北海道札幌最強迴轉壽司店 – 回転寿しトリトン 北8条光星店
「回転寿しトリトン」的創始店於1989年在北海道 北見市開業，而札幌的「回転寿しトリトン 北8条光星店」在2016年開業以來便成為札幌超高人氣的高品質迴轉壽司店，經常在各類美食排行榜中排名第一，天天由漁港直送當日最新鮮食材，壽司魚生厚切且份量十足，性價比極高，每日的排隊人潮眾多，屬於當地人與遊客都極力推薦的名店，即使是平日非繁忙時間也要等2小時以上，所以最好是每日開店前1小時到達排隊，第一輪進入店內，否則第二輪便要多等1小時。
白色 • 北海道 – Day 02
行程：札幌(天陰微雪)
→ 定山溪(天陰微雪)
<<札幌>>
昨晚只瞓了6小時，今早07:30便出發，去搵好嘢食。
從酒店行650m去地鐵東西線 西11丁目車站，今日全札幌市的路也積滿厚雪，要慢慢行。
乘7min地鐵去 二十四軒車站，每位¥250。出站後再行550m去今次目標「定食めし屋」，天氣特然轉差下起大雪。
08:15到達 札幌市場外市場商店街，這裡集結了不少美食店，由於緊鄰「札幌市中央批發市場」，因此食店每日清晨也會在批發市場揀選最新鮮的食材製作料理。
大清早已經很多食店開始營業。
定食めし屋 – 於2009年開業的大眾食堂，是札幌市場外市場的一間傳奇排隊名店，曾獲日本美食網站Tabelog評選為「食堂百名店」，小太熊話今日要食個靚早餐。
早上好彩比較少人，不用排隊，食得舒適。
早上11:00之前到訪，可以用¥2200享用原價¥3800的四品海鮮丼，包含了三文魚、三文魚子、螃蟹和扇貝，加多¥1100更可以加一份高質的海膽，非常極度抵食。
サーモン・ホタテかに・いくら丼(¥3300) – 加了海膽的四品海鮮丼，海膽很新鮮高質，味道濃郁鮮甜不帶甘苦味，好好食；扇貝爽口彈牙鮮甜非常美味，入口便知是新鮮生劏的，不是那些解凍的雪藏貨；螃蟹肉好鮮甜，也是新鮮貨不是雪藏；三文魚子沒有卜卜脆爆甘香，不過咸鮮味適中，也是高質美味；三文魚也是肥美至極，這碗海鮮丼我是完全滿意的。
每一口也是味覺享受，食完之後大滿足。
附海鮮丼附送的 味增湯也好正。
食完好西個人又開心又精神，繼續在附近的商店街逛逛。
札幌市場外市場商店街 – 可能時間還早，街上有點冷清，但大部分商店已經開始營業，北海道人真係勤力。
市場內售賣各類冰鮮和活海鮮，全部有價錢，就算貴都唔會呃人。
熟松葉蟹每隻¥8618，目測每隻不足1kg，真係唔平，性價比一般，今時今日我唔覺得吸引。
水煮帝王蟹(浜ゆでたらばがに) –
每隻約700g售¥10580，感覺很貴，樣子好靚但完全冇興趣試。
嘉之次(生きんき) –
很新鮮的北海道魚王，非常吸引，但又係好貴。
活毛蟹(活毛がに) –
450g以上每100g
賣¥3240，細蟹每100g賣¥2370，見到價錢都唔想食，可能這裡近年太多遊客了，全部都係貴價海鮮，已經不是十年前的平靚正北海道。
乘地鐵由「二十四軒車站」到「北12條車站」，每位¥250，出站很後行去下個景點，街上依然很大雪。
諏訪神社 – 位於札幌市區的神社，創建於1882年，主要供奉來自長野縣諏訪大社請來的夫妻神。
御守雞仔好得意，小太熊都買了一隻(¥500)返屋企玩。
神社面積細小但設計特出，個個都趁有少少藍天爭住打個卡先。
沿路再行1km去食午餐，滿街積雪又厚又高。今日小太熊揀了人龍壽司店 回転寿しトリトン，佢叫我行快啲，好多人排隊架，點知我唔信佢，中途入了間7-11暖一暖身，浪費了5min…..
