沖繩石垣島 御菓子御殿 – 紫薯朱古力蛋糕卷
御菓子御殿 是創立於2001年的沖繩人氣品牌，創始本店位於沖繩讀谷村，其母公司於1986年首創以沖繩特產紫心番薯製作的招牌甜點「元祖紅薯撻」，口感綿密薯味香濃且甜而不膩，隨即成為為沖繩的人氣名物，並持續在沖繩以及日本各地維持高度的人氣和好評。截至2025年，御菓子御殿在沖繩縣共有約 9家分店，包括讀谷村總店、恩納店、名護店、國際通松尾店、國際通久茂地店、那霸機場店及石垣店等等。
沖繩 鯨 • 鯊日記– Day 08
行程：與那國島(天陰間中有微雨及暴雨)
→ 石垣島(天陰)
繼續上一篇Day
08行程。
<<石垣島>>
19:15飛機降落石垣空港，很快便攞返行李，趕得切19:30開往石垣市的巴士。
19:30 - 19:59乘4號巴士往石垣市「博物館前」，落車行 170m便到今晚的酒店。
The BREAKFAST HOTEL PORTO石垣島 – 以前住過一次，貪佢的早餐超級豐富好食，今次再住。
雙人房(包括自助早餐)每晚¥12038
– 房間設計簡單尚算整潔，冷氣和熱水也夠力，住客可以免費限時享用生啤清酒飲品放題。
我們太夜才到，免費生啤清酒飲品放題已經完咗，只有凍咖啡，好過冇啦。
飲完咖啡便出外食晚餐，附近有間高分的石垣牛燒肉店，去試一試。
石垣牛MARU
– 2009年開業的石垣牛燒肉專門店，在當地的評價很高(事後懷疑用網軍推高分數)。
店舖裝潢很有日本特色，氣氛很好，今晚夜了，人客不多不用訂枱。
Orion生啤(Orion生ビール)(每杯¥600)
– 小太熊話飲水便可以，俾我叫多杯生啤。
石垣牛5種盛(¥6800)
– 包括了各種石垣牛部位，計落又冇收平到，散叫都係差不多。
石垣牛肋排(石垣牛ゲタカルビ)(¥1800)
– 另外再加這份中價牛肉，夠食了。
失望，原來火爐是用煤氣不是炭火，始終差一皮。
級水平，雖然勉強算幾好食，但只適合初嘗和牛的人，下次一定唔再來。
白飯(¥450)
– 食和牛一定要有飯才好食的。
日式冷麵(¥1000)
– 湯底加了白醋十分醒胃，味道唔錯，但麵質很硬，一點也不爽。
沖繩 鯨 • 鯊日記– Day 09(完)
行程：石垣島(天陰間中有雨)
→ 香港
今日下午14:20乘機回香港。早上06:00起身，06:30準時去食早餐。
食早餐的餐廳設在地下，一陣間便勁多人。
飲品好正，有甘香到極點的 石垣牛奶，仲有奶茶檸檬茶。
最吸引有自製海鮮丼
六款石垣島地魚刺身非常新鮮，有吞拿魚腩蓉、吞拿魚赤身、三文魚、魷魚、鸚鵡魚和鯛魚，睇樣都覺得鮮美。
另一必食放題是 石垣牛肉。
石垣牛肉片 – 牛肉味濃又甘香，就係因為這石垣牛所以返來再住一次。
日本豆腐每日鮮製，好有益。
八重山豚肉都好好食
還有牛奶布甸，酒店話係得獎甜品，食落確係幼滑香濃牛奶味豐厚，勁正。
一次過攞齊食物才慢慢食
自製海鮮丼 – 正到呢～出街食最少要¥1200。小太熊話這自助早餐每人只係加¥1500咋。
石垣牛肉丼 – 我覺得味道真係唔比昨晚差喎，只係肉質冇咁嫩，但放題始終食得開心啲。
雜錦丼 – 有 八重山豚肉、沖繩苦瓜、醬油茄子、豆腐、溫泉蛋和咖哩牛肉，好好味。
食完三碗飯太飽了，已經再食唔落八重山蕎麥麵。
甜品有Blue
Seal雪糕放題
Blue Seal雲尼拿雪糕 – 只係普通牛奶公司雪糕質素，完全沒有Blue Seal雪糕屋的品質，似冒牌貨。
食完早餐，小太熊話想去濕平，便同佢坐10min巴士(¥190)去附近的商場看看。
メイクマン(Makeman)
石垣店 – 小太熊買了些家居用品，佢話平好多喎。
仲有好多農產品賣，沖繩苦瓜買來榨汁都好，熊本士多啤梨也吸引。
