我在澳洲的日子(6) – 珀斯 夕陽醉了

夕陽醉了@澳洲珀斯Mandurah

Peel Inlet是位於珀斯市郊Zone 8海邊的一個咸淡水湖泊，平均水深約1.5m，淡水從Murray River流向湖中，海水亦會從外湧進。湖上的天然資源豐富，常見多種候鳥、魚類和海豚，很多澳洲人假日時喜歡來這裏釣魚捉蟹。真的很喜歡今次旅程有機會在夕陽西下時把Houseboat停泊在Peel Inlet湖心，享用着紅酒，哼着「夕陽醉了....落霞醉了....」，看着燈紅色太陽下沉到湖中。

我在澳洲的日子 – Day 7

<<珀斯>>

昨晚和小太熊摘完星星，今朝晨早又起身睇日出，不過係我自己睇，佢要瞓覺。

  

Boundary Island的日出，在碼頭已經見到，靚得太過份。

睇完日出返上船繼續瞓，跟著小太熊先起身煮早餐我食，真係乖。

昨晚吃剩2隻蟹，今早便用來㷛蟹粥。

還有A餐轉飲鮮奶，十分豐富好味的早餐。

小白鷺在船外望住我哋食，好似佢又想一齊食。

望著船外面的自然風景食早餐，胃口都大啲。

食完早餐出外探索一吓Boundary Island這無人小島。

島上的沙灘，望見我的船屋啊。

小島上很多不同種類的鳥，佢哋唔多怕人。

晨早便有人在島外抓獨木舟，可以釣島和捉蟹。

島上的沙灘和樹林相當原始。

回到船上再捉些蟹，今次只要了2隻大蟹，其餘全部放回湖中，太多真係食唔晒。

塘鵝妹妹又來探我，佢話未食早餐喎，我便把捉蟹用的魚送給牠吃。

塘鵝妹妹食到魚了，佢個口真大。

成條魚啃都唔啃就吞，小心哽骨呀！

食完早餐的塘鵝妹妹很開心呀。

在Boundary Island玩到十㸃幾，揸船離開了，向Café Coast進發，今日會在那裡吃午餐。鄰居就唔走住，繼續在島上Hea。

昨晚進入Boundary Island的航道時差㸃擱淺，所以離開時特別緊張，加倍注意紅綠座標的位置，唔會越過座標。因為航道唔係好濶，所以我靠近了紅色座標的邊界，行了一會隻船的速度特然減慢得很快，大X鑊，又奶嘢，我即時入後波全力向後行，可惜已經太遲了，船的右邊底部已經被泥漿啜實，完全郁唔到。

不停試開船，轉彎，向後等方法，又走落湖想辦法，但真係牡計，攪了十多分鐘，昨晚的鄰居見我攪唔掂過來幫忙，一起推隻船，但最後佢都開唔郁隻船。

幸好這時附近剛有另一隻船，船主見我哋攪唔掂，杖義過來幫忙。

這時，今早見的獨木舟又過了來幫忙，還帶埋另一艘快艇。於是，他們用麻繩把兩艘船和我的船綁上，再強行把我的船拉回航道，最後成功了，多謝6位澳洲朋友幫忙。

看看GPS，原來隻船只是剛剛踩界已經中招。事餕睇返Manual，原來已經冩咗，進入Boundary Island航道時必須在紅綠座標的中間線行駛，否則“you will become grounded”。

只怪自己唔睇熟Manual，好彩在澳洲奶嘢，如果是在強國或強姦國奶嘢便死梗了。

隻船行得返真開心，全速駛向湖中往目的地方向，特別留神湖上的標記。

駛了差不多兩個鐘了， 遠望是Port Bouchard Bridge，船屋不可以越過這橋，橋的右邊便是目的地Café Coast。

進入避風港後泊好隻船先，附近都是貴船，小心碰花。

Café Coast是湖伴餐廳，環境一流，幫襯的人個樣都似唔駛做的濶少濶太。

Sparkling Wine Piccolo 200ml(AUD$8.9)；朱古力奶昔( AUD$4.9)

生蠔一打(AUD$33) – 鮮甜爽口，今次旅程最好味的生蠔。

焗蠔半打(AUD$20) – 好食，但蠔味被煙肉和醬汁蓋過了，所以我分開來吃。

炸魚薯條(Beer Battered Fish & Chips)(AUD$24) – 炸魚的肉質很鮮嫩，皮薄鬆脆，有魚肉味，薯條亦相當好食。

雖然今餐很貴，但食物和環境，甚至服務都滿分。慢慢嘆到15:30才離開，駛多約30min到附近的私家浮波，今晚把船綁在浮波，停在湖中心過夜。

船公司只有兩個私家浮波(黃色)可以泊船，如果冇位可以到附近的公衆浮波(紅色)泊位。

泊好船了，兩條麻繩綁住個黃色浮波，在湖中心飄飄吓。

我立即開工搵食，釣魚捉蟹，看看今晚有冇餸加。

釣了7~8條都是雞泡魚，唔識劏喎，唯有放返落湖，今晚牡魚食了。

雞泡魚滿身毒刺，巧危險架。

蟹就捉到唔少，要了2隻最大的，加埋今早捉了2隻共4隻，夠食了。

開完工，坐在船頭嘆杯紅酒享受吓，正呀。

太陽日落西山了，天色真係靚到牡朋友。

夕陽醉了.....落霞醉了......默然將心偷取了......

欣賞着夕陽下的海鷗，未飲已經先醉。

太陽落山後，又到小太熊大顯身手，弄一餐豐富晚餐。

芝士焗磨菇伴蘋果布冧 – 健康又好食。

清蒸藍花蟹 – 鮮甜度一般，偏咸，太多食到厭了。

蜜糖烤羊架雞翼 – 和昨晚的一樣咁美味，好食過餐廳的。

今早食剩的蟹粥，食埋佢。

完美的一天船屋假期。今晚依然多星，但湖中很大浪，船上搖得好勁影唔到相，晚上像睡在搖籃一樣。

補充資料 :

1.)      AUD$1兌HK$5.9(永恆找換公司)。

2.)      在澳洲使用電話流動數據，可以用Optus Sim-card，在墨爾本機場有專門店出售，每張AUD$20可於28天內使用12GB數據及無限次長途電話至香港。

3.)      船屋“Miss Bianca Houseboat”最多可載4人，必須在Ravenswood取船，4日租金AUD$1530(包括保險和稅)，另加4天的油費AUD$190。

4.)      船上有雪櫃、冰箱、石油氣爐頭、BBQ爐、焗爐、蟹籠和所有餐具酒杯開瓶器，枕頭和被，洗潔精，另可以加AUD$20要埋4套床單和毛巾。

5.)      釣魚用品、梳洗用品、食物及油鹽糖粉等等自備。

6.)      船上有熱水供應。總儲水量有1000Liter。

7.)      駕船時要注意紅綠座標，不可以太貼近，否則可能擱淺。開船前最好先花1hr認真看看Manual。

8.)      沿途很多餐廳，唔帶食物上船也不愁三餐。

9.)       Boundary Island是整個Houseboat旅程最值得去的地方，應該預留多些時間在那裡享受。

---待續---