縱橫沖繩 • 跨九州(24) – 石垣島Club Med 藍天碧海

日本石垣島 石崎海岸～Club Med度假村

石垣島 Club Med度假村 坐落於川平灣旁邊的石崎海岸，風景優美碧海藍天，曾獲選為日本最佳度假村，每日從早到晚也為住容安排了不同活動，可以隨意參加，或躺在沙灘泳池上休息一個下午，在酒吧飲杯酒吹吹水，只要自己喜歡。度假村每日晚飯後更會在劇場安排天天不同的娛樂表演，如趣劇、 魔術、舞蹈或雜技等等。最有趣是晚上的表演者就是日間見到的單車游水教練、餐廳員工、Bar Tender、救生員等等，他們晚上也化身成趣劇或雜技的表演者。

縱橫沖繩 • 跨九州 – Day 13

行程：石垣島(陰晴不定)

繼續上一篇Day 13行程。

<<石垣島>>

下午16:40訂了Mountain Bike活動，食完午餐時間還多，便再在岸邊浮潛。

14:00去水上活動中心借鏡管。

中午的天氣有改善，冇咁大風浪，比較穩定，可以影多些相。

岸邊已經有不少珊瑚，這𥚃水深只有1.5m左右。

好鬼多大魚游來游去，像跳了入水族館。

青衣(Bicolor Parrotfish)

青衣(Yellowband Parrotfish)

青衣(Pacific Longnose Parrotfish)

泥鯭(Masked Spinefoot)

午餐時食剩了些麵包用來餵魚，反應熱烈啊。

方格鯛魚(Checkered Snapper)

三帶赤尾冬(Three-lined Monocle Bream)

公主小丑魚(Clown Anemone Fish)

刺尾鯛(Brown surgeonfish)

石剎(Damsel)

多斑擬鱸(Speckled Sandperch)

橙紋砲彈魚(Orangestripe Triggerfish)

花身雞魚(Jarbua Terapon)

小太熊食剩半條香腸都唔浪費，估唔到啲魚好鐘意食香腸喎，我剩係知大蘇眉好鐘意食烚雞蛋。

金錢斑(Longfin Grouper)

呢條大魚非常之惡，唔知咩名，游近些都想咬你。

斜紋蝴蝶魚(Vagabond Butterflyfish)

石剎(Damsel)

六帶龍(Sixbar Wrasse)

單帶海緋鯉(Dash-and-Dot Goatfish)

砲彈魚(White-barred Triggerfish)

龍船魚(Wrasse)

龍船魚(Wrasse)

泥鯭(Orange-spotted Spinefoot)

玩到樂而忘返，上水時已經15:30，原來已經90min。

Bar White Pearl – 沙灘旁的酒吧，只開放10:00-12:00和15:00-18:30，坐低飲杯野，一價全包就係咁樣。

Sparkling Wine；可口可樂 – 雖然只係平價飲品，不過散叫一定好貴架，始終係酒店的Beach Bar。

趁人少少到泳池游吓水。

16:40-17:20上爬山單車班，全班同學只有8人，只係出酒店外的斜路兜個圈。

一出酒店大門口便要上大斜，小太熊已經冇力踩話放棄，叫我哋行先，佢在酒吧飲杯野等我。

踩了15min來到一個小山丘，泊好單車便跟導遊行上山頂。

對面便是 平離島和Manta Point，即是潛水睇Manta的水域。

我記得細個嗰陣來過這𥚃一次了，那次由川平灣行路來的，就係果時同小太熊話過下次來石垣島攞返埕古酒時要住Club Med，點知佢今次放棄唔上山，要明天同佢再來一次。

滿天黑雲，今日看不到日落。

回到起點只係17:20，要去酒吧揾返小太熊，但打極電話佢都唔聽，原來走了去上瑜伽班，佢都算醒目。

Bar Tingara每日17:30便有自助小食供應。

今次試一款Mocktail叫Refresh，酸酸甜甜幾好飲，小食有蝦片、芝士和牛油果沙律，自己一個食住嘢等。

18:30準時去食晚飯，晚餐的食物些微比不上中午。

温泉蛋沙律頭盆加了煙肉碎和巴瑪臣芝士，爽口香脆好食。

魷魚野菜天婦羅 – 炸得幾鬆脆，好食。

其他的牛仔扒、Pizza、薯條和洋蔥圈水準平穩，送吓清酒都好食的。

甜品都係中上水準，比網上評價好得多。

水果選擇不少，食多啲清清腸胃。

19:45 – 20:00去排隊報名明天活動，今次報了早上Boat Snorkeling和中午Windsurfing。

19:45 – 20:30去劇場睇Show，今晚又有兒童天才表演。

今晚20:30 – 21:15是沖繩民瑤Show，有點兒悶。

今晚唔去Disco了，早點休息。

 

補充資料 :

1.     日元現金匯率￥100 兌HK$5.9，在這價錢入了不少貨。

2.     日元Visa Card簽賬匯率￥100 約兌HK$5.35。

3.     石垣島Club Med度假村4日3晚Package，10月每位HK$4320，包括3晚雙人海景房，全天候飲食和酒店的免費活動，不包括交通接送。7～8月暑期每位收HK$7000，冬天淡季每位只收HK$3000。

4.     Club Med免費活動之中以 離岸浮潛(只有早上一團)、滑浪風帆(早午各一班)和 爬山單車(每日三班) 最受歡迎，必須每晚20:00在劇場外才可報名明天的團，不可預早報名。

 