回転寿しトリトン 北8条光星店 – 這店11:00開門，我哋10:50行到，已經排了120人，要第三輪才有位，我錯了，唔應該入7-11暖身，現在要等多一粒鐘了。
最後10分鐘又來多幾十人，排隊尾要等3～4個鐘頭，黐L線架，係咪好食成咁呀～
全店只有50個位左右，而且個個都食好耐，不是30min就走人，我哋要在冰天雪地呆等2個鐘，12:50才有位，有點on9。
終於有位了，下次都係唔想玩排隊，太耐又太凍了。坐低立即落Order，要食多啲補返。
安康魚肝軍艦(あんきも軍艦)(2件¥396)
– 軍艦的品質確係幾高，安康魚肝非常之肥美甘香，口感綿密軟嫩入口即化，味道絕對能媲美大拖羅，性價比高，壽司飯味也很香。
三文魚子軍艦(いくら)(¥352)
– 三文魚子入口卜卜爆脆，魚油甘香不過咸，好食。
生北寄貝裙邊軍艦(生ほっきひも)(¥297)
– 北寄貝鮮甜爽口冇腥味，香港食唔到。
螃蟹三文魚子軍艦(かにいくらマス)(2件¥484)
– 螃蟹肉沒有預期中的鮮甜，整體上只係中上質素，可以唔試。
網走産希靈魚壽司(網走産地物にしん)(2件¥396)
– 正嘢，魚味香濃獨特，僅次於秋都魚刺身。
蟹膏軍艦(かにみそ)(2件¥287)
– 蟹膏味濃微苦少少腥，算好食，螃蟹肉依然係中上。
厚切鰻魚握壽司(厚切りうなぎ握り)(¥396)
– 鰻魚又厚又肥美，好好食，半件已經夠送飯，可以分兩口食。
活北寄貝壽司(北海道苫小牧産生ほっき)(2件¥484)
– 北寄貝味道淡雅鮮甜，口感清爽，好食。
中拖羅壽司(本まぐろ中とろ)(¥352)
– 中拖羅入口即化甘香魚味濃，好好食，叫了幾件全部都靚過昨天的「迴轉壽司 根室花丸」少少。
鹽漬蝦天婦羅握壽司(えび天握り塩)(¥352)
– 炸蝦新鮮爽甜好正，脆粉稍為厚了少少，扣了點分。
炙燒中拖羅壽司(炙り中トロ)(2件¥594)
– 魚油依然豐富，味道也很好，但始終覺得係唔燒好食啲，感覺係冇嗰樣整嗰樣，on9。
佐呂間和牛壽司(肩ロース、ザブトン)(2件¥594)
– 高質的生牛肉，又係入口即化油香甘濃，好少機會食到，必食之選。
北海道元貝壽司(北海道産生ホタテ)(¥352)
– 帶子勁新鮮爽甜，好正。
長鰭吞拿魚腩軍艦(びんちょうとろ軍艦)(2件¥396)
– 魚肉有點鬆散，味道沒有預期中的甘香，早知唔試。
食到勁飽，之後要離開札幌去定山溪住一晚。先乘地下鐵(¥210)去 薄野再轉巴士，點知巴士遲了10min也冇車，旁邊一位韓國人問我哋會唔會因為大雪取消了巴士，我哋鬼知咩，等多一陣間覺得再等都唔知等到幾時，天氣又凍，決定改坐地下鐵南北線(¥290)由 薄野去 真駒內，入閘時用ApplePay，但小太熊出閘時閘機壞了，ApplePay被拒，職員攪了好耐都攪唔掂部閘機又唔比小太熊走，趕巴士架大佬，我唯有放低¥290現金離開，都唔知ApplePay有冇收多一次錢，死㗎佬麻9煩。
步出 真駒內車站 立即便看見12H巴士，啱啱上到車，去定山溪「白糸の滝」落車每位¥750，落車俾錢，可以用交通卡ICOCA或現金。
在定山溪巴士站「白糸の滝」落車，行5分鐘便到今晚的温泉酒店 グゼクティブスイート翠嶺。
補充資料 :
1. 持香港護照可以90天免簽証入境日本，入境前要上Visit
Japan Web網站填寫海關申報表。
2. Visa Card日元簽賬匯率￥100約兌HK$5.2。現金日元匯率￥100兌HK$5.9，在這價錢入了不少貨。文章列出的價錢已包括了所有稅項和服務費。
3. 日本全國通用交通卡ICOCA可以在AppleWallet找到，可以用Master
Card增值(Visa增值失敗)，在北海道可以乘座普通火車、巴士和地鐵。札幌的地下鐵也可以用Visa Card入閘。
4. 北海道的冬天街道常有很滑的冰，最好穿上冰爪防滑。
---待續---
沒有留言:
張貼留言