縱橫沖繩 • 跨九州(21) – 小浜島 南十字星豪華度假村

小浜島豪華度假村 南十字星(はいむるぶし)(Haimurubushi)

はいむるぶし(Haimurubushi)是沖繩方言，意指 「南十字星」。小浜島はいむるぶし於1979年開，設有超過100間客房，設施包括有 大展望浴場、牧場、泳池、沙灘、餐廳、歌廳、水牛池等等，評價更是勝於小浜星野。度假村的面積很大，因此大部分住客也會租一輛高爾夫球車代步。

縱橫沖繩 • 跨九州 – Day 11

行程：石垣島(天陰) →小浜島(天陰間中有雨)

繼續上一篇Day 11行程。

<<小浜島>>

13:40回到酒店。

小浜島はいむるぶし

酒店大堂環境很舒服，晚上會有兩場民瑤演唱。

很多住客也會租高爾夫球車代步，不過我嫌太貴覺得唔值，而且自己仲行得郁。

今次只租了度假村第二平約房，最左邊那一間。

雖然是第二平，但進入門口的走廊已經很濶。

雙人園景房(包括早晚餐)每晚¥45890 – 房間十分之大，整潔乾淨，佈置優雅，正向是花園樓房景。

原來則望有海景的，有驚喜，很滿意啊。打開大窗可以直接行出花園。

雪櫃內有大量免費飲品任飲，歎罐啤酒先。

休息一會兒之後便在酒店內四圍走，今早踩單車時冇乜落雨，但現在落出雨了，而且大到要開遮，好慘呀。

あだんの森(Adan Forest) – 酒店內的小樹林，都唔細的，要行5min。

內裡別有洞天，有座椅供住客使用，難得是蚊唔多，但係有少少。

水牛池 – 荷花池內養了兩頭水牛。

牧場內養了一對黑白羊，旁邊有大紅花葉可以餵食，羊仔好鐘意食。

還有巨型象龜，好活潑架。

名和昆蟲博物館 – 有很多昆蟲標本，喜歡的人有排睇，我就一般。

度假村的Reception 門口有接駁車往返於沙灘和Reception之間，不過每小時只有一班車，啱啱走了冇耐，所以唔等了，自己行1km過去。行到半路有職員揸哥爾夫球車經過，問我們是否去沙灘，主動車我哋去。

海Café(はいむるぶし) – 是酒店沙灘旁的Café，環境非常好，可惜又落雨了，真掃興。

因為落緊毛毛雨，天灰灰海灘上冇乜人，只有少少人在Café食嘢。

如果唔落雨，在這裡坐吓一定很享受。

有好得意的沖繩風獅爺，唔知女果隻係咪叫做風獅娘呢。

入Café揀了窗口位，慢慢enjoy吓這環境。

黑糖芝士蛋糕伴雪糕(¥1000) ; 沖繩菠蘿汁(¥500) – 食份Tea又唔係好貴，而且好食，好舒服。

停雨之後依然天灰，出去行吓沙灘玩吓鞦韆，等有接駁車便回泳池游水。

泳池和餐廳及Reception位於同一大樓。

因為又落雨，玩了一會兒都冇乜心機，其他人都掃興地走了，今日算幾差勁，換了昨日的晴天就好了。

西表島展望大浴場 – 趁天黑前浸個浴，這個是沖繩極罕有的展望浴場。

室內浴池也有園林景色，令人放鬆。

戶外浴池更多舒服，可以坐擁海景遠望西表島。

沖完涼有免費果汁雪條放題，吃了支菠蘿味。

晚上19:30-20:00在餐廳外的大堂有民謠拉闊音樂。

今晚訂了20:00晚飯，很多位啊，日本人都喜歡早食飯，好彩都仲有5～6枱陪我們。

晚餐是半自助餐，除了2人一碟 阿古豬(Agū)鐵板燒之外，其餘的飲品、前菜、刺身、水果甜品等等也是自助形式，一定夠飽。

日本清酒 + 冰烏龍茶

沙律加了又多汁又甜的蕃茄和沖繩苦瓜，好味；雜菌湯就很普通；調味料有多款產自八重山的海鹽選擇。

雜錦魚生丼 - 味道唔錯，可以食多碗。

阿古豬(あぐー)(Agū)拚盆 – 是2人份量，有4款不同部位，可以一次過試晒佢。阿古豬是沖繩最出名的豬種，外貌白毛黑斑點有點趣怪。聽講牠們的黑豚祖先六百多年前由中國坐船去到琉球之後，琉球國王下令加以繁殖，黑豚肉便成為御用佳餚。及至二次世界大戰，沖繩黑豚近乎絕種，全島只剩下15隻，當地人期後便嘗試用黑豚與歐美的白豬配種，成功生出如小熊貓一樣的花豚あぐー，牠們體形較小，肉質卻與黑豚接近，最後成為了沖繩獨有的豚肉料理。

