旅居英國 • 動態移民(48) – 探訪 北極海鸚鵡(Atlantic Puffins)

英國最北國家公園Hermaness National Nature Reserve – 北極海鸚鵡(Atlantic Puffins)

北極海鸚鵡(Atlantic Puffins) 是一種樣貌可愛的遠洋海鳥，主要分佈在北大西洋，牠們會潛入水中覓食，亦會一大群同伴一起在懸崖上石縫間或泥土中築巢，然後繁殖。Puffins的身體粗壯，主要呈黑白色，喙咀很大很趣怪。牠們的喙咀在繁殖季節時會變得鮮艷，過後喙咀會變得細小及沉色。Hermaness National Nature Reserve牠們其中一個主要居所。

旅居英國 • 動態移民 – Day 68

<<Unst>>

繼續上一篇Day 68行程。

在Hermaness National Nature Reserve懸崖邊不斷行，越來越多Puffins，可能因為這𥚃人少，牠們完全唔怕人的。

每隻Puffins也有不同的形態表情，好鬼死可愛。

小太熊鍾意到不得了，佢話我做乜第一日唔立即來這𥚃，睇埋些什麼英國最北房屋悶到死，應該只來這𥚃，日日都來。

Puffins們真係喜歡在懸崖上的泥土築巢，見山坡全是一個個窿，耐唔耐就有Puffin捐出來。

Puffins是行一夫一妻制的，佢哋好專一架。

呢2隻肥嘟嘟很笨重

佢哋真係全部一對對喎，黐到實。

沿着海岸向北行，向另一片有Puffins的懸崖進發。

這片懸崖更加多Puffins，全部都一羣一羣，影相影到手軟。

呢幾隻唱起歌來，High到爆。

另一邊山坡上的Puffins就動作多多。

呢羣就飛來飛去。

又大風又凍，冷到一雙手有點兒僵硬，影相按鈕都有困難。

海上岩石頂白色的全是海鳥，多得跨張。

向前行埋最後一段小徑便到盡頭。

英國行山徑北方盡頭 – 前面是懸崖，再行就跳海了，在這𥚃和北極之間就只有英國最北端燈塔Muckle Flugga Lighthouse和英國最北端岩石Out Stack。

原本想上山頂看看那些雀巢，但不知為何提不起勁上山，非常之可惜。

Muckle Flugga Lighthouse – 1854年建造的燈塔，是英國最北端的燈塔。

在這𥚃回程了，天色越來越好，但風力也越來越強，偶然的疾風連人都吹𨚲郁，幸好風向是從海吹至陸地，否則非常危險。

回程繼續和Puffins玩，佢哋好乖架，肯同我哋一齊影相。

Puffins在空中飛翔的形態也很可愛。

風勢實在太強，真係危險，我決定要走了，但小太熊認為我唔啱，佢話應該繼續玩落去。

Hermaness National Nature Reserve的海岸線是我見過最美的海岸線。

要上返山頂，幸好出返太陽，如果大雨就慘。

回到木棧道盡頭，原來只是停留了2.5hr，難怪小太熊嫌未玩夠，但真係危險呀。

臨走都有幾隻Puffins歡送我們，Bye…….. 有機會再來的話我一定揸車。

回程了，這條棧道又濶又好行。

紅胸秋沙鴨(Red-breasted Merganser) – 離開時又遇上稀有品種飛過。

沿着B9086公路行3hr返屋企

Baltasound Hotel – 英國最北端的酒店，在我們民宿附近，特登兜路過來看看。都係覺得我們的民宿舒服啲。

午餐肉蛋炒飯加醃地魚(£1.7) – 今餐每人只係£1.7，好食又飽肚。明天晨早要乘巴士離開Unst，好唔捨得Puffins和這間屋。

補充資料 :

 

1.     £1兌HK$10.66 (HSBC網上兌換)

2.     英國電話卡Giffgaff可以網上預訂，出發前寄到屋企，再Download 官方Apps，到埗後可以立即開卡用。有1個月£10 (包15GB上網加超平打長途電話和Local call)的Plan十分抵用。

3.     在英國餐廳食飯不可以主動揮手叫職員過來，會被視為不禮貌，只能乖乖坐定定等職員主動上前才落Order，或者用眼睛望住佢哋，等佢哋注意到再自己行過嚟。之後在全英國食過很多餐廳，留意到又真係冇人主動揮手叫職員落Order的，真係佢唔講都唔知。

4.     在英國生活基本上可以完全唔帶現金，99%的消費也可以用信用卡或Applepay附款，包括所有交通工具、餐廳和超級市場。

5.     英國天氣變化極大，經常落雨，而且不時會括狂風，所以不方便用雨傘，最好全身衣物都要防水。

6.     Unst島內只有一部28號巴士於星期一至六行駛，星期日及公眾假期冇公共交通。28號巴士班次極疏落，每日只有一至兩班車，但配合步行勉強也可以到達島上的大景點，因客量更少很多時巴士也是空車往返。有些巴士只收現金，要帶備足夠零錢。

 

 

---待續---