日本 關西(4) – 櫻花の城 大阪城

日本關西 – 櫻花の城 大阪城

飄櫻幻景•温泉醉鄉 日本關西 – Day 4

<<白浜>>

今朝又晨早起身，早餐都未食就浸温泉，今次要試最靚的 浜千鳥の湯。

白浜温泉酒店 海舟‧浜千鳥の湯，有全海景伴你浸浴。

浸完温泉，可以响休息室嘆返一打 精力多，唔費錢架，攞慢啲都冇。

跟住在飯堂食個全海景半自助早餐

日式早餐味道怪怪的，早知食西式。

最好食係自助的生果和甜品

返房休息一陣便要check-out了，從露台望出，今日一片藍天。

10:30 Check-out後，由酒店行8分鍾，來到白浜最出名的温泉 – 崎之湯。

崎之湯和大海連接，浸時隨時有海浪打上來，分男浴池和女浴池，女浴池有木板遮住，但男浴池就一望無際，仲對正個海洋展望塔，冇可能唔比人望到。

崎之湯 女浴池

崎之湯 男浴池

對面就係 海洋展望塔，冇可能唔比人昅到全相。

男浴池仲有個唔好處，就係冇地方遮陰，只浸一個鍾就曬到面燶燶。

下個節目係坐巴士去「三段壁」。「三段壁」只係三個段崖，但其中一段有個洞窟可以參觀埋。

「三段壁」段崖

三段壁洞窟(￥1200入場)

三段壁洞窟內一個山洞，不斷有浪打埋去，叫做幾有氣勢。

去完三段壁洞窟，原本夾好時間搭12:38班巴士去 平草原公園(綱上和現場明明寫住每日有三班巴士)，但巴士居然放飛機，又冇的士，只有不斷上斜，行足25min斜路，才上到 平草原公園。

平草原公園 – 有好多櫻花樹，但已開始落櫻了，比幾日前和歌山城差好遠。

但公園內仍有唔少人打地舖賞櫻

平草原公園流到爆，早知唔去。之後回程的巴士都失場，又要原路行返落去 三段璧，再坐巴士返酒店攞行李，然後又坐巴士去火車站，乘JR特急去大阪。

JR特急，15:55由白浜駅出發。

<<和歌山>>

火車快經過和歌山市時，小太熊忽然問：「好唔好食多碗拉麵呢？」難得小太熊鍾意，當然好啦。立即在和歌山市落車，我揹住2人大行李，直奔「井出商店」。

和歌山市人氣拉麵店「井出商店」

味道令人感動的 豬骨湯拉麵(￥800)，濃香味道一試難忘，值得一試再試。小太熊今次精了，叫碗大麵吃個夠。

<<大阪>>

為了食多次拉麵，順延了一個鍾到大阪天王寺。因為有JR Pass，所以選擇轉 JR大阪環狀線去大阪城公園站。

JR大阪環狀線

揹住大行李出大阪城公園站行10min便到 大阪城的護城河。

大阪城夜景

大阪城公園剛好櫻花盛放，好密好靚，剩賞夜櫻唔夠喉，決定明早再來。

乘地鐵由 谷町四丁目去 心齋橋(￥200)，今晚住整個旅程最差的一晚，冇大浴場，心齋橋站上蓋的 日航大阪。

日航大阪

雙人淨房￥12000

放下行李，先行去 道頓堀食個夠。第一餐揀了人氣松葉蟹店 道樂，2009年食過一次後，一直想再食。

大阪道頓堀人氣松葉蟹店 道樂

熱清酒(￥500 – 180ml)

蟹肉壽司(￥1590) – 有水準，好味道。

跟住2個人只點了一份￥5800的套餐，包括有:

1.) 清湯，真係冇改錯名。

2.) 蟹肉蒸蛋 – 蟹肉好甜，有蛋香又夠滑。

3.) 松葉蟹刺身 – 勁鮮甜，但我有些敏感。

4.) 蒸松葉蟹脚 – 4年來都冇跌Watt，一樣咁鮮甜，難得。

5.) 燒松葉蟹脚 – 比蒸蟹脚更甜

6.) 松葉蟹天婦羅 – 相對普通啲，但都算靚貨。

7.) 蟹肉壽司 – 好食

8.) 水果 – 清甜又多汁

好滿意的一餐。跟住行過隔離街，大阪燒名店 – Tombeとんべえ。

大阪燒名店Tombeとんべえ

冷清酒(￥420)

芝士豬肉大阪燒(￥830) – 燒得太乾，味道亦麻麻。

食完飯，走過這條「浮世小路」，便行返酒店休息。

上得床瞓都24:00了，明天還要早起賞櫻。

補充資料 :

1.        白浜最出名的温泉 崎之湯，入場費￥400，唔包毛巾和Locker(毛巾仔每條￥200，Locker￥100)，冇得沖身。

2.        乘巴士由崎之湯去「三段壁」每位￥150，車程3分鍾。

3.        乘巴士由海舟去白浜駅，每位￥460，車程20分鍾。

4.        由白浜駅乘JR特急去大阪天王寺，車程約2小時，可用JR Kansai WIDE Area Pass，散票￥4620。

---待續---