旅居英國 • 動態移民(43) – 英國最高峰Ben Nevis

英國最高峰Ben Nevis (1345m)

英國最高峰Ben Nevis位於蘇格蘭West Highland Way的終點 威廉堡(Fort William)毗鄰，山頂氣候惡劣多變，終年被烏雲籠罩，降雨量更達到4,350mm，相比之下，附近的威廉堡降雨僅有2,050mm，愛丁堡則只有600mm。登頂路徑起點位於距離威廉堡3.5km的Ben Nevis Visitor Centre，山徑建於1883年，從起點到山頂全長7.2km，上升1300m，往返時間一般是8～9小時左右。上山開始的90%路段平均上斜比較易行，最後1km卻因有積雪十分跣腳難行，最好穿上雪釘鞋和帶備拐枚。山頂位置全是懸崖，大霧上山時必須萬分小心，並帶備手機GPS知道自己位置。單是在1990-～1995年間已有13宗登山死亡事故，今年再有位戰狼去了參見英女皇，儘管如此，Ben Nevis每年仍吸引超過100,000人登山。

旅居英國 • 動態移民 – Day 60

<<Fort William>>

繼續上一篇Day 60行程。

今晚的旅店在West Highland Way的舊終點附近，所以先Check in完才去市中心的新終點。

The Brevins Guest House – 距離Fort William市中心約1.5km，因為市中心的住宿太貴所以選擇行遠幾步。

雙人房(包括早餐)每晚£76.5 – 因為明天要上Ben Nevis，所以連續住2晚。房間整潔舒適，可惜派了間G/F房，私隱度很差。

休息一會兒便出發繼續完成餘下旅程。

The Old Fort of Fort William – 堡壘在1654年建造，現在只剩下一片公園草地和少量圍牆大炮。

Crannog Seafood Restaurant – 原本計劃在這Fort William海邊餐廳食餐好嘢，去到見到Menu太貴唔係咁值決定取消了。

The End of the West Highland Way – 現在真正的終點已經搬到市中心這位置，終於完成整段154km長征。

呢位大叔攰到要按腳板底，佢係West Highland Way終點地標來的。

Fort William這英國傳統小鎮全部也是為遊客而設的餐廳和商店，因為這𥚃是 哈利波特蒸氣火車的起點和終點站，因此吸引大量遊客，物價和房價都異常的高。

High Street

Cameron Square

St Andrew’s Church

Duncansburgh Church

Morrisons – 火車站旁邊的大型超級市場，旁邊還有麥當勞，在這𥚃買食物。

士多啤梨(£1.75)；番茄 (£1.75)；辛辣碗麵(£1.4)；紅酒 (£5.25)；芝士漢堡 (£0.99)；咖哩鯖魚 (£0.9)

晚餐每人£5.9，都叫做有酒有魚有肉啦。

旅居英國 • 動態移民 – Day 61

今日要挑戰英國最高峰Ben Nevis (1345m)，由於狀態一般，保守預計來回用9hr。今日行程在West Highland Way第四日最攰時曾打算放棄，幸好現在狀態回復了，而且今日天晴，決定按一早定下的計劃行埋佢。從酒店出發到Ben Nevis單程 9.2km，上升1300m ，帶了4 Liter水加每人一個昨晚買的芝士漢堡，出發。

第一個去食早餐，其他住客仲瞓緊覺。

早餐要落Order，我加多一隻蛋，食飽啲至上山。

08:15起步，行2km到達Ben Nevis Visitor Centre，從這處正式起步上山。

Ben Nevis Visitor Centre – 首先過橋橫跨River Coe，再往高山方向行。

過埋這木欄便開始上鈄。

整段山路很少石級，上斜的斜度也很平均，比預期易行得多。

10:15上到高山湖，已經行了 5.6km上升了600m。

往後一段路開始多碎石，但依然易行。

11:30已經行了8.4km，上升了1020m，按照現時速度應該12:00左右便可以上到山頂，難道只比大帽山高少少，冇Lonely Planet講得咁難行喎。

點知最後1km要行足1hr45min，因為有積雪很難行。

接着一段路經常要在雪地行，因為冇預計這情況，否則一定帶埋雪抓。

12:15行了8.9km，上升了1130m，只欠最後500m上升170m。

最後一段超級難行，只能很慢的小心攰住行，而且雪很鬆完全不受力，有挑戰性。

回望山腳，其實感覺上已經到山頂了，只係行極都未到。

頂硬上，很奇怪越近山頂越多人。

差不多到山頂時已經有處懸崖，如果大霧真係好危險喎。

13:15成功登上1345m Ben Nevis頂峰，好開心呀，仲見到少少藍天，風勢只係一般大，冇吹郁人。

個個排着隊在最高點打個卡先。

天氣特然變差了，落起冰雹來，很大粒冰。

在這塊石避避風，食埋午餐便落山。

隔夜凍芝士漢堡(£0.99) – 人間極品，好好食。

過了一陣天色好轉，打卡位已經坐滿了人，好彩影完相到食嘢。

站在懸崖頂向下望，有種大地在我腳下的感覺。

14:15開始落山，幸好天氣回穩，冇再落雨。

落山都要很小心，跣低就樣衰比人笑啦。

落到山腳的天氣真係靚過山頂很多。

17:30回到Ben Nevis Visitor Centre，扣減休息時間，來回用了9hr，都唔太慢吖。

今日慶祝成功完成9日行山旅程，食豪啲，買了一個巨無霸慶祝。

巨無霸 (£3.59)；蘋果批(£0.89) ；辛辣碗麵 (£1.4)；；紅酒 (£5.25)；咖哩鯖魚 (£0.9)

今餐每人£5.4。

明天晨早坐火車離開，食唔切早餐，老闆話可以為我們預備早餐餐盒，放在房門口。

 

 

補充資料 :

 

1.     £1兌HK$10.66 (HSBC網上兌換)

2.     英國電話卡Giffgaff可以網上預訂，出發前寄到屋企，再Download 官方Apps，到埗後可以立即開卡用。有1個月£10 (包15GB上網加超平打長途電話和Local call)的Plan十分抵用。

3.     在英國餐廳食飯不可以主動揮手叫職員過來，會被視為不禮貌，只能乖乖坐定定等職員主動上前才落Order，或者用眼睛望住佢哋，等佢哋注意到再自己行過嚟。之後在全英國食過很多餐廳，留意到又真係冇人主動揮手叫職員落Order的，真係佢唔講都唔知。

4.     在英國生活基本上可以完全唔帶現金，99%的消費也可以用信用卡或Applepay附款，包括所有交通工具、餐廳和超級市場。

5.     英國天氣變化極大，經常落雨，而且不時會括狂風，所以不方便用雨傘，最好全身衣物都要防水。

6.     蘇格蘭天氣變化極大，必須做足準備全身防水及保暖擋風，適宜使用行山拐杖。

7.     Ben Nevis從起點Ben Nevis Visitor Centre到山頂全長7.2km，上升1300m，往返時間一般是8～9小時左右。上山開始的90%路段平均上斜比較易行，最後1km卻因有積雪十分跣腳難行，最好穿上雪釘鞋和帶備拐枚。

8.     在Tesco買嘢最好先做會員，問其他人Cap張圖借個會員QR Code用也可以，次次都可以慳幾磅。

 

---待續---