旅居英國 • 動態移民(28) – 錫利群島最大島嶼 St Mary’s

星空下的 休鎮(Huge Town)@英國錫利群島最大島嶼St Mary’s

St Mary’s是英國西南端的群島Isles of Scilly最大的島嶼，島上有古堡、葡萄園釀酒廠、古代遺跡、古老的村莊及海灣、自然小徑和野生雀鳥動物。Huge Town是St Mary’s的中心城鎮，大多數商店、銀行和前往其他島嶼的船隻都在集中這裡。遊覧Isles of Scilly的旅客大部份也是住在Huge Town，並到其他不同小島作一日遊。

旅居英國 • 動態移民 – Day 34

<<St Mary’s>>

今日沒有特別節目，所以可以瞓晏少少。

Castle Dining Room – 早餐在古堡餐廳食，水果麵包乳酪橙汁自助任食，每人可以order 一份蛋。

小太熊叫的 煙三文魚炒蛋好正

我叫Full English Breakfast，大大份可以唔食午餐了。

回房休息，明明出緊太陽，特然落了場冰雹，冰粒好大呀。

11:00 Check out之後把行李留在酒店，落山到Huge Town行街。

Tregarthen’s Hotel – 往Huge Town中途見到這酒店，價錢和Star Castle差不多，窗大海景靚，不過我冇乜興趣。

Hugh Town是Isles of Scilly最大的城鎮，有超過400年歴史，鎮內有大量古舊的石屋，好有特色。

St Mary’s Post Office – 郵局位於一座古舊石屋，很特別。

COOP – Huge Town最大型的超級市場，有齊所有蔬菜肉食水果乾貨糧油食品，唔係日日返貨的，睇啱要立即買，試過雞蛋水果蔬菜等新鮮貨斷了三日。

Isles of Scilly Steamship Co Ltd – 大街上的船公司，重點係左下角的黑板。

St Mary’s Boatmen’s Association – 黑板是當地漁民協會每日的船期表，協會根據當日天氣情況決定會否出船到其他小島，並在每日09:00前在黑板公佈。漁民協會的Facebook專頁也會每日更新。

Huge Town – 鎮內人流唔多，島上的商店和餐廳也是集中在這幾條大街。

Troytown Farm Ice-cream (£2.5) – 產自小島St Agnes的自家農場Troytown Farm，夠晒地道一定要試，高質的牛奶雪糕。

Porthcressa Beach – Huge Town南部的沙灘，沙灘旁有咖啡店，好好生意。

St Mary’s Church – Huge Town最大的教堂，於1838年祝聖。

Huge Town很快便行完，回到Star Castle外圍的城堡圍牆行一個圈。

城堡炮台Garden Battery

遠望Porthcressa Beach

Garrison Walls – 擁有350年曆史的St Mary’s駐軍防禦地。

繼續行上山頂，穿過Woolpack Batteries行返去Star Castle，沿途有大量長滿尖刺的黃花，充電馬來咖哩的氣味，初時唔知係花香仲真係以為有人煮咖哩。

Star Castle Hotel – 回來攞返行李，行去新酒店Check in。

The Bylet – 中間黃色小屋，距離St Mary’s Church 200m的民宿，由一對退休夫婦打理，今年才剛剛開始營業，每個Booking最少7晚。

小屋共2層高，上層有2間客房，屋主住在地下。

雙人海景套房(不包括電費)每7晚£400 – 窗口夠大夠開揚，有少量遠海景，因為不是雙層玻璃，屋內保暖不足，常常覺得很寒。

枕頭夠軟又大，不過最後一日發現內藏一支大頭針，應該係屋主大意，自製枕頭時留下的，好彩冇受傷。

廁所有天窗，熱水爐用電，水力比較弱(英國大部份淋浴的水力也很弱)。

飯廳超大舒適，但沒有抽油煙機，天氣太冷太大風不能開窗，攪到煮完飯都很大味。

今晚唔出街了，早點煮飯早點休息。

阿根廷紅酒(£6.5) – 英國超級市場賣的餐酒永遠都係由£4.5～£15左右，沒有貴價酒也沒有香港那些HK$25的超平酒，品質全部都差唔多；南非青提子(£2) - 英國的青提子又係價錢和品質也好穩定，一般都甜和多汁。

