2017年8月11日

我在澳洲的日子(1) – 悠遊 墨爾本(Melbourne)

覓食中的 澳洲野生塘鵝

澳洲(Australia)是地球面積第6大的國家,國內天然資源豐富,生態獨特,對進口的食物和土釀監控非常嚴格,使國內的自然生態不至被外來的物質嚴重影響,得以在現今世代保持相對潔淨的環境。旅遊澳洲,最好是能夠租用一艘船屋,靜靜地在寧靜的河或湖中生活數天,享受澳洲獨特的旅遊方式,感受只能在澳洲才享有的大自然生態。


我在澳洲的日子

忘記了由幾時開始,為了在有限的時間盡去想到的地方和盡試特色的酒店和食物,去旅行便是不停轉酒店和一日六七餐,很久沒有試過在同一間酒店連續住上4晚了。難得小太熊今次篇排的澳洲旅程以悠閒生活做主題,即係唔駛我再日日揹著20kg大背包晚晚執行李天天轉酒店咁辛苦了,可以舒舒服服地過一個熱辣辣的新年。今次的行程共12天,只會去澳洲墨爾本和珀斯,簡簡單單。

Day 1

晚上乘AirAsia到吉隆坡,在KLIA2機場禁區內的酒店Sama Sama Hotel瞓一晚。

Day 2

早上轉機去澳洲墨爾本,晚上抵達,連續4晚入住市中心Pegasus Apart’Hotel

Day 3

早上到墨爾本Victoria Market食生蠔和小食做早餐,中午到市郊Belgrave乘蒸汽火車「The Puffing Billy Railway」往返Lakeside,晚上到 墨爾本市“The Railway Club Hotel”食澳洲和牛晚餐。

Day 4

今日參加一天試酒團,到墨爾本市郊Yarra Valley4間酒莊試酒和午餐,晚上到Box Hill的中菜館「粥家莊」食澳洲雪花蟹。

Day 5

早上到「勇記越南河粉」食早餐,然後參加10:00-24:00Great Ocean Road Tour (Sunset),到12門徒石看日落。

Day 6

早上在墨爾本市內City Walk,中午食 Tram Restaurant電車午餐,然後乘內陸機往澳洲西部 珀斯(Perth)。晚上在Perth市內的Friends Restaurant晚飯,住Fraser Suites Perth

Day 7

早上乘火車到珀斯市郊小鎮Ravenswood,租住船屋(Houseboat) 4日。早上10:30出船,沿著Murray RiverMandurah,沿途上岸遊覽和食生蠔。黃昏在Boundary Island泊船過夜,釣魚捉蟹做晚餐。晩餐在船上自己煮。

Day 8

自駕Houseboat沿著Collins PoolWannanup的餐廳Cafe Coast泊岸後午餐,然後到附近的湖中浮標泊船,釣魚捉蟹睇日落嘆紅酒。晩餐在船上自己煮。

Day 9

早上沿著Collins Pool回到Murray River河口,在Coopers Mill泊船,上岸遊覧。中午沿Murray RiverSandy Cove Tavern的中菜館食午餐,飯後繼續自駕2.5hrPeel Zoo,在那裡泊船過夜。晩餐在船上自己煮。

Day 10

早上參觀Peel Zoo,然後自駕2hr回到Ravenswood還船,中午在Ravenswood Hotel午餐。午餐後回到珀斯市中心,入住Holiday Inn Perth City Centre
中午到珀斯市的Lake Monger睇黑天鵝,黃昏到餐廳Mister Walker食生蠔生和看珀斯的黃昏日落夜景。

Day 11

早上去London Court食早餐,然後在珀斯市內City Walk。中午乘火車往Fremantle,在市內遊覧和吃炸魚薯條。
晚上乘星航到星加坡。

Day 12()

早上到達星加坡,到黃亞細食肉骨茶做早餐後,遊覽River Safari。中午到Singapore River的河岸餐廳食斯里蘭卡大糕蟹,飯後再去Aljunied食馬拉榴槤。

