泰 • 拳 • 布吉假期(1) – Rawai Muay Thai Boxing Camp

呢位係新一代泰拳王，勁呀！

剛從聖誕島返來 12日又要出發，相都未揀好，又有Video，其實都好忙碌。不過小太熊話我太肥喎，要我去打泰拳減肥，操到好似無記套拳王入面鄭加泳咁Fit，唯有頂硬上了。今次聖誕假期選址布吉島Rawai Muay Thai Boxing Camp，每日早午兩堂操到暈，我話不如操完住晚好嘢泵個骨啦，小太熊二話不說便Book了晚Banyan Tree Phuket，操到暈都抵啦。

泰‧拳‧布吉假期 6天計劃行程包括 :

Day 1 – 放工後去香港機場The Traveler’s Lounge晚飯，然後乘泰航夜機20:45 – 23:30從香港飛曼谷，在機場酒店瞓4粒鐘。

Day 2 – 朝早乘07:30 – 09:00的Air Asia飛布吉島。到Rawai Muay Thai Boxing Camp後Check-in，中午上一堂泰拳班。

Day 3 – 早、午各上一堂泰拳班。

Day 4 – 朝早上一堂泰拳班，中午Check-in Banyan Tree，嘆世界。

Day 5 – 朝早在Banyan Tree嘆到Check-out。黃昏機16:40 – 18:00回曼谷，住The Continent Hotel。

Day 6 – 早機10:30 – 14:20返香港

泰•拳•布吉假期 – Day 1

收工又揸住張Priority Pass入機場The Traveler’s Lounge晚飯，貪佢免費。

呢碗XO醬魚蛋粉係唔錯嘅

<<曼谷>>

隻機準時22:30到曼谷Suvarnabhumi機場，但因為明早搭Air Asia要响舊機場Don Muang Airport上機，所以要片一粒鐘的士去舊機場的酒店Amari Don Muang Airport Bangkok Hotel過夜。機場酒店好方便，過條天橋便可行到機場。

曼谷舊機場的酒店Amari Don Muang Airport Bangkok Hotel

雙人淨房每晚THB 1766

泰•拳•布吉假期 – Day 2

<<布吉島>>

早上06:00起身，順利地乘07:30 – 09:00 Air Asia航機去布吉島。今次係我第三次去布吉島，感覺已遠不如上兩次了，啲嘢貴到儍，今時今日去泰國已完全冇抵玩的感覺了。

第一種接觸到的價錢係的士，由機場去布吉島最南部的Rawai Beach要THB 900，只有約40km路程，十足香港價。

今次Book了的拳館Rawai Muay Thai Boxing Camp位於布吉島最南部的Rawai Beach，從機場去要足1hr的士。由拳館步行出沙灘約15min。

Rawai Muay Thai Boxing Camp

拳館門口

拳館有Gym，可以自己操幾耐都得。

剛上完早堂冇耐，場地冇乜人。

原本小太熊Plan了今日上一堂，明日上兩堂、後朝又上一堂，點知去到至知明天星期日冇班，後日平安夜又冇班。。。。。。。。點算？？？？好彩拳館都安排了我們明天和後天早上各上一課Private Session，但明天中午就真係冇了。

拳館附設住宿安排，住越耐越平。我們住這間平房2晚。

雙人冷氣淨房每晚THB 1000，有熱水但水力很弱，算係乾淨，冷氣夠強。

放低行後李出外行吓，位於拳館旁有間靚酒店，小太熊原本話住呢間，但一晚要成USD 80，我話不如捱2晚啦，拳館平好多。

行出路口見有定額收費的士，但只在Rawai Beach Area行都要收THB 200起，貴到. . . . . . 我燒咗啲錢都唔幫襯你。

行多兩步截了這架Tuk Tuk去Rawai Beach沙灘，只約1km路程都開價THB 80，搶咩。。。。我還佢THB 50，比多你啦，唔載就算，最後當然肯載啦。

Rawai Beach冇乜睇頭

冇嘢做，行過間按摩店，泵個鐘骨先。

泰式按摩THB 300 – 1hr，環境和手勢都好。

再沿路行，有好多露天餐廳。

揀了呢間MANDO Restaurant食Lunch，貪佢乾淨又少人。

象啤一杯(THB 90)

紅咖哩鴨肉(THB 190) – 汁就好好味，肉就麻麻。

紅咖哩魚(THB 190) – 好食。

Q版白飯(THB 40)

沙灘附近有活龍蝦和鮑魚賣，價錢唔貴，買完可攞去對面的餐廳BBQ。

行完街想坐Tuk Tuk返拳館但冇車，見到的士站的標價檔檔一樣貴，唯有行路啦。

回到拳館16:00開始上第一堂，上堂前先要自己跳繩或跑步熱身。

總共有大約10個教練教40 ~ 50個學生，教練會先把我們按程度分Group，再由淺入深地教，教練們好好心機，態度一流。

有些同學練沙包

呢位同學拳拳奪命，沙包都打爆。

呢位一睇就知係初哥，出拳冇力，馬步虛浮，成個東亞病夫。

呢個老外眼神夠兇狠，可惜得個樣，重拳鐵腿仍被教練輕易化解。

呢個老外練繁踢腿

第一堂要不斷練左右直拳和勾拳，打了一個鐘已非常吃力。

中段時間還不斷迫你做Sit-up和掌上壓

好辛苦才捱完一堂2hr，沖個涼出街食飯。

又行出呢個路口截Tuk Tuk，又係冇車，要行10min出沙灘。

買了隻500g的生猛Black Crab，每1kg – THB 450。

再買了呢隻500g的活龍蝦，每1kg – THB 1800。

行過對面餐廳BBQ，廚費每500g海鮮只收THB 50，超抵。

大支象啤(THB 80)

Mango Shake(THB 60)

500g BBQ龍蝦(連廚費共THB 950) – 好鮮甜肉質又彈牙，Good！

500g咖哩蟹(連廚費共THB 270) – 汁好味肉亦甜，但太少肉，應買大隻D。

炒通菜(THB 60) – 太多油。

泰式炒河(THB 60) – 唔好食。

今日打拳的運動量比想像中勁好多。

補充資料 :

1.        HK$ 1兌THB 3.87。

2.        泰航香港去曼谷來回機票HK$ 2653。

3.        Air Asia曼谷去布吉島單程內陸機票HK$ 515，不包寄行李費。

4.        Air Asia布吉島去曼谷單程內陸機票HK$ 455，不包寄行李費。

5.        所有Air Asia飛曼谷市航機都在舊機場Don Muang Airport上落，轉機就要小心了。

6.        由曼谷Suvarnabhumi機場去舊機場Don Muang Airport非常遠，乘的士要55min車程，車費THB 660(我排到部大的士，跳錶THB 540、機場附加費THB 50、公路費THB 70)。

7.        曼谷的士司機真係唔識路的問題仍然嚴重。

8.        拳館Rawai Muay Thai Boxing Camp位於布吉島最南部的Rawai Beach，從機場去要坐足1hr的士，車費THB 900。

9.        2hr泰拳班每位THB 300，每天早、午各一班，星期日冇班。一對一私人班每1hr – THB 600，可安排星期日。

10.    由拳館步行出沙灘約15min，市內只見一兩部Tuk Tuk，大部份係定額收費的士。

11.    Rawai Beach的活海鮮比Patong Beach平一倍。

---待續---