台灣 森山行(完) – 高雄六合夜市

台灣高雄市捷運 美麗島站

台灣‧森山行 – Day 4

<<高雄>>

繼續上一篇的Day 4行程。

登玉山失敗後，17:15從登山口出發，21:30便回到高雄市的捷運 美麗島站。今晚住近六合夜市的「康橋大飯店七賢館」。比啲臭汗同雨噏住，連對襪都濕透了，臭到嘔。

高雄市 康橋大飯店七賢館

雙人房(連自助早餐和24hr自助小食飲品)每晚NT 2080

整日勞動但又未正經食過一餐，肚仔已反晒面唔聽大腦話亂叫一通。放下行李涼都唔沖便行去六合夜市食餐飽先。

高雄 六合夜市

先食呢檔 台式小籠包

脆皮湯包8粒(NT 55) – 爆汁的，超好食，味道比得上台北的鼎泰豐和上海的舒蔡記生煎包。

跟住飲杯 鄭老牌木瓜牛奶

鄭老牌木瓜牛奶(NT 50) – 馬英九和我都贊好。

飲完木瓜奶，行過對面食 天下第一辣粉。

天下第一辣粉(NT 60) – 只係小辣已食到我成頭汗，夠刺激夠爽呀。

食完辣嘢頂唔順，即刻又揾嘢飲，行前小小幫襯呢檔蔗汁。

金桔甘蔗汁(NT 40) – 冇乜蔗味只有金桔味

仲好餓，我建議食呢檔水餃，小太熊怕食完就飽晒，反對但又唔出聲，所以最後幫襯左。

菲菜水餃(NT 40) – 味道一般好，但食完真係飽了。

雖然飽了大半，但見到呢檔燒肉仍然想試。

燒雞全翼(NT 40) – 超好味，我要了一隻，但小太熊食唔落了。

行到街尾見到我至愛的 愛玉冰，幾飽都要飲多杯。

剛開始行夜市時小太熊話過想試 𩵚魠魚焿，就試這檔啦。

𩵚魠魚焿(NT 50) – 炸𩵚魠魚肉加上湯羹，味道OK但吃了三啖便飽到投降了。

臨走時行過路口見到 起司薯餅賣，決定買一件返酒店再食。

起司薯餅(NT 35) – 原來係用新彊的烤爐烤焗出來的麵包再加拔絲芝士薯容做餡料，麵包有麵包香夠質感，拔絲薯容餡幾好味又有新鮮感，我覺得六合夜市最特別值得試係呢個包。

返到酒店，嘆嘆個 24hr的住客免費水吧先，有氣水、果汁、雪糕、蛋糕、麵包仔等等，可解決一日三餐。

今晚很累，睡得特別舒服。

台灣‧森山行 – Day 5(完)

早上起身看見酒店的藍天白雲，心裡講着媽媽媽媽媽媽….

酒店的自助早餐幾好食，有齊台式和西式食物，連豆漿和雪糕都有。

食完早餐乘車去機場，坐11:25機返香港。

返到屋企，見到金黄色的日落，其實香港的日出同日落都經常靚過外地啦。。。。

補充資料 :

1.    從高雄機場乘捷運到六合夜市只有7個站，約25分鐘。

-----台灣‧森山行(完)-----