乘星航夜機回香港。




我在澳洲的日子 – Day 1
今晚會乘夜機先去大馬吉隆坡,在機場瞓一晚,明早才轉機去澳洲墨爾本。㸃解唔坐直航?要慳錢囉,貪平坐AirAsia囉。

放工後還夠時間回到家裏沖個涼,睇埋日落才出發。

今天日落好靚啊,角度雖然不及從前咁好,但我還是很喜歡住在這裡。


由於AirAsia冇飛機餐食,所以在上機前要先在禁區內近Gate 40Plaza Premium Lounge食免費晚餐食到飽先。


今天非常好彩,入去時唔駛等,但我入完去就立即大排長龍了。

這裡食物和飲品的種類較近Gate 1Plaza Premium Lounge多和好味,更有生啤任飮。

上到機立即瞓覺,飛機遲了1hr才起機。



我在澳洲的日子 – Day 2

<<吉隆坡>>

01:10到吉隆坡KLIA2,今晚在機場禁區內的酒店瞓一晚,明天一早轉機。

機場酒店Sama Sama Hotel


這酒店的房租每小時收費,6hr起跳。

雙人房(不包早餐)7hrRM265,一間冇窗的黑房,算是整㓗。


瞓了6hr,早上08:30退房。

由於今次攞返張Priority Pass,可以免費到海外的機場候機室4次,今天便用第1Quota,先在吉隆坡機場食早餐。

吉隆坡KLIA2Plaza Premium Lounge,原來只是借用Wellness Spa的休息室。


坐在跑道前食嘢,環境OK啦。


食品種類非常少,最好味是杯麵,我吃了2杯,麵包唔想試了。


小太熊嫌啲食物唔好味唔肯食,只吃了個杯麵,跟著就眼金金望住外面的土司工坊,我只好帶佢去食啦,因為跟著的10hrAirAsia機上冇嘢食架。

吉隆坡的土司工坊,味道比香港的好非常多。


咖央多士餐(RM12.9)好好味,多士香脆鬆軟,咖央醬的椰子味十分香口;生熟蛋有蛋味蛋白又夠熟夠滑,唔似得星馬好多地方整到像鼻涕;奶茶勁好飮;香港貨完全冇得比。


10:45起機,21:30到澳洲墨爾本,整程機9hr都冇食嘢,只飲了少少水,都幾辛苦,最慘係後面坐了3個南亞之星,隔離是個剛去完印度的老外,不時傳來陣陣臭腳味,臭X到嘔。



<<墨爾本>>

到達澳洲墨爾本後,因為想快些到酒店,所以決定在機場坐的士,但都要等了15min才有車。墨爾本的士晚上有附加費,從機場到酒店Pegasus Apart’HotelAUD$6公路費共收AUD$60,約24km路程。 

今次會連續4晚住在墨爾本市中心,位於Victoria Market附近的Pegasus Apart’Hotel


12 大屋(不包早餐)每晩HK$765又大又舒服,有開放式廚房,住4個人去好鬆動,只是冇景。


上到房都差不多零晨了,由於今天只是早上食過嘢,在機上乜都冇食,非常肚餓,於是到附近的7-11買了些牛奶、麵包和壽司充饑。

吞拿魚沙律卷(AU$5);豬肉酥皮卷(AU$4)2liter 7-11牌牛奶(AUD$3.75);大薯片(AUD$5.2)1.5liter (AUD$3.5);今天的晚餐加宵夜,澳洲的物價都好貴吓。