油鹽水生菜(£0.89) – 中午在COOP買的，價錢沒有比其他地方貴。

藍芝士車厘茄多士(£1) – 每人一份，方便簡單好味。

British Sirloin (£5) – 肉味一般，肉質口感偏鞋唔好食，英國真係好難買到靚牛扒，好彩一塊2個人食。

今日晚餐2人共£13.5。唔知點解好似特別攰，今晚早啲瞓。

旅居英國 • 動態移民 – Day 35

早上起床時有些少喉嚨腫痛，都唔知係普通傷風定係中了，應該係小太熊傳染我的，佢早2日已經少少唔妥，都牡所謂啦，打了3支德國針才出發，又唔係病夫，碎料啦。

早餐我煮，頭盤有 巴瑪火腿煎蛋茄汁豆多士。

吞拿魚辛辣麵

吞拿魚原味出前一丁

早餐2人共£5.4，飽到可以唔食午餐。

昨天Check in時屋主抄了電鏢，我哋Meter B讀數是48302，每Unit~£0.28，昨天因為天氣冷，小太熊開晒全屋的電暖爐，客廳暖爐忘記關掉，今早一睇已經用了31 Units，即係一晚用了£11.2電費，好很貴呀。

小太熊話今日唔可以再開暖爐，要慳電喎，不過房𥚃面好凍喎。

今朝天晴，可以如常出海，通常出船時間是10:15，09:00左右行出碼頭買票差唔多了。

Church Street - Huge Town大街道之一，每日必經。

Town Beach – Huge Town碼頭旁的沙灘，充滿漁村氣氛。

St Mary’s Boatmen’s Association在碼頭也有每日的船期表，如果當日太大風或大雨不宜出海，也會在這黑板公佈。

09:30已經大排長龍買船票，遲啲都賣晒呀。

今日係第一日出海，揀了Wildlife Safari (£18)，先去睇完Puffins才到St Agnes登島，如果唔玩Safari就減£6。

買到船票了

去其他小島的人已經開始上船。

我哋隻船叫Sapphire，乘客都不斷上船，早上船有靚位。

10:15出發，會先玩個半鐘Safari，再到St Agnes登島，回程可以選14:15, 15:30或16:30。

<<Annet>>

無人島Annet，是Isles of Scilly唯一有Puffins生活的地方，每年也有大量候鳥飛過。

刀嘴海雀(Razorbill) – 是一種群居鳥類，長居海上，只有繁殖時才會上陸地，這種鳥類是一夫一妻制，通常會在峭壁裂縫之中築巢。

歐洲綠鸕鶿(European Shag) – 喜歡在海上覓食，牠們會沿着有充足魚類供應的海岸遷徙，能夠下潛達水深45m。

普通燕鷗(Common Tern) – 主要分佈於北極及附近地區的候鳥，會潛下水吃魚，壽命一般可達23歲。

北極海鸚鵡(Atlantic Puffins) ; 刀嘴海雀(Razorbill)

北極海鸚鵡(Atlantic Puffins) – 樣貌可愛的遠洋海鳥，主要分佈在北大西洋，會潛入水中覓食。牠們會一大群的在懸崖或島嶼上繁殖，並會在懸崖石縫間或泥土中築巢。所有Puffins主要都是呈黑白色，身體粗壯，喙咀很大。牠們的喙咀在繁殖季節時會變得鮮艷，過後喙咀會變得細小及沉色。

下一站到另一無人島睇海獅。

海獅數量少，不過都見到啦。

St Agnes – 到達今日的終點，可以登島行3～5hr。

11:45登上St Agnes，打算環島行一圈。 St Agnes有3條小村莊，分別是Lower Town、Middle Town和Higher Town。先從碼頭逆時針方向行去Lower Town。

經過原始沙灘Porth Coose

補充資料 :

 

1.     £1兌HK$10.66 (HSBC網上兌換)

2.     Isles of Scilly每年4～10月也有客貨船往返Penzance，單程每位£63，包括20kg行李寄艙。

3.     Isles of Scilly由5個有人居住島嶼(St Mary’s, St Agnes, Tresco, St Martin’s, Bryher)和多個無人小島組成，旅客多數以St Mary’s為中心，每日乘船到外島作一日遊。每年由4月至10月St Mary’s Boatmen’s Association由當地漁民經營開往其他島嶼的船，來回St Mary’s收費£12，如果玩埋Wildlife Safari收費£18。遇着大風或大雨的天氣會停航，旅客必須每日早上留意他們的公佈。

 

---待續---