 

---待續---

日本沖繩、九州、山口縣40天行程參考(點連結有詳細遊記)

日數	行程路線	日程重點
Day 01	香港→大阪→石垣島	大阪近郊半日遊 ; 石垣市半日遊
Day 02	石垣島→與那國島	石垣市The Breakfast Hotel超值早餐 ; 與那國島半日遊
Day 03	與那國島	與那國島潛水(Part 1) ; 與那國島潛水(Part 2)+與那國島巴士半日遊
Day 04	與那國島	與那國島潛水(Part 3)
Day 05	與那國島	與那國島1天自駕遊(Part 1) ; 與那國島1天自駕遊(Part 2)
Day 06	與那國島→石垣島	石垣市半日遊 ; 石垣島半日美食遊
Day 07	石垣島	石垣島巴士1日遊(Part 1) ; 石垣島巴士1日遊(Part 2) ; 石垣牛烤肉～石垣屋
Day 08	石垣島→竹富島→石垣島	石垣市酒店超值早餐 ; 竹富島半日遊 ; 石垣島黃昏釣魚團
Day 09	石垣島→波照間島→石垣島	波照間島單車1日遊(Part 1) ; 波照間島單車1日遊(Part 2)
Day 10	石垣島→西表島→石垣島	西表島半日遊 ; 石垣島半日遊+石垣牛烤肉～石田屋
Day 11	石垣島→小浜島	小浜島單車半日遊 ; 小浜島南十字星度假村
Day 12	小浜島→石垣島	小浜島南十字星度假村 ; 石垣島Club Med假期(Part 1)
Day 13	石垣島	石垣島Club Med假期(Part 2) ; 石垣島Club Med假期(Part 3)
Day 14	石垣島	石垣島Club Med假期(Part 4) ; 石垣島Club Med假期(Part 5)
Day 15	石垣島→沖繩那霸	那霸市半日遊
Day 16	沖繩那霸→沖繩南部→恩納	沖繩南部自駕遊(Part 1) ; 沖繩南部自駕遊(Part 2)
Day 17	恩納→讀谷討→大石林山→古宇利島→名護	沖繩讀谷村體驗捕魚 ; 大石林山 • 古宇利島美食
Day 18	名護→沖繩萬座酒店	沖繩美ら海水族館 ; 花人蓬午餐 • 沖繩洲際萬座海濱酒店
Day 19	沖繩萬座酒店→讀谷村→美國村→那霸市	萬座毛 • Trip Café紫薯甜品 • 讀谷村 • 美國村 • 沖繩民瑤居酒屋
Day 20	沖繩那霸	那霸市1日遊(Part 1) ; 那霸市1日遊(Part 2)
Day 21	沖繩那霸→與論島	5小時渡輪往與論島 ; 與論島自駕遊
Day 22	與論島	與論島魚市場 ; 百合ヶ浜 ; 與論島浮潛 ; 與論島鄉土料理
Day 23	與論島	與論島自駕遊 ; 與論島酒店Pricia Resort Yoron
Day 24	與論島→奄美大島	8小時渡輪往奄美大島• 奄美大島鄉土料理
Day 25	奄美大島(通宵渡輪往鹿兒島)	奄美大島自駕遊(Part 1) ; 奄美大島自駕遊(Part 2) • 11小時通宵渡輪往鹿兒島
Day 26	鹿兒島→宮崎	宮崎日南海岸自駕遊 ; 宮崎秘湯旅館ホテル日南北郷リゾート
Day 27	宮崎→霧島	飫肥 • 宮崎牛燒烤午餐 ; 霧島溫泉秘湯~旅行人山莊
Day 28	霧島→熊本	霧島神宮 • 熊本市半日遊
Day 29	熊本→阿蘇	阿蘇火山一日遊 ; 阿蘇火山秘湯~阿蘇廣場飯店
Day 30	阿蘇→黑川温泉	黑川温泉1日遊(Part 1) ; 黑川温泉1日遊(Part 2) ; 黒川温泉旅館いやしの里樹やしき
Day 31	黑川温泉→福岡	篠栗九大之森 • 福岡燒肉店~大東園 ; 福岡中洲屋台
Day 32	福岡→佐賀→福岡	佐賀國際熱氣球節 ; 佐賀牛季樂本店午餐 • 福岡市半日遊
Day 33	福岡→山口縣美禰市→山口縣長門市	山口縣秋芳洞 • 秋吉台 • 秋吉台自然動物公園Safariland ; 長門湯本溫泉～大谷山莊
Day 34	長門市→角島→長門市	長門大寧寺 • 角島大橋 • 元乃隅神社 • 楊貴妃の墓 ; 山口縣絕景温泉ホテル楊貴館
Day 35	長門市→萩城	萩城半日遊 ; 山口縣萩温泉旅館～萩本陣
Day 36	萩城→小倉	小倉1日遊(Part 1) ; 小倉1日遊(Part 2)
Day 37	小倉→門司港→新門司港(通宵渡輪往神戶)	門司港半日遊 ; 門司 • 神戶內海郵輪阪九フェリー
Day 38	神戶→大阪	大阪2日遊(Part 1)
Day 39	大阪	大阪2日遊(Part 2)
Day 40	大阪→香港	大阪2日遊(Part 3)