樂天無價 寮國 • 越南(6) – 河內(Hanoi)之夜

越南河內 還劍湖

今次留在寮國的時間只有3晚，第4日便要重返河內，4日內第二次入境越南，五日行程在Passport打了6個海關印。

樂天無價 寮國‧越南 – Day 4

<<龍坡邦(Lunag Prabang)>>

今日瞓夠至起身，跟住在酒店The Luang Say Residence嘆份非常豐富嘅陽光早餐。

頭盤已經夠飽了，每人三個熱辣辣的麵包、一碟生果、荼和鮮果汁。

普通但好味的主菜，少油而且生熟剛好，食得出廚師的用心。

小太熊食的健康主菜夠清唔會滯，我從未食過這麽好食的麥皮。

早餐後Hea到11:00至Check-out。

今早Book了11:30 ~ 13:00在龍坡邦的Number One酒店La Residence Phou Vao做個90min嘅SPA，包來回酒店接送。話11:15接我們，但架車遲了5分鐘，加上在SPA Centre的Reception又mei mei mor mor要我填問卷，攪到遲了10分鐘才開始，佢居然照13:00收我工，妖. . . . . . . 收成舊水美金一位都呃鐘，衰得佢吖。

La Residence Phou Vao大堂Reception

La Residence Phou Vao客房 – 聖誕價要成四千幾港紙一晚，真係唔值，但都有好多種銀紙的老外住。

SPA房普通到暈，峇里正佢好多。

SPA價錢屬頂級，但水準只係三流，仲懶到要呃鐘添，和Banyan Tree有大段距離，連泰國的Body Tune都正佢好多。幫襯佢只有一個原因，就係試吓乜野係寮國Number One。

試完SPA再順道試埋La Residence Phou Vao的池伴餐廳。

Banana Lassies和Pineapple Lassie每杯 USD 6.6

寮國春卷(USD 14.3) – 好味道。

芝士漢堡(USD 19.8) – 牛味香濃水準極高的漢堡包，可惜薯條普通。

食完lunch，酒店話只可免費車我們出市中心，去機場要搶USD 25(在市中心只需USD 5，路程一樣) ，我當然出市區啦。

出到市區便有架Tuk Tuk開價KIP 60,000，我還價 KIP 40,000便成交，直踩機場。

乘16:50航班離開龍坡邦返河內，但隻機遲了成粒鐘，起航已日落了。

<<河內>>

晚上19:00才回到河內，我立刻上了架的士(Hanoi Tourist Taxi)，車身寫着市區來回機場都劃一收VND 315,000，抵坐。揹着大行李去食野先，60min出到名河粉店Pho Gia Trungu。

Pho Gia Trungu – 剛巧冇乜人，但三分鐘後又排長龍了。

Pho Gia Trungu只賣牛肉河和牛腩河，牛腩比得上九記，牛肉就淡口D。

話口未完就坐滿人，開始要排隊。

清湯牛肉河(VND 35,000) – 湯底清香鮮美可惜牛肉味較淡，河粉Perfect。

清湯牛腩河(VND 40,000) – 湯底清香鮮美牛腩味又香濃，同九記有得揮。

食完牛河，繼續揹住大行李沿古街Pho Hang Ga向北行8分鐘，終於找到“飲食男女”推介的越式粉卷店Banh Cuon Gia Truyen。

越式粉卷店Banh Cuon Gia Truyen

粉卷就在門口不斷卷，香噴噴。

越南近年通脹嚴重，食店全都把價錢清楚列明，否則我可能會以為佢地呃遊客，因為價錢全都比Lonely Planet和雜誌說的貴一倍以上。

我就係攞住這頁“飲食男女”了，佢都掛了在牆上。

越式烤豬肉粉卷(VND 30,000) – 水準極高，蒸粉夠滑有口感又有米香，配料多菜少肉又夠香口，值得一試。

食完粉卷仍未夠，沿舊路Pho Hang Ga向南行12分鐘，便看見一榴槤檔，小太熊話一定要嘆多個越南靚榴槤喎。

榴槤1kg ~ VND 80,000 – 掉頭走都唔肯平，最後用了VND 150,000買了個2kg的靚野，返酒店雪凍先至慢慢嘆。

買完榴槤行多10分鐘又到河內大教堂，還是一樣人山人海。

轉個彎出返 還劍湖，原來夜晚個湖好靚架。

行了一陣 還劍湖，過對面馬路試試越南的名雪糕店Fanny。

Fanny雖然好貴，但都好多人。

生姜雪糕(VND 28,000)和椰子雪糕(VND 28,000) – 呢兩款幾好味喎。

榴槤雪糕(VND 32,000)和Young Rice雪糕(VND 28,000) – 榴槤太甜唔滑唔夠香好唔掂，Young Rice夠滑有些米香幾得意，都OK。

食完雪糕繼續行返酒店，路經這坐 河內歌劇院。

最終目的地係今晚住的正野，河內一流的古董酒店Hotel Metropole Hanoi (Sofitel Legend)，在河內的地位等同香港半島或星加坡Fullerton。Lonely Planet說，唔住都要行入去間酒吧飲杯野。

Hotel Metropole Hanoi (Sofitel Legend)

酒店大堂同香港半島或星加坡Fullerton差得遠，上次去 大叻那間Dalat Palace Hotel懷舊過佢幾倍，有點失望。

雙人淨房(每晚HK$2066) – 聖誕價錢，睡房好細，裝修普通，而且全部房都面向馬路冇view，唔係好值。

酒店都放了些懷舊古董出來，但數量太少了。

沖完涼，落樓下酒吧嘆嘆先。

我飲白酒，一杯VND 170,000。

小太熊又捱病了，飲熱蜜糖錄荼，都係VND 170,000。

返到房，榴槤已夠凍了，應該樹上掉下來已經一至兩日了，雖然不及前幾日那個新鮮，但這個雪凍了，好香好濃好正呀，小太熊病了都要隊三舊。。。。

一晚之內走遍了河內的天與地，小太熊最鐘意甘樣玩。

補充資料 :

1.    龍坡邦的Number One酒店 – La Residence Phou Vao做個90min嘅SPA要USD103 (不過呃了10分鐘)，包來回酒店接送(但唔肯去機場)。SPA價錢屬頂級，但水準只係三流，和Banyan Tree有大段距離，連泰國的Body Tune都正佢好多。幫襯佢只有一個原因，就係試吓乜野係寮國Number One。

2.    在La Residence Phou Vao用美元計價及找數。

3.    越南榴槤不比大馬榴槤差，而且價錢仍然比吉隆坡平50%。

---待續---