了2天騎馬旅程，深入山區感受緬甸大自然；

4.    遊遍緬甸古城和高山湖。

緬甸搜奇

這次在緬甸由最差的和尚寺瞓地下住到茵萊湖最貴的酒店，又玩盡四大古城仲騎埋馬，都算完美旅程，而且緬甸人温文有禮，見你舉機影相多會報以微笑，不會像印度佬永遠都係果句“Money Money”。由於見聞太多，今次先分享吓一D我覺得緬甸較特別的東西，跟着才寫返每日的行程記事。

緬甸搜奇(1) – 和尚都Chok??

對呀，緬甸D和尚仔好多都成個Chok樣，型呀!!

緬甸搜奇(2) – 和尚都要咪書??

對呀，我在緬甸很多的和尚寺都成日見大和尚書不離手，有些讀英文，有些計數，總之就上進啦。。。

緬甸搜奇(3) – 和尚都周街玩??

對呀，在緬甸的和尚都係人泥啫，都鐘意旅行影相遊船河架。我就成日見大小和尚們三五成羣四圍遊山玩水影吓相，算係正當娛樂同平行吓苦悶生活啦 . . . . . . . .

緬甸搜奇(4) – 和尚食飯時唔準講嘢??

唔知真定假喎，不過見到成千個和尚一齊食早飯時真係冇人吹水架，而且食得好快，食完即快閃。

緬甸搜奇(5) – 和尚食肉糜??

真架，佢地食肉架，中間果碗係咖哩雞泥架，而且枱枱都有，重香噴噴添。

緬甸搜奇(6) – 緬甸無法無天??

假嘅!! 只係文化同政見唔同，被老美唱衰佢啫，實情係緬甸雖然窮，但治安不知幾好，罪案率肯定低過老美萬九幾倍，人人自食其力，連小孩子也出來幫補家計，乞兒都唔多見，玩足八日只在仰光見到一個，我見的緬甸人99%都熱情友善好客，不會像「强國子民」般目中無人。

緬甸搜奇(7) – 緬甸政府好獨裁??

唔知呢!!Lonely Planet 2009年版都仲叫旅客提都唔好提“昴山素姬”呢個四字詞，但今日我就週圍都見到佢同佢佰爺的海報和T恤，連帶我行山個導遊屋企都掛了一幅。

緬甸搜奇(8) – 緬甸人窮到濃??

相信係真嘅，雖然果度D的士費比得上香港，可樂最平都HK$7一罐，平民餐廳叫碟咖哩雞都HK$26，物價超貴。但成日在車上都見大量婦女和小孩都要去地盆打工，導遊話男地盆工每日只有HK$25人工，婦女只有HK$20一日，聽到都覺得佢地好慘。我贊成向佢地每人派HK$6000，好過益啲自認香港人其實行為甚支那的「强國殖民」。

緬甸搜奇(9) – 緬甸麻甩佬愛著裙??

當然啦，甘舒服我都鐘意呀。呢條係佢地傳統服裝，叫Longyi，人人都著架。

緬甸搜奇(10) – 緬甸細路都要揾食??

日日都見啦。當港孩喝緊賓賓叫佢幫手擦牙和「强國」的乞人憎細路燒緊銀紙點煙食嘅時候，緬甸小朋友己在為兩餐而打拚，呢個哥仔今日收獲甚豐，加油呀。。。。。。

緬甸搜奇(11) – 緬甸人缺水??

都似係啦，不論乜水都缺。日日見啲人在路邊、河邊、井邊沖身就知啦。

緬甸搜奇(12) – 緬甸人識獨腳撑船捕魚術??

真架，我親眼見到啦，真係世上獨一無二的絕學呀。

緬甸搜奇(13) – 呢座緬甸斜塔和比薩斜塔一樣只可遠觀??

唔係喎，斜成咁都仲比人上喎，我上到頂時真係好驚佢會。。。。。。斜得好勁啫，放响香港晨早比特衰政府拆骨。

緬甸搜奇(14) – 呢啲一舊舊木用泥燒嘅??

唔係喎，佢地唔係柴泥架，係美容用品，叫 Tha-na-kha，係緬甸北部獨有的樹，加水磨成漿之後搽在面上可防曬、護膚、保濕、令皮膚條持柔軟、去色斑、清潔毛孔防暗瘡. . . . . . 總之乜都得啦，緬甸人尤其女人不論老、中、青、小孩和BB都日日用架，我都用過幾日，感覺涼浸浸好正架。

緬甸搜奇(15) – 緬甸靚女多??

絕對係，可能佢地日日都防曬加護膚，就我多日所見，緬甸通街靚女，係我去過最多靚女的國家。

緬甸搜奇(16) – 緬甸都有長頸族人聚居??

對呀，部份長頸族人現在移居到緬甸茵萊湖打工，以往在泰北清萊可一見的長頸族人，原來到緬甸茵萊湖都可探探佢地。

緬甸搜奇(17) – 緬甸全民信佛??

又唔知呢，不過緬甸的佛廟肯定多過香港的便利店，好似話全國有超過100萬座佛塔，就我所見，確係人人都拜佛，連我去到都日日拜埋一份。

緬甸搜奇(18) – 緬甸人對遊客很熱情??

只係一架車經過我同佢吔打了個招呼，見班朋友回禮的反應就知有幾熱情啦。

緬甸搜奇(19) – 緬甸交通費貴到儍??

只係的士費貴到儍啫，在蒲甘古城包架馬車2人座由日出玩到日落都只係HK$160，平到笑喎。

緬甸搜奇(20) – 呢啲一磚一磚係軟糖或片糖??

錯! 散裝皂梘泥架。

緬甸搜奇(21) – 呢啲西瓜食得ge??

食得架，睇往有兩個老外買了幾包食。

緬甸搜奇(22) – 呢支嘢咁似百事嘅，係土制百事??

係呀，佢叫Star Cola，味道同百事差不多，都好好飲架，每支只賣HK$2.8。

緬甸搜奇(23) – 跌打药酒??竹庶茅根水??

錯!錯!錯! 呢包係傳统草药洗頭水，在仰光街市見到，我好想買來試，但處事保守穩妥嘅小太熊唔準囉。

緬甸搜奇(24) – 緬甸人都會頭手並用搬行李??

通街都見啦。

緬甸搜奇(24) – 呢啲一支支係散裝掘難地??

街邊檔啲紅油泥架，約HK$9一支，電單車成日幫襯。

今次太多資料整理中，份工又忙了好多，有排寫了。。。。。

---待續---