自遊 韓國(6) – 濟州島 城山日出峯

韓國濟州島 – 城山日出峯

城山日出峰(성산일출봉)位於濟州島東部海岸，海拔182米，10萬年前海底火山爆發而形成，是現存完整的海底火山丘，很多韓劇也在那裏拍攝。城山日出峰於2007年被聯合國教科文組織指定為世界自然遺產。

自遊 韓國 – Day 7

<<濟州>>

今日早上乘的士到濟州島東部的名勝 萬丈窟。萬丈窟是一條13.4km長的天然溶岩窟，洞內滿佈怪石，十分之奇特。

萬丈窟(門票W2000) – 入口好似深入地底咁，感覺幾詭祕。

從樓梯底望返上入口處

萬丈窟 – 內部只開放了頭1km，其餘部分會有倒塌危險。

去到這怪石位置便是盡頭，要回頭了。

萬丈窟其實都唔算係世界級的岩洞，級數和砂勞越的岩洞差九千幾里。

行完岩洞，到洞外的餐館食飯。今次試試濟州島的特產，烤紅馬頭魚。

烤紅馬頭魚(W13000) – 濟州島的特產，魚肉咸咸地肉質幾滑，味道算係鮮甜，有點像大眼雞。

昆布海膽湯(W8000) – 幾好味。不過熟了的海膽似蛋黃味，都係生食好啲。

從萬丈窟沿馬路行10分鐘，去到「金寧迷路公園」。

金寧迷路公園(門票W2000) – 入口處冇乜特別。這是一個大型迷宮，草叢高2米。

我最初睇佢唔起，諗住用半粒鐘便可以走出去，點知像走入了桃花陣，行來行去都係重覆地行緊同一條路。

如果你睇小這迷宮就會好似我小太陽一樣咁樣瀨嘢了。明明都望到終點條橋，最後竟然足足用了90min才能破解，死味。幾驚比佢困足一日出唔返去。

迷完路之後，乘巴士到韓劇熱門外景地 城山日出峰。

城山日出峰(門票W2000) – 從入口處沿海邊可以行上山峰頂，沿途有很多地道美食。

小太陽由山腳行到上山頂，沿途只見遊客大部份都係中國同胞，商店全部都可以收人仔，都咪話中國國力唔強。同胞，我哋又見面啦。

城山日出峰頂

落山後，到城山日出峰山腳海邊，幫襯海女買海鮮食。

海鮮拚盆(W10000) – 有3隻螺和1隻像海參的物體，海女會在你面前生劏，再用海水清洗。

海鮮盆制成品 – 螺肉很鮮甜，但疑似海參又硬又淡，並且入口時帶有濃列海洋氣色。

坐巴士回到Ramada Hotel都差唔多17:00。今天會由Ramada Hotel搬到附近的沿海小旅館，小旅館位於濟州島龍頭岩附近的海旁，房間有海景，好舒服。

入黑之前乘的士來到這小旅館

可惜落的士時遺下錢包，冇咗W400,000和張Visa Card。間旅館的職員知道後即刻幫我打長途電話到香港報失card，真係唔該晒韓國的朋友。

天色黑得很快，旅館像一間民居。

雙人海景房(不包括早餐)每晩W80000 – 房間有開放式廚房，面向大海，有大露台，好整潔舒服。

唉！可能今次韓國遊太過大吃大喝，餐餐唔係 鮑魚，就係 三刀、韓牛，食得招積，住得舒適，所以受到天譴，攪到唔見錢包。不過………雖然唔見錢，心情欠佳，但無損我嘅食慾。於是化天譴為食慾，到旅館附近整餐蔘雞湯補補先。

張家蔘雞湯 – 小店又係只有我們一枱客，韓國的店舖都係那麼少人的。

鮑魚蔘雞湯(W14000) – 雞內釀了人蔘紅棗糯米，湯底很香人蔘味，好補呀。

牆上都放了好多千年人蔘。

當睌唔見錢，瞓得唔好……心情勁差

---待續---