絕地 • 天行 尼泊爾(12) – 再別Lukla

俏俏的我走了，正如我俏俏的來..................

絕地‧天行者日記 尼泊爾EBC – 第 13 天

經過昨日瞓足 12小時，今早狀態大勇，由Machhermo (4410m)開始不停站行到中午 12:00 在Kyangjuma (3550m) 食飯，飯後再不停站行到 Monjo (2835m)，行足一整天，隨着天氣漸暖，我的生命力又再不斷增强，晚上冲完熱水涼再加美味晚餐後，終於拾回 1/4條人命了。

總步行時間(連休息)  –  8 小時45分鍾 

今早05:00 起床，室溫有 1°C，可能係身體太虛，感覺係山中 11晚最凍的一晚。

06:00 在旅店食早餐，叫了 Muesli 、兩隻 Boiled Eggs和兩杯 Black Tea(每杯Rs 50)，但兩隻蛋過期了，蛋白有部分變了啡色，小太熊驚肚痛唔肯食。看見 Sidar 和 Porter 坐在對面，店主勁好招呼佢地，請佢地飲最貴的奶茶 (我飲要Rs 80 一杯)，睇住佢地每人飲了 3杯，又每人有一碗麵食，我同小太熊就食壞蛋。。。。

Sidar 條契弟昨晚話 Dole 的早餐唔好食，其實只係佢自已 D免費早餐唔好食，所以死都要我食埋早餐至起行，如此行為，絕對不是好導遊。最攪笑仲係佢開始不斷 sell 我，叫我介紹多 D friend 直接幫襯佢，唔好經 Agent，又話自已好好 (好到早半個鍾出發都多多聲氣，好到成日同小太熊講話上Gokyo Ri睇日落好凍唔好去，好到最尾兩日比我發現佢呃我錢，好到次次帶我去 D只係佢有着數我冇着數的旅店)，可能佢真心覺得自已冇問題，理應如此，所以我覺得佢做了 7年導遊都冇乜自已的客才是理所當然，因為我都唔會介紹佢比 D Friend。相信如果冇Agent 監控住，佢 D行為會更差。

好，再扣你 Tips。

Sidar 唯一好處，講好的時間永冇遲。06:30 準時出發，晨早天郎氣清，沿着旅店旁的小路向前行落山。 

08:15 到達 Dole (4200m)，有點像天空之城。 

過了 Dole 後，要行 1hr不斷上山至山頂這個塔。 

跟住係慢慢沿山腰落山。

中午12:00 到Kyangjuma (3550m) 食飯，回一回氣。天色已變差，有毛毛雨粉，幸好不太大風。 

好肚餓，覺得這碟 雜菜炒飯好好味。 

又係 芝士番茄意粉，普普通通。 

飯後 12:35 再起行，13:45 已到 Namche Bazar，我狀態大勇，決定不停站一直行到 Monjo (2835m)才決定今晚在那裡瞓。我今日沒有理會 Sidar 說甚麽廢話了，我決定了便要佢跟住行。

15:45 回到 Monjo (2835m)的登山管制站，累了，決定今晚在 Monjo 找間旅店過一晚。Monjo 這小鎮沿河谷而建，80%旅店有河谷靚景，我們沿路行過最少七、八間環境好好沿河谷而建的旅店，但 Sidar 冇停步不斷向前行。

直至行到 小鎮盡頭，Sidar 話叫我住左面淺紅色頂那間 --- 全 Monjo 最衰最殘又冇河谷景的旅店，旅店前是個地盤。 

Sidar 條契弟太過分了，為了自已少少的回佣已嚴重影响我旅程的質素，我二話不說便露出不悅的神情說「This one, no good」跟住回頭行，條契弟仲未知衰，高聲吋我說「This one very good, the room very beautiful, you can see the room, hey, where are you want to go, your way is wrong, it is to Namche!!!」

如此素質的導遊，令我想起“惡珍”。 “惡珍”話一隻手係拍唔響嘅，所以我冇出手，只出口話「I don’t like you always bring me to the worst hotel 」

「which hotel would you like?」佢問

「I just want a room with valley view, over 80% hotel in Monjo is OK」我答

我向後行了三十秒，入去一間河畔旅店問房，Sidar 快步上前，搶先用“土話”和旅店職員講幾句後，便對我說「Today is full」

挑。。。。。。這小鎮根本不是大站，只有少量唔趕時間的旅客才會停這裡，那會 Full，分明講大話想我放棄，不知所謂。

我唔理佢再繼續行，行多三十秒到這間 Namaste Lodge，自已行入去問。

Sidar 快步上前搶先用“土話”和旅店職員交談，跟住同我講話這旅店只剩下“Common Room”，我問“What is common room”，佢就答我話 Common Room即係冇私人浴室，剩得兩張床的房。挑。。。。。在山上日日都係住 Common Room啦，分明又係廢話。