阿古豬的味道沒有預期的濃郁，不論肉質和肉味也只係普通貨式，有點失望，反正香腸幾好食。

水果和蛋糕好食。

Blue Seal紫薯雪糕杯 – 唔掂，根本唔覺有紫薯味，絕對可以用差字來形容；雲尼拿雪糕杯 - 呢杯算正常普通雪糕，可以食多杯。

Blue Seal雪糕杯不知為何今次大跌watt，以前好好食的，做壞個牌子，不過Blue Seal雪糕屋的新鮮雪糕依然是頂級。

晚餐後21:30 - 22:15再去大展望浴場浸一浸。

回房間的路上經過 水牛池，我又覺得冇哥爾夫球車都冇乜所謂，行多2步啫。

縱橫沖繩 • 跨九州 – Day 12

行程：小浜島(天陰) →石垣島(陰晴不定)

早上06:15起身，06:30大浴場一開門便入去再浸。

西表島展望大浴場 – 今早天色和昨天差不多咁灰，但望住西表島浸浴依然很爽。

07:30 - 08:30食自助早餐，食物都是地道沖繩早餐。

炒苦瓜、雞蛋卷、烤地魚和西多士，味道唔錯的。

很難得早餐有Sparkling Wine，飲一小杯啦。

五清汁 – 非常醒胃，健康有益；Sparkling Wine – 只是平價貨式，品質一般；沖繩牛奶 – 香滑好飲，最鐘意呢杯。

唔客氣了，一次過攞齊野慢慢食，費事出去幾次。

八重山蕎麥麵伴些烤魚苦瓜蛋卷午餐肉，味道不比晚餐弱。

吞拿魚腩碎伴明太子丼 – 仲好味過晚飯的雜錦魚生丼，呢碟高水準，好食。

咖哩豬腩肉丼 – 味道一般，早知食多碗吞拿魚腩丼。

最後食埋水果和甜品，Blue Seal朱古力雪糕依然係一般質素，但點都好過紫薯味。

食完早餐返房慢慢執行李，歎杯茶準備退房。

10:35乘酒店接駁巴士到碼頭，乘11:10 - 11:40船回去 石垣島，很奇怪，上船不久，10:50便開船了，早了20min，咁準時到的人點算呢。

 

補充資料 :

1.     日元現金匯率￥100 兌HK$5.9，在這價錢入了不少貨。

2.     日元Visa Card簽賬匯率￥100 約兌HK$5.35。

3.     石垣島往返八重山外島的航線分別由「八重山観光」和「 安栄観光」兩間船公司營運，持有一間公司的船票不可以乘座另一船公司的航班，因此必須要睇清楚船公司的回程航班時間才可買來回票。

4.     安栄観光船公司的 5/4/3日乘船放題卷已經停售，只能買普通來回票。快船往 小浜島需時30min，來回票每位¥2700。

 

 

---待續---

日本沖繩、九州、山口縣40天行程參考(點連結有詳細遊記)

