環遊韓國 春光無限(完) – 機張松葉蟹 • 橫行 釜山甘村洞

韓國 釜山甘村洞文化村(부산감천문화마을) – 小王子與沙漠狐狸

甘川洞文化村 (부산 감천문화마을)位於距離釜山市中心 土城洞約1.5km的山丘，密密麻麻的彩色小屋呈階梯式從上而下聚集在山丘上，被稱為釜山的 馬丘比丘，極受旅客喜歡。那裡的原名是「甘川洞太極村」，50年代韓戰時期，全國難民湧入釜山並敍集在山丘上建房子，令 甘川洞成昔日的難民集中地。2009年釜山政府推行活化舊區計劃「夢想釜山馬丘比丘」，由村民與藝術團體合力改造甘川洞成藝術村，最後變成現在的彩色世界。

環遊韓國 春光無限 – Day 10(完)

<<釜山>>

昨晚小太熊決定今天早上要加插一個節目，就是先遊一遊 沙上站附近的 洛東江櫻花路，然後才去甘村洞和機張。

今早06:30起身執行李，07:00 check out並把行李放在酒店，然後乘地下鐵Line 2從 海雲臺(No.203)去 沙上站(사상)(No.227)，T-money車費₩1500，車程45min，出站後再行15min便到釜山的櫻花秘景「洛東江櫻花路」。

洛東江櫻花路 – 長長的單車小徑兩旁全是茂密的櫻花樹，比得上昨天的

余佐川啊。好彩小太熊英明決定加插這節目，否則走寶了。

去完咁靚的地方人都開心的，跟著乘地鐵Line 2從 沙上站(사상)(No.227)去 西面(No.219)，然後轉Line 1往 土城(No.109)，T-money車費₩1500，車程40min。

在 土城站6號出口上地面後，轉乘 綠色小巴(No.1-1、2或2-2)，15min便可上到 甘川洞，T-money車費₩1050。

剛落小巴便看見 甘川洞彩色小屋佈滿整個山丘的美景，這個景也是整條村最美的角度。

剛行入村口便發現好嘢，要買比小太熊做早餐了，佢今朝未食過嘢，會餓親架。

乳酪軟雪糕(요거트 플레인)(Yogurt Prain)(₩3000) – 超級香滑好味呀，乳酪帶點微酸又勁香牛奶味，從未試過這麼好食的乳酪軟雪糕，連歐洲吃到的都比唔上，有驚喜！！

沿著最高的大街行，不單只小屋的外觀和內部都靚，連街頭的櫻花和信箱都很有品味。

韓國女生們都穿起韓服玩自拍。

行到一處見大排長龍，原來是和小王子影相呀，我同小太熊又一齊排。

排了30min，終於同小五子影到張靚相，小太熊好鐘意小王子架。

隨便一條小巷都咁靚，甘村洞真係好得呀！

우인 café – 行了咁耐覺得呢間咖啡店最靚，入去歎埋先至走。

近落地玻璃個位超級正，頂樓仲有個露天位一樣咁好。

红豆冰沙(눈꽃팥빙수)(₩9000) – 冰沙像綿花一樣咁軟，紅豆大粒夠腍又唔係太甜，頂部的糯米小丸子夠煙勒，好好食的沙冰。

食完之後上天台參觀一下，原來個view靚到冇朋友架。

回到起點坐小巴返去 土城，轉乘巴士No.1003去 機張(기장)。

在這巴士站等了10min便有No.1003巴士，往 機張車程1hr15min，車費₩1700。

中午14:00去到 機張市，往 機張市場方向走，沿路已經滿街小販、好多水果賣。

機張市場(기장시장) – 裡面主打海產街市，有約10間海鮮餐廳，以賣松葉蟹為主。

海產和蔬菜多到不得了，真想租間有廚房的屋，自己買來煮。

海膽肉(每份₩10000) – 個樣好好食，見有個韓國大媽買了一份，原來我想買一份到海鮮店食(加些少廚費便可以)，不過小太熊冇話好又冇乜反應，所以最後冇買。

這些海膽原來十分細隻，每隻只有乒乓球大小但就好多肉，和食開的唔同種架。

呢檔海鮮餐廳在市場正中，十分搶眼。

松葉蟹和紅蟹都好大隻，不過唔標價，都係睇多幾檔先。

這裡的海鮮酒家職員都相當激進，一見有客人行過便不斷Sell，又話比Discount，又話檔檔都「Same same」，稍為行慢些望一望就立即被Target，一定要有幾呎厚的面皮才可以格到價，所以我最後亦只問了一檔，見𠍿錢OK便幫襯了。

最後幫襯了這檔，因為只有佢標了價錢，而且有比我Discount和有嘢送，價錢都算平。

大松葉蟹₩45000 – 1kg ; 紅蟹就₩30000 – 1kg，價錢和2014年在 速草市的大浦港差不多。

㨂了解這隻大松葉蟹，秤一秤有2.1kg，職員話原價₩94500，但可以計我₩80000。

我見價錢都差不多，但見佢斷了一隻細腳，問佢換過隻，佢就話送多一隻 紅蟹給我。

紅蟹 約有500g，買就要我₩15000，現在送埋比我。

加埋即是計了大約75折，價錢都OK，又玩了咁耐，都唔好意思再格價了，就幫襯佢。

樓上就是食店，揀完蟹之後職員便帶我們上來㨂位。

真露(₩4000) – 送牛肉豬肉海鮮都咁夾，價錢又平，攪到餐餐都叫一支，真大鑊。

每位收₩3000廚費包括小食，都幾抵呀，小食有煎蔥餅和凍蝦，好味的。

兩隻蟹好快已經蒸熟，亞姐快手快腳地拆肉。

清蒸松葉蟹+紅蟹(₩80000) – 蟹蓋的蟹膏可以加錢來炒飯，當然要試試啦。

蟹腳和蟹鉗都很鮮甜脆嫩，冇來錯機場市場啊。

蟹膏炒飯(每份₩2000) – 已經冇乜蟹膏味，不過炒飯加了紫菜和芝麻一同炒，很香口好味。泡菜豆腐湯是送的。

餐飯都很滿意，全張單₩94000，唔算貴。

接著乘的士往 海東龍宮寺，車費₩7600(起錶₩3300包首2km)。

海東龍宮寺(해동용궁사) – 沿海而建的一座古廟，幾值得一遊。

很多善信來拜佛呀，一定會夢想成真。

走了，沿馬路行去巴士站都很多櫻花。

乘巴士No. 181(No.100都可以)(₩1200)回去海雲台酒店，車程30min。

回到酒店攞返大行李，乘地鐵往 沙上站(사상)(₩1500)，再轉 輕鐵往機場(₩500)，車程60min。

釜山航空準時21:35起飛，23:45回到香港，玩足10日，眀天一早還是要返工......

補充資料 :

1.  ₩1000 兌 HK$7.38 (永恆找換公司)。

2. 釜山的公共交通都可以使用T-money，在所有梗有一間喺左近的便利店7-11或GS25都可以增值。

3. 釜山市內很多的士，很容易截車，只需預備韓文地址給司機便可以，普通的士起錶₩3300包括首2km，之後大約1km - ₩850。

-----環遊韓國 春光無限(完)-----