我於是叫旅店職員帶我上房看看，嘩!!在山上住了十多晚最整潔最靚這間房，而且面向河谷，一流。

我立即問旅店職員「How much for this room」，Sidar 想開口說“土話”前，職員已很快答了 Rs 200，我再問「How much for hot water shower」，Sidar 立即搶先古古惑惑同佢說了幾句“土話”後，然後同我講「He don’t know the price, he need to ask his sister about the price」。日日都有人沖涼，旅店職員怎會不知價，Sidar 的大話真不行。

Namaste Lodge 雙人房 (Rs 200) 

隔了一會，Sidar 回來說「Hot water shower is Rs 400 per person, it is a gas heater and provide non-stop hot water, very nice, you need two person shower?」我雖然極度懷疑佢講大話，因為在這裡冲涼大的只需 Rs 250 – 300，Rs 400是海拔 4000m以上的價錢，但苦無證據，只好照冲，但決定再扣佢 Rs 300 tips。

又隔了一會，Sidar走上來話原來兩個人沖涼有 Discount，Rs 500 兩個人。我以為佢良心現，認罪悔改。

六晚冇沖涼，七晚冇洗頭，一次過把所有污積沖走了，真痛快，沖完後我仍不斷淋熱水，特然gas 爐的火熄了，水即時變凍，只好走人。

晚上到飯廳開飯，睇餐牌時發現沖涼的價錢名碼實價寫了在餐牌上 – Gas Shower Rs 250。 

原來 Sidar 唔係良心發現，只係發現了餐牌有沖涼的價錢才知衰。這次以後，我完全不再信佢講嘢，亦開始懷疑佢早幾晚開大了房租笠我水，因為房租沒有寫在餐牌上，只係任佢 say。

19:00 開飯了，今日第一次叫 雜菜湯麵 (Rs 200)，太耐冇食即食麵了，覺得好好味好舒服。

咖哩雜菜飯 (Rs 300)，好好味，今晚有 3個人點這味，店主煮了很多，不斷為我們加飯加餸，我差不多吃了兩碟。 

吞拿魚 Pizza (Rs 300)，一樣好好味。 

晚上好暖，最低室温度都有 8°C，我咳和鼻涕開始有好轉了，但小太熊好像冇好轉，而且越來越多鼻血。。。。真慘!!

絕地‧天行者 備忘錄

1.)    今天共行了 8小時 45分鍾

06:25 – 08:15   Machhermo (4410m) to Dole (4200m)

08:15 – 12:00   Dole (4200m) to Kyangjuma (3550m)

12:35 – 13:45    Kyangjuma (3550m) to Namche Bazar (3440m)

13:45 – 15:45    Namche Bazar (3440m) to Monjo (2835m)

2.)    在尼泊爾珠峰山區，所有旅店不論景觀大小的雙人房，只要在同一小鎮便同一價錢，所以住好嘢和住黑房都係一樣價錢。由於自由行的旅客(不請導遊自己行的強者)不會幫襯位置差的旅店，例如Namche Bazar 那間冇景觀的旅店 Thamserku View Lodge，所以那些旅店便要給導遊較高的回佣，以保持生意額。

3.)  Lonely Planet 話山區的 Porter 很情緒化，難溝通，所以建議旅客請個導遊管住個 Porter。但我今次個導遊先至情緒化，幾次黑我面發脾四，反而 Porter 好好，又識帶路 (幾次 Sidar 條契弟顧住同人吹水，要 Porter 幫佢帶路)，又幫我叫嘢食。所以我建議可以只請 Porter，再把部分導遊費送埋比佢，這樣做相信 Porter 更開心，皆大歡喜。

絕地‧天行者日記 尼泊爾EBC – 第 14 天

今日最後一日行山，昨晚非常好瞓。今早又係狀態大勇，由 Monjo (2835m)開始不停站行到中午 12:00 回到起點 Lukla (2850mm)，隨着天氣漸暖，我感到自已的生命力不斷回歸，完成整段山上行程後感到自已還有半條人命，真係死唔去。

總步行時間(連休息)  –  4 小時15分鍾 

今早 Hea 到 06:00才起床，07:00食早餐。

洋葱奄列 (Rs 180) 

雜菜湯麵 (Rs 200)、熱檸汁 (Rs 40) 

Muesli with milk (Rs 150) 

這旅店的房和食物質素都很好。

07:45 起行，不停站一口氣用了4 小時15分鍾回到起點 Lukla (2850m)，到埗後即開始天陰有微雨。由於我已不再信 Sidar，到埗後我即時要他交還 Lukla返加德滿都的回程機票(他在我到埗當日叫我把機票放在Himalaya Lodge，好讓旅店可替我把航班隨時改期)，自已去 Yeti 航空公司改機位，免得佢又話冇機位，要我住多幾晚。

這麽衰的導遊，我決定把原先留給他和 Porter 每人 Rs 7000 Tips，每人Cut Rs 4000。但小太熊好好人，以德報怨，話算啦，佢地都很窮，叫我不要 Cut 那麽多。最後我都聽 小太熊話，每人給了小費 Rs 4000，算重手了。

先在 Himalaya Lodge 食午飯，咖哩雜菜飯 (Rs 350) 幾好味。 

雜菜湯麵 (Rs 200) 