我在澳洲的日子 – Day 3

來到行程第3日,終於可以開始玩了,今朝會去Victoria Market食生蠔做早餐,由於昨晚太夜瞓,今朝瞓到08:30才起床。

Pegasus Apart’Hotel外觀一般,勝在夠平和近Victoria Market


嘩!現在澳洲到處都見殘體中文字了。


早上Victoria Market的濕貨灘已經開晒檔,乜嘢蔬果都有,仲很新鮮,價錢和在香港買的差不多。


我們買了車厘子、士多啤梨和夏威夷果仁,品質和價錢都和在香港買到的差不多,失望。


南澳洲出產的有機牛奶(AUD$6.7)味道比維記銀蓋奶好一點點,2015年在Adelaide的市集買只需AUD$4.5,墨爾本的物價貴好多啊。


市場內有很多乾貨食品店,麵包蜂蜜火腿等食物乜都有。


市場內的人氣熱狗店Bratwurst Shop,小太熊話個個遊客來墨爾本都食架,仲經常排長龍添,好彩今日只排了幾個人。


買完熱狗便坐在市場外的露天坐位食,但附近有些流浪漢,小太熊唔係好鐘意。


Spicy Bratwurst(AUD$8.6)香腸有豬肉和牛肉,加了辣醬和大量配菜,味道中上啦,一試無妨,唔試都唔可惜。


Victoria Market內的肉類海鮮市場,這裏有生蠔賣,買完可以到旁邊Foodcourt的坐位食,但唔係檔檔都附有膠义和檸檬,買之前要問清楚。


魚的種類繁多,但生蠔的種類就很少,主要產自南澳Coffin Bay,只有少量產自塔斯曼尼亞的貨。


買完蠔便坐在街市旁邊的Food Court食。


塔斯曼尼亞生蠔(每打AUD$14.5)冇送膠义和檸檬,新鮮度和味道一般,小太熊仲吃了一隻臭的,甚差,唔想再食。


Coffin Bay生蠔(每打AUD$16)呢打好些少,較新鮮,但蠔味依然偏淡,但整體上唔可以話正。


這次是在澳洲吃了多次生蠔最差的一次,失望。

食完蠔再到街市外的食物攤位行一陣。


賣的食物大部分都很大路,只有庶汁在老外地方來說比較特別。


這檔的意大利烤豬肉幾香幾吸引,小太熊決定叫我買一份試吓。


Porchetta & Chips(意大利烤豬肉伴薯條)(AUD$16)非常貴,薯條和豬肉都只是一般,脆豬皮很香脆但只有一小片,唔抵食。


買完食物便坐在露天位置食,都幾熱鬧吖。


食完早餐,行路到Flagstaff站買張Myki Card,乘火車到Box Hill


Box Hill站外是個類似Victoria Market的市場,而且貨品的價錢平好多,仲好多中文字添。

在這間「天天熟食」買了杯凍豆漿,試試澳洲的中華味道。


凍豆漿(AUD$2.2)味道幾好喎,清清哋唔係太甜又幾香豆味。


蛋撻的賣相比較奇怪,因為太飽所以唔試了。


Box Hill行了30min便要趕去下個行程。因為從Box HillBelgrave的火車暫停,要轉乘火車站提供的接駁巴士,每10min開一班車來回Box HillBelgrave。從Belgrave火車站行去蒸汽火車站要8min

位於Belgrave的「The Puffing Billy Railway」蒸汽火車站,今日勁多大陸呢嘈支巴閉,佔乘客80%以上。


The Puffing Billy Railway」是建於1900年的鐵路,遊走多個澳洲小鎮,現在每天有多班古老蒸汽火車來回BelgraveGembrook供遊人乘坐,全長24km,單程需時約2hr。如果時間唔多,可以在中途站Lakeside選擇回程,單程需時約1hr

