旅居英國 • 動態移民(45) – 英國世外桃園Shetland

英國北方群島Shetland特產 ~ Shetland Pony

Shetland Pony是一種蘇格蘭矮種馬，原產於蘇格蘭北方群島Shetland，自青銅時代以來便有人飼養牠們。小馬有一層可以抵禦惡劣的天氣的厚長被毛，腿部十分短小但卻非常結實有力。Shetland的惡劣氣候和稀缺食物使Shetland Pony變成了極耐寒強壯的動物。

旅居英國 • 動態移民 – Day 64

<<Lerwick>>

繼續上一篇Day 64行程。

Viking Bus Station – 行了一個早上，在這𥚃乘23號巴士到Frankie’s Fish & Chips食午餐。

11:00-11:44   No.23 巴士由Viking Bus Station站去Grindahoul站，每日只有5班車，單程車費£2.9。

在Grindahoul站落車，那裡是一條只有十幾間小屋名叫Bare的村莊，羊多過人。

估唔到咁少人住的地方也有間COOP。

Frankie’s Fish & Chips – 英國最北端的炸魚薯條店，咪睇佢咁偏僻，全店滿座呀。

門口是外賣部和廚房

啱啱仲有枱，唔駛3min冇埋。

呢間餐廳唔賣酒的，只能叫些古古怪怪的飲品。

BARR(£1.9) – 像沙士咁上下味，好很難飲；牛奶(£1.7) - 正常超級市場鮮奶味。

Pan Fried Scallops with Chips (£18.5) – 帶子幾鮮甜同埋大隻，薯條也算好食。不過落單時我講完個菜名之後，伙記很古怪地反問我要唔要薯條，我心諗餐牌冇得唔要薯條喎，梗係要啦，唔要又冇話可以平啲，儍的嗎？後來見到真係有人On99答唔要。呢種文化全英國只有這𥚃見過，我唔係咁欣賞。

Muckle Haddock and Chips (£15) – 英國最北的炸魚薯條，咪又係普通炸魚薯條，不過不失味道冇驚喜，名過於實。

食完之後要等個幾鐘才有車走，因為每日就只有5班車。

14:42-15:27  乘23號巴士由Stop : Grindahoul 回到Lerwick，單程車費£2.9。

Eddlewood Guest House – 今日住這酒店，外觀和附近民居一樣，是一幢三層石屋

雙人房(包括早餐)每晚£93

窗外景觀算好啊，遠望有山有海夠開揚。

還有時間，再出去行街。

Clickimin Broch – 建於2100年前的村落遺址，Broch是考古學家在蘇格蘭發現的鐵器時代圓屋結構。

Shetland Pony – 在古跡外圍生活的小馬。

附近有間非常之大的TESCO，買些食物回酒店吃。

沿着海邊行返酒店，海邊那些應該係豪宅呀。

回到房開餐，今日午餐吃得好飽，晚上吃些水果和甜品夠了。

1 Pint Shetland Milk (£0.6) – 又唔係特別好飲，和英國其他地方出產的牛奶差唔多味；青提子500g (£0.69) – 清甜爽脆，英國的青提子水準大多很穩定。

MACKIE’s Ice-cream (£2.5~1 Liter) – 是傳統牛奶味，香滑濃味到爆呀，勁好食，香港賣HK$80呀，最衰房冇冰箱，要一次過食晒，不過我食吓食吓真係食得晒，冇乜難度。

旅居英國 • 動態移民 – Day 65

今日離開Lerwick，乘巴士到英國最北有人居住的島嶼Unst住4晚，巴士每日來回各，只開一班。

早上08:00在酒店Eddlewood Guest House食早餐。

早餐的份量任叫的，我要了2隻蛋、焗豆、番茄、香腸和煙肉，多士Cereals和橙汁係自助。

去Unst的巴士每日同樣時間14:12在TESCO開出(星期日冇車)，14:15經過酒店附近的車站“Funeral Director”，再駛到“Viking Bus Station”停站10min，再於14:35出發往Unst，車程2hr45min，全程收費£6.4。

這程車很複雜，要先在Lerwick乘Bus No.24V到Toft, Mainland，然後巴士會上船去對面島Ulsta, Yell Island，上岸後繼續往Gutcher, Yell Island。跟著便落車上第二輛巴士No.28，巴士會立即上船過對面島Belmont, Unst，上岸後巴士直達目的地小鎮Baltasound, Unst。

11:00 Check out之後寄存大行李在酒店，先去TESCO買定未來4日的早餐和晚餐，因為怕Unst可能會很貴甚至唔揸車很難買東西。

早15min去巴士站“Funeral Director”等車，等到14:19仍然未有巴士，遲咗4min 了，會唔會係司機飛站兜另一條路直接去了“Viking Bus Station”呢？因為之前在威爾斯真係試過被每天一班的巴士放飛機,今次埾係驚喎，現在還有15min，立即跑1km去“Viking Bus Station”趕14:35開車還趕得切，於是立即決定快步行過去。因為小太熊揹住大行李真係頂唔順，我便攞埋佢個背囊，一人揹2人行李快步行過去，原來辛苦過跑馬拉松，雖然氣溫只有幾度，但啲汗好似瀑布咁標出來。

由“Funeral Director”站行1km去“Viking Bus Station”