飯後到機場碰碰運氣，可惜中午機場已因天雨而關門了。Yeti 航空公司的 Lukla 辦事處開 14:30 至 16:00，職員很幫忙，替我改期安排了明天 11:45 的機位離開 Lukla。

下午在 Lukla 行街時碰到一個香港中七學生，單人匹馬唔請 Guide 和 Porter 用 9日從 Lukla 來回 EBC，依家香港的後生仔真係勁過 我後生時好多。和他談了一會，我一講起請導遊，佢立即話知道導遊會收回佣，進一步確定了我的結論。

由於不能即日離開，我今晚在 Himalaya Lodge 住一晚。今日很 Full，我入住最後一間位於閣仔的雙人房。

Himalaya Lodge 雙人房 (Rs 200)、熱水涼每位 Rs 300。 

旅店的晚飯也很美味，Special Dal Bhat (Chicken) Rs 450，好有雞味。 

吞拿魚 Pizza (Rs 440) 

習慣了早瞓，今晚又係 20:00 瞓覺。

絕地‧天行者 備忘錄

1.)    今天共行了 4小時 15分鍾

07:45 – 09:45   Monjo (2385m) to Phakding (2610m)

09:45 – 12:00   Phakding (2610m) to Lukla (2850m)

2.)    今天最後一天行山，完成 13天山中行，是預算最快的時間。其實 Diamox 對我很有效，如我不是帶病出發，我應可以 11日完成整段行程。

絕地‧天行者日記 尼泊爾EBC – 第 15 天

今日很早便醒了，落飯堂吃早餐。

公司三文治 (Rs 450)，樣就好好，但麵包太硬唔新鮮，很難食。 

早上天郎氣清，飛機一架接一架，不斷昇昇降降。

機場旁有間 Café，進去飲杯嘢等 Check-in。 

朱古力咖啡 (Rs 200)，高水準。 

09:15 入去機場磅行李，排了一陣隊，10:00便進入候機室了。原本上早兩班機，但因職員在機上 倒瀉米，清潔了半個鍾，始終都係 11:45 才正式起飛。

曾經看過不少旅客在 Lukla因天氣差而滯留的經驗，因此來回 Lukla 我都預了要滯留一天的時間，也預備了大量美金，以備要乘直昇機離開。昨天遇到的香港朋友也在 加德滿都延誤了 9小時才起飛，我這次來回 Lukla 的飛機都準時起飛，太幸運了。。。。

飛機準備時起飛時，我想起了劍橋仔 徐自摸 的一首名詩 – 再別 Lukla

「俏俏的我走了，正如我俏俏的來，我揮一揮衣袖, 不帶走一點憒憾。」 

飛機 12:15 到達 加德滿都，我一落機立即見到當日出發時送我入內陸機場的那 Agent 職員，佢專程來免費接我機，送我到一間我自選的酒店，冇收酒店回佣，亦冇 sell 我任何嘢，服務一流。幸好Agent 職員接我機，因為當日 加德滿都有大形示威遊行，市面上所有商店也關了門，繁忙的路上也只見一兩部車行駛，更完全不見有的士。

昨晚才選定今天入住 Thamel 區的酒店 – Nirvana Garden Hotel 

雙人 Deluxe Room USD 50 (已連稅，冇早餐) 

Nirvana Garden Hotel好正，房夠大，有露台環境又好，價錢合理，花園有很多雀鳥，晚上像睡在樹林一樣。

在酒店的花園午飯，價錢勁平，環境好味道亦好。

炸雞薯條 (Rs 290)、咖哩雜菜飯 (Rs 200) 

我最喜歡的 尼泊爾奶茶一壺 (Rs 100 約有六杯) 

今日見 Agent 那麽有誠意，市面上的 Agent 又全關了門，飯後我便行去 Agent間鋪，問問到 Chitwan National Park 的資料，順便唱衰個衰導遊。剛出門行了 10分鍾便開始狂風暴雨，雨水黃豆般大，還灑了一陣 4mm的冰雹，真可怕。雨落了成個鍾，我亦在街上企了一個鍾。

在 Agent間鋪安排好未來三日行程後，已差不多黃昏了，沿路經過一個花園 Garden of Dreams，發現花園內有間餐廳 Kaiser Café，鳥語花香環境一流，餐廳有點像“Heritage 1881”，便進內食晚飯。Garden of Dreams要 Rs 160 入場費，未食先要比錢，但食完後都覺值得。 

Garden of Dreams 內的餐廳 Kaiser Café 

紅酒一杯 (Rs 615)，麵包免費。 

地中海海鮮湯 (Rs 310)，味像龍蝦湯，用料十足。 

煙肉粟米湯 (Rs 310)，算係好味的西湯。 

五成熟 澳洲牛柳 (Rs 770)，廚工好，汁底配菜靚，牛味濃度中等，有驚喜，質數可比香港 HK$300 的貨式。 

尼泊爾拚盆(雞肉) (Rs 990) – 太咸太辣 

雪糕新地 (Rs 350)，普通貨式。 

晚上回到酒店發現停電，原來全 加德滿都市都停電了。

---待續---