坐¥190巴士返市中心繼續行街。早上很少遊客在街上，非常清靜。
730記念碑 – 位於石垣市的中心位置，為了紀念1978年7月30日沖繩縣在美國統治後，正式將行車方式從靠右行駛改回日本本土的靠左行駛而設立。紀念碑上繪製著車輛由右側駛向左側的圖案，兩旁還有象徵守護交通安全的琉球風獅爺。
這Heart
Land賣石垣牛肉漢堡包，以前食過一次都唔錯的。
炭火焼肉 石垣庵 – 上次來食過一次，那時叫「石田屋」，好好食的。今次想再食已經摺咗了，可惜。呢間唔食了。
石垣市公設市場步行街 – 行過四五次，每次也是少人得可憐，冷清得可怕。
石垣市公設市場 – 石垣島歷史最悠久的市場，創立於1899年，在1904年正式遷至現址，樓高三層，有熟食店、石垣牛肉、蔬果、禮品店及當地特產等等。
下層的熟食中心算幾旺場，全部都係日本客。
石垣牛肉賣得超級貴，價錢和燒肉店一樣，離譜。
這檔甜品似足幸福Pancake。
日式牛脷酥呀，好想試吓。
御菓子御殿 石垣店 – 這店的紫薯甜品好好食，入去買件好嘢先。
元祖紫薯撻(元祖紅いもタルト)(¥162)
– 紫薯香甜幼滑好鬼正，每次來沖繩也必食。
紫薯朱古力蛋糕卷(紅いもショコラ)(¥324)
– 蛋糕軟綿綿忌廉好濃牛奶味，紫薯夠香甜，滿分的甜品，下次再食。
御菓子御殿 紫薯撻雪糕(御菓子御殿紅いもタルト)(¥184)
– 便利店買的雪糕，御菓子御殿專門店反而冇得賣。在沖繩縣的日子每次見到也一定買來食的雪糕，是Okimei和御菓子御殿合作出產的雪糕，以御菓子御殿的招牌紫薯撻作藍本製作，沖繩縣以外的地方冇得賣的，即使最近沖繩的鹿兒島縣 與論島也沒有。紫薯味十分濃郁，口感和味道也是一流，連個撻皮也加進雪糕內，令味道更多層次，是最好食的杯裝雪糕。
熊本士多啤梨(¥645)
– 剛才在Makeman買的，又大粒又多汁，不過有點酸過頭唔夠甜，只係普普通通。
12:05 - 12:35從酒店乘4號巴士(¥540)往 石垣空港。
14:20 - 15:30 乘日本越洋航空由 石垣機場 → 那霸機場，票價HK$232。再等夜機返香港。
<<那霸>>
とんかつ新宿さぼてん(Saboten
Japanese Cutlet) – 在那霸機場食晚餐。這是機場內一家有名的豬扒專門店，創業於1966年的老店，在日本各地擁有多家分店。評價方面普遍被認為是味道穩定、價格合理、性價比高的豬扒店。
日式咖喱豬扒飯定食(ロースかつカレー)(¥1500) – 真係好食喎，豬扒炸得鬆化又有肉香，咖喱汁味道啱啱好，飯亦軟熟有飯香，成碟清晒；大生啤(¥700)。
20:15 - 22:15 乘香港快運回到香港。返到屋企已零晨了。又要開始計劃2個月的美加行程。
補充資料 :
1. 持香港護照可以90天免簽証入境日本，入境前要上Visit
Japan Web網站填寫海關申報表。
2. Visa Card日元簽賬匯率￥100約兌HK$5.32。現金日元匯率￥100兌HK$5.9，在這價錢入了不少貨。文章列出的價錢已包括了所有稅項和服務費。
3. 石垣空港有巴士(4號)往返石垣市，每30min開出一班，車程約40min，車費¥540，可以上車用ApplePay俾錢。
4. 石垣島的巴士全部也可以上車後用ApplyPay俾錢。
5. 日本越洋航空由 石垣機場 →
那霸機場，機票價HK$232，包括20kg行李。
6. 香港快運(HK
Express) 香港來回沖繩那霸市機票每位HK$1319，包括20kg大行李。
-----沖繩 鯨 • 鯊日記(完)-----
「沖繩 鯨 • 鯊日記」9天行程，詳細行程可點擊到相關文。
日本沖繩原來甘多嘢玩；謝謝分享。
回覆刪除