準時14:34跑到Viking Bus Station，剛到時見巴士正在駛入站，佢遲咗10min到站呀，即係司機最少遲咗10min從TESCO開車……

終於上到24V，上車時司機見我們是遊客，便再三問我們去邊，因為今日冇車返來的，再三Confirm我們去Baltasound, Unst才收我們每位£4.4。

上車之後依然不斷標汗，仍然非常之緊張。

無風無險去到Gutcher Ferry Terminal, Yell。

司機話這部巴士會停在這𥚃，指着另一部巴士叫我們先上那部車，佢遲一陣會過埋去。

在Gutchur Ferry Terminal由同一司機上另一部巴士，再船駛過去Belmont, Unst ，但奇怪司機冇再收我們每人£2車錢，後來發覺佢應該係忘記了。

渡海小輪很快便到，又上船。

<<Unst>>

登上英國最北小島Unst，島上只見大量草原和少量木屋。

巴士快了些少，不用17:00已經把我們送到目的地巴士站“Baltasound, opp Springpark Rd End”，落車時司機問我們邊日走，Confirm了我哋走的那天有巴士。

18 Springpark Road Self Catering (整幢小屋不包括早餐)每晚£95 – 樓高2層三房一廳，廚房超級大，有前後花園背山面海，最少連續租4晚，是英國最北可租住的民宿，再向北行10min便是英國最北的酒店。我對這民宿非常之滿意。

後花園十分之大，屋前是大海。

附近有一幢破落磚屋。

入門口之後便是浴室，望出窗外綠油油的。

隔離是小睡房，有海景啊。

大廳非常舒適，暖爐很足夠，最衰個火爐假的。

廳外風景無敵，未來4日每日早晚餐也是望住這個景。

廚房大過香港好多人的屋企，所有電器都齊備～

屋企好多香料，咖啡茶，牛油，油鹽糖粉，保鮮袋錫紙乜都有，還有茄汁豆和罐頭湯。

屋主昨天e-mail我，話送2支酒給我們，多謝～

上樓上看看。

大房可以瞓3人。

我們瞓的主人房。

第一次住咁大間靚屋，好鬼開心架，小太熊在屋內enjoy，我到附近的超級市場看看有什麼可以補給。

Skibhoul Stores – 距離民宿只係300m，估唔到在Unst買嘢咁方便。

店內有齊必須品，新鮮蔬果肉類雞蛋牛奶乜都有，而且價錢只係貴少少，早知唔使咁辛苦老遠帶過嚟。

地魚一夜干Kippers(£1.64) – 買一包試吓Unst的本土食材。

1 Pint牛奶(£1.4) 比大城市貴£0.7，可以接受；蘑菇(£1.16)和雞蛋(£1.28~6隻)和大城市的價錢差不多，買來做早餐。

再行去另一間距離民宿只係1.2km的大商店，順便看看沿途的景色。

St John’s Church – 由當地工人於1827年建造的古教堂。

巴士站 – Unst唔係每個巴士站也有蓋的，剛才在民宿附近落車的車站冇蓋又冇站牌，根本唔會知道係巴士站。

Shetland Pony – 小馬見我行過便走過來，啲頭髮長到遮晒眼，好得意啊。

H. Henderson Stores – 1948年開業，是附近最大的超級市場，乜都有得賣。

行1.2km返民宿，有飯食了。

士多啤梨400g (£1.75) – 中午在TESCO買的，多汁又大粒又甜。

生菜(£0.46) – 其他菜貴太多，所以次次都係食生菜，其實都幾悶。

雜菜湯 – 是民宿送的罐頭湯，實在太難飲倒了。

煎三文魚腩(£1.9) – 每人一件，英國的三文魚都是好味。

蝦仁炒蛋 (£3.15) – 3隻蛋加150g生蝦肉，好耐冇食中菜，好食。

咖哩鯖魚飯(£0.5) – 今日TESCO有米賣，好啱胃口。

晚餐每人成本只£5.2，因為支酒免費的。

 

補充資料 :

 

1.     £1兌HK$10.66 (HSBC網上兌換)

2.     英國電話卡Giffgaff可以網上預訂，出發前寄到屋企，再Download 官方Apps，到埗後可以立即開卡用。有1個月£10 (包15GB上網加超平打長途電話和Local call)的Plan十分抵用。

3.     在英國餐廳食飯不可以主動揮手叫職員過來，會被視為不禮貌，只能乖乖坐定定等職員主動上前才落Order，或者用眼睛望住佢哋，等佢哋注意到再自己行過嚟。之後在全英國食過很多餐廳，留意到又真係冇人主動揮手叫職員落Order的，真係佢唔講都唔知。

4.     在英國生活基本上可以完全唔帶現金，99%的消費也可以用信用卡或Applepay附款，包括所有交通工具、餐廳和超級市場。

5.     英國天氣變化極大，經常落雨，而且不時會括狂風，所以不方便用雨傘，最好全身衣物都要防水。

6.     Shetland巴士班次疏落，由Lerwick乘巴士到Frankie’s Fish & Chips，可乘Bus No.23在由Viking Bus Station站上車，在Grindahoul站落車，每日只有5班車，單程車費£2.9。

7.     Lerwick在星期一至六每日有一班車往返Unst，單程車費£6.4，車程2hr45min。

8.     Shetland有一款巴士儲值卡“Local Bus Service card”，乘巴士有8折優惠，張卡免費也不用按金，可以多人使用同一張卡，首次出卡必須買£10儲值。

---待續---