越南 越戰三晝夜(3) – 大叻市場 • Nam Phan Restaurant

越南大叻(DaLat)豪華餐廳Nam Phan Restaurant

越南曾經是法國殖民地，因此國內有不少高級法國餐廳，當中以胡志明市的Au Manoir de Khai最出名。遠在小鎮大叻也有豪華法國餐廳，就是和Au Manoir de Khai屬同一集團的Nam Phan Restaurant，這餐廳是一棟經過修復的法國殖民別墅，提供完美的用餐氛圍，不論餐桌佈置和家具也有濃厚的歐洲色彩......非常華麗。

越南 越戰三晝夜 – Day 2

<<大叻>>

繼續上一篇的Day 2戰爭。

從大叻火車站沿路向半山行20分鐘，途經大量歐陸式建築。

到達 越戰三晝夜 第5個進攻地點 – Nam Phan Restaurant。這餐廳外貌像一間法國豪宅，有大花園和噴水池，面向春香湖，可惜湖水被抽乾了。

法國餐廳Nam Phan Restaurant

室內環境好好。

我們選擇了坐在室外花園。

今日原來包了全餐廳，幾個人只服待我們一枱。

越式拼盆(VND 197,000) – 賣相精美獨特，但味道只係一般。

堂灼火燄蝦(VND 139,000) – 廚師會即場把這碟生蝦泡制。

廚師在隔離枱灼熟碟蝦。

堂灼火燄蝦(VND 139,000) – 蝦味和肉質尚算係OK。

菠籮炒鈑(VND 79,000) – 只係普通炒飯，唔難食。

蓮子龍眼茶(VND 35,000) – 蓮子鬆化，龍眼清甜，糖水不太甜，十分清潤，全餐最好味是這碗糖水。

滴滴咖啡(VND 42,000) – 是越南的特色咖啡，慢慢一滴滴滲出來幾得意，不過Pokka Café好飲好多。

在Nam Phan Restaurant餐飯味道雖然普通，但勝在環境絕佳，價錢又合理，值得專程來吃。

Lonely Planet介紹了大叻市的山頂有間教堂叫Du Sinh Church，話站在教堂上可望見 大叻的全貌，於是我飯後乘的士(Mai Linh Group)去那教堂。點知的士去到山頂教堂附近先話唔知正確位置，兜來兜去，最後仲落返山向下行到這間教堂，司機問返我係唔係Du Sinh Church，小太陽真係O晒咀，唯有先落車。

在這教堂落車先，再看看書上的地圖。

在教堂問一問人，佢叫我返向山上行再轉左便到Du Sinh Church。行了15分鐘回頭路，終於見到Du Sinh Church了，原來剛才的士已經過了2次，從市區乘的士到這裡只需VND 40,000，但司機來來回回兜多了我VND 20,000，仲要我自已行多15分鐘上山，所以Mai Linh Group Taxi都唔一定係好嘢。

行行重行行，終於到達 越戰三晝夜 第6個進攻地點 – Du Sinh Church。

Du Sinh Church – 外貌幾奇異，似廟多過似教堂，但又見有十字架放在屋頂喎。

從Du Sinh Church只可見到這個田園景，唔係我想睇到的 歐陸式小屋景，今次比Lonely Planet老點了。

輕易佔領了Du Sinh Church後，從山上步行回市中心約3.5km，行了一半才截到的士，乘車去 越戰三晝夜 第7個進攻地點 – 大叻市場。

大叻市場(DaLat Central Market)

市場下層賣亁貨，375ml的大叻紅酒在火車站賣VND 45,000，在這裡只賣VND 26,000，買了一支，味道OK架。

小太熊話口渴，買了個椰青(VND 10,000)。

賣法包的小販

市場的1/F有很多大排檔，坐低試吓地道風味。

在這裡吃了個下午茶，感覺唔係太衛生。

越式蝦煎餅(VND 20,000) – 幾脆口，用米紙(另加VND 6,000)包着菜同吃，味道尚可；三色冰(VND 20,000) – 唔係好掂。

米紙包着菜和越式蝦煎餅，感覺脆脆哋硬硬哋又爽爽哋。

今天在大叻的戰役已成功佔領了5個地點，現在向今次戰役的重點DaLat Palace Hotel進攻。

 

--待續--