旅居英國 • 動態移民(47) – 海鳥天堂Hermaness National Nature Reserve

英國最北小島Unst的自然保護區Hermaness National Nature Reserve - 海鸚鵡(Puffin)

Hermaness National Nature Reserve是蘇格蘭Shetland群島最北有人居住的小島Unst最北端的岬角，由巨大遼闊的懸崖海岸和沼澤地組成，是各種海鳥的理想棲息地。Hermaness於1955年被指定為國家自然保護區(NNR)，保護區有一條木板小路延伸穿過沼澤地。由於Hermaness面對大西洋，加上Unst氣候冰冷多雨，因此要到遊覧Hermaness National Nature Reserve便很大機會受到寒風雨打，但我仍然認為是值得的。如果沒有自駕，可以乘28號巴士到Viking Longhouse之後的十字路口落車，再沿着B9086公路行4.2km便到達公園的入口停車場。

旅居英國 • 動態移民 – Day 67

<<Unst>>

今日決定乘最早07:55的巴士去Saxa Vord，再行去英國最北小屋，順便到官網介紹位於Skaw對出的懸崖睇 海鸚鵡。

早餐每人£2.1，又係火腿煎雙蛋加餐肉一丁。

07:35出門口等車，今次行多500m到一個有候車亭的巴士站“Police Station”等車。07:55夠鍾仍未有巴士，有點擔心，等到08:08終於有車了，巴士遲到13min，係第一日車我們來的司機呀，佢認得我們，於是再三Confirm佢走那一天的巴士，佢又再三話有車的，我才放心一些。

今次要收錢了，每人收了£1.4，佢話這部車只能收現金。巴士很順利到埗，在巴士站“Nordabrake Road End”下車。

剛落車便有很多小馬Shetland Pony跑過來問攞食物。

今日行返昨日條路繼續北上，因為冇落雨，可以沿途行吓景點。

Haroldswick Methodist Church – 英國最北端的教堂。

B9087公路咋天行過了，不過只去到海邊，今日上完山頂再返落前面沙灘。

回望就是死鎮Saxa Vord Resort。

前方天氣好似又轉差了，大鑊。

成日都見小羊食奶，英國的羊仔真係大食。

牧場上也有古蹟，但歴史不祥了。

英國最北的村莊Skaw，過埋村莊走到盡頭便是今日目的地。

英國最北小屋，位於Skaw的私人住宅，門口寫明不可以參觀。

Skaw海邊有不少海鳥，只係沒有Puffins。

Skaw Beach

歐絨鴨(Common Eider)

蠣鷸(Oystercatcher)

到達盡頭懸崖，乜鳥都冇，等了30min都係咁，因為又凍又太大風頂唔順要走了。

回頭再上返山頂，看見剛才經過的Norwick Beach。

路過小村Norwick，有對真人般的稻草人，好正。

Norwick飼養Shetland Pony的牧場，全部小馬都活潑非常。

今日夾唔到時間唔等巴士了，由Norwick行5.5km回到Final Checkout Café，入去飲杯茶暖暖對手先。

奶茶(£1.4)；雲尼拿雪糕(£1.1)

飲完嘢天氣更差，開始落毛毛雨了，走為上著。

沿途發現一個古蹟景點，順便睇吓。

Hagdale Chromite Mill – 相信建於1830年的石磨，用途不祥。

再發現另一景點，但來回要多行2km，小太熊唔行了，佢話返屋企先。

Keen of Hamar Nature Reserve – 是Unst的一個自然保護區，內有Unst獨有的植物，一種名為Cerastium Nigrescens的小白花。

Cerastium Nigrescens就揾唔到，只有些普通野花。

雨越落越大，揾了30min都冇Cerastium Nigrescens，都係走了。最後20分鐘非常十大勁大雨，淋住雨濕晒返屋企，好凍呀，立即沖個熱水涼，然後食飯，今晚我煮。