14:30開車了,蒸汽火車頭噴出黑色蒸汽,慢慢走過山林和木橋。


不論國籍個個乘客都喜歡坐在窗口欄桿,班班車都係咁架,係這蒸汽火車的特色。


火車遲到20min,要15:50到達Lakeside,只是個冇咩特別的小湖。


原本乘16:20班列車回程的,但這班列車又遲了足足30min


回程風景同去程差不多啦,都開始有一點悶了。


差不多18:00才回到Belgrave,立即乘車回到墨爾本市。


在墨爾本市轉乘電車No.109North Port站,今晚食好西的地方。


The Railway Club Hotel小太熊今晚在這裏訂了2個位,佢話這餐廳的排名好高喎,啲澳洲和牛仲好好味添。


全場滿座,好彩小太熊訂了位。


紐西蘭紅酒Pinot Noir(每杯AUD$10)小太熊叫我唔好飲咁多酒,所以只叫了2杯,成支上都只是AUD46


辣汁煮青口伴蒜容包(AUD$21.5)青口小小辣好好味,麵包亦好得,抵食。


Rack of Lamb(烤羊架)(AUD$38)羊味很香濃,肉質夠腍,小小羊酥味好正。


澳洲和牛Porterhouse 250g(AUD$61.5)肉質鮮嫩牛味幾濃,油份適中唔太滯,廚工甚佳,伴碟的薯條和磨菇都好好味,送紅酒一流。


非常滿意的一餐,抵食。

從餐廳行2min便到電車站,坐電車返酒店休息了。

今天節目雖然看似唔係咁豐富,但從09:00離開酒店至22:00回到酒店,都玩足13hr了。






補充資料 :

1.)      持有香港護照到澳洲旅遊需要申請旅遊簽證,簽証可於12個月內無限次出入境,每次停留不多於3個月。簽証可於澳洲政府官方網站https://www.eta.immi.gov.au/ETAS3/etas」申請,收費AUD$20,簽証發出後不須要留底,相關機構會自動有記錄,進入澳洲時只需到電子入境櫃位Scan Passport便可以入境,方便快捷,不像支那人用的文明護照要排長龍,所以「腥港is not支那」是有事實支持的。

2.)      網上有另一網站自稱可以申請澳洲簽證「https://www.au-etavisa.org/en/」但收費AUD$59,唔知係咪呃人。

3.)      RM1HK$1.79(永恆找換公司)

4.)      AUD$1HK$5.9(永恆找換公司)

5.)      保險每人HK$185(藍十字)

6.)      AirAsia單程機票從香港到澳洲墨爾本,每位HK$4530(20kg行李,不包括機上餐飲。)

7.)      在澳洲使用電話流動數據,可以用Optus Sim-card,在墨爾本機場有專門店出售,每張AUD$20可於28天內使用12GB數據及無限次長途電話至香港。

8.)      墨爾本市內乘的士分三個時段收費,相差大約15%Call車收多AUD$2,大行李不收費。最貴是晚間時段,起錶AUD$5.2,每1kmAUD1.84

9.)      晚上從墨爾本機場乘的士到Pegasus Apart’Hotel24km,車費AUD$60(包括機場附加費AUD$3和公路費AUD$6)

10.) 墨爾本市及近郊的主要交通工具是火車、地鐵和電車,可以在車站買Myki Card(類似八達通),每張AUD$6,再top up車費,Card便會每次自動扣除最優惠的車資。

11.) 墨爾本市內Call Uber非常方便,十分多車,價錢比的士平。

12.) 乘坐「The Puffing Billy Railway」來回BelgraveLakeside,車費每位AUD$54







---待續---

8 則留言:

  1. AA 都要4350咁貴! 點解唔坐qantas? 佢有A380雙層非常的正!

    回覆刪除
    回覆
    1. 我踩正新年的假期去,又遲買機票,已經是最平了。

      刪除
  2. The oyster and steak are very attractive.

    回覆刪除
  3. 回覆
    1. 係呀,第一次在澳洲食到嘛嘛的生蠔,以前食了好多次都又平又靚。

      刪除
  4. 唔太似蛋
    玩13個鐘夠晒啦!

    回覆刪除
    回覆
    1. 可能溝了類似吉士粉的材料。
      是呀,好攰了。

      刪除