日數	行程路線	日程重點
Day 01	香港→大阪→石垣島	大阪近郊半日遊 ; 石垣市半日遊
Day 02	石垣島→與那國島	石垣市The Breakfast Hotel超值早餐 ; 與那國島半日遊
Day 03	與那國島	與那國島潛水(Part 1) ; 與那國島潛水(Part 2)+與那國島巴士半日遊
Day 04	與那國島	與那國島潛水(Part 3)
Day 05	與那國島	與那國島1天自駕遊(Part 1) ; 與那國島1天自駕遊(Part 2)
Day 06	與那國島→石垣島	石垣市半日遊 ; 石垣島半日美食遊
Day 07	石垣島	石垣島巴士1日遊(Part 1) ; 石垣島巴士1日遊(Part 2) ; 石垣牛烤肉～石垣屋
Day 08	石垣島→竹富島→石垣島	石垣市酒店超值早餐 ; 竹富島半日遊 ; 石垣島黃昏釣魚團
Day 09	石垣島→波照間島→石垣島	波照間島單車1日遊(Part 1) ; 波照間島單車1日遊(Part 2)
Day 10	石垣島→西表島→石垣島	西表島半日遊 ; 石垣島半日遊+石垣牛烤肉～石田屋
Day 11	石垣島→小浜島	小浜島單車半日遊 ; 小浜島南十字星度假村
Day 12	小浜島→石垣島	小浜島南十字星度假村 ; 石垣島Club Med假期(Part 1)
Day 13	石垣島	石垣島Club Med假期(Part 2) ; 石垣島Club Med假期(Part 3)
Day 14	石垣島	石垣島Club Med假期(Part 4) ; 石垣島Club Med假期(Part 5)
Day 15	石垣島→沖繩那霸	那霸市半日遊
Day 16	沖繩那霸→沖繩南部→恩納	沖繩南部自駕遊(Part 1) ; 沖繩南部自駕遊(Part 2)
Day 17	恩納→讀谷討→大石林山→古宇利島→名護	沖繩讀谷村體驗捕魚 ; 大石林山 • 古宇利島美食
Day 18	名護→沖繩萬座酒店	沖繩美ら海水族館 ; 花人蓬午餐 • 沖繩洲際萬座海濱酒店
Day 19	沖繩萬座酒店→讀谷村→美國村→那霸市	萬座毛 • Trip Café紫薯甜品 • 讀谷村 • 美國村 • 沖繩民瑤居酒屋
Day 20	沖繩那霸	那霸市1日遊(Part 1) ; 那霸市1日遊(Part 2)
Day 21	沖繩那霸→與論島	5小時渡輪往與論島 ; 與論島自駕遊
Day 22	與論島	與論島魚市場 ; 百合ヶ浜 ; 與論島浮潛 ; 與論島鄉土料理
Day 23	與論島	與論島自駕遊 ; 與論島酒店Pricia Resort Yoron
Day 24	與論島→奄美大島	8小時渡輪往奄美大島• 奄美大島鄉土料理
Day 25	奄美大島(通宵渡輪往鹿兒島)	奄美大島自駕遊(Part 1) ; 奄美大島自駕遊(Part 2) • 11小時通宵渡輪往鹿兒島
Day 26	鹿兒島→宮崎	宮崎日南海岸自駕遊 ; 宮崎秘湯旅館ホテル日南北郷リゾート
Day 27	宮崎→霧島	飫肥 • 宮崎牛燒烤午餐 ; 霧島溫泉秘湯~旅行人山莊
Day 28	霧島→熊本	霧島神宮 • 熊本市半日遊
Day 29	熊本→阿蘇	阿蘇火山一日遊 ; 阿蘇火山秘湯~阿蘇廣場飯店
Day 30	阿蘇→黑川温泉	黑川温泉1日遊(Part 1) ; 黑川温泉1日遊(Part 2) ; 黒川温泉旅館いやしの里樹やしき
Day 31	黑川温泉→福岡	篠栗九大之森 • 福岡燒肉店~大東園 ; 福岡中洲屋台
Day 32	福岡→佐賀→福岡	佐賀國際熱氣球節 ; 佐賀牛季樂本店午餐 • 福岡市半日遊
Day 33	福岡→山口縣美禰市→山口縣長門市	山口縣秋芳洞 • 秋吉台 • 秋吉台自然動物公園Safariland ; 長門湯本溫泉～大谷山莊
Day 34	長門市→角島→長門市	長門大寧寺 • 角島大橋 • 元乃隅神社 • 楊貴妃の墓 ; 山口縣絕景温泉ホテル楊貴館
Day 35	長門市→萩城	萩城半日遊 ; 山口縣萩温泉旅館～萩本陣
Day 36	萩城→小倉	小倉1日遊(Part 1) ; 小倉1日遊(Part 2)
Day 37	小倉→門司港→新門司港(通宵渡輪往神戶)	門司港半日遊 ; 門司 • 神戶內海郵輪阪九フェリー
Day 38	神戶→大阪	大阪2日遊(Part 1)
Day 39	大阪	大阪2日遊(Part 1)
Day 40	大阪→香港	大阪2日遊(Part 3)