焗醃地魚(Kippers)(£1.64) – 條魚好有油香好好食，送酒一流，抵食。

番茄蘑菇餐肉意粉(£1.1) – 我煮得好好食。

今餐每人£2，好慳。

旅居英國 • 動態移民 – Day 68

今日係在Unst的最後一晚，決定不論天氣好壞也要去一去Hermaness National Nature Reserve，碰碰運氣看看有沒有Puffins。今日風勢是多日來最強烈的，逆風行時異常吃力。

早餐每人£2，朝朝也是這些，不過未食嫌。

巴士No.28準時10:37到站，今次司機收了£1.6，不知為何次次唔同的，不過冇所謂啦。

司機很好人，在沒有巴士站的位置停車給我們落車，停在Viking Longhouse之後的十字路口，可以行少啲路。

10:45起步沿着B9086公路行4.2km便可到達公園的入口停車場，今日超強風，好彩還有太陽。

單是沿途的沙灘小河草原風景已經很壯觀。

Hermaness NNR Visitor Centre – 天色藍到爆，希望可以保持住啦。

很多羊仔見到我們也很好奇，佢哋很少見有儍瓜行路來的。

Hermaness National Nature Reserve – 終於來到入口，慘了，天氣變得密雲，還有些雨粉。

小太熊見到Puffin食魚，又話一陣間見到時要我影一張。唔駛等一陣間，我即刻影。

11:45來到這入口鐵閘，入去啦，好緊張。

估唔到公園內有清晰指示牌，而且條路全是木棧道，唔濕唔跣十分好行。

據說Hermaness曾經是一個名叫Herman的巨人的家，他與另一位名叫Saxa的巨人為了一條美人魚而戰鬥，在戰鬥中兩個巨人互相投擲石塊，變成現在自然保護區內岬角周圍岩石的起源。英國真係多巨人的神話。

行了45min到達懸崖邊，木棧道行完了，已經沒有明顯的山路行，只能行山草地，因為有雨所以草地很濕，四周亦起了濃霧視野只有5m，因為Maps.me顯示的山路是沿着懸崖邊行，在濃霧強風下有點危險，只能小心翼翼地慢慢逐步行，幸好雨勢不大。

在這位置開始沒有木棧道了，按入口指示向右行到有Puffins的懸崖。

估唔到這𥚃也有羊和古蹟圍牆。

按GPS指示不斷落斜，濃霧不久吹散了不少，看到海岸了，壯觀得難以形容。

繼續向英國行山徑的北方盡頭進發，單是欣賞這懸崖絕景已經值得來，應該第一日便來這裡，之後日日都再來。

12:40來到一處懸崖邊，見到Puffins了，好多好近呀…飛緊呀…

第一次和Puffins如此親近，感覺很開心。

補充資料 :

 

1.     £1兌HK$10.66 (HSBC網上兌換)

2.     英國電話卡Giffgaff可以網上預訂，出發前寄到屋企，再Download 官方Apps，到埗後可以立即開卡用。有1個月£10 (包15GB上網加超平打長途電話和Local call)的Plan十分抵用。

3.     在英國餐廳食飯不可以主動揮手叫職員過來，會被視為不禮貌，只能乖乖坐定定等職員主動上前才落Order，或者用眼睛望住佢哋，等佢哋注意到再自己行過嚟。之後在全英國食過很多餐廳，留意到又真係冇人主動揮手叫職員落Order的，真係佢唔講都唔知。

4.     在英國生活基本上可以完全唔帶現金，99%的消費也可以用信用卡或Applepay附款，包括所有交通工具、餐廳和超級市場。

5.     英國天氣變化極大，經常落雨，而且不時會括狂風，所以不方便用雨傘，最好全身衣物都要防水。

6.     Unst島內只有一部28號巴士於星期一至六行駛，星期日及公眾假期冇公共交通。28號巴士班次極疏落，每日只有一至兩班車，但配合步行勉強也可以到達島上的大景點，因客量更少很多時巴士也是空車往返。有些巴士只收現金，要帶備足夠零錢。

 

 

---待續---