縱橫沖繩 • 跨九州(08) – 尋幽探秘 與那國島

與那國島 – 日本國最西端之碑

沖繩縣是日本最南端縣，遠在沖繩縣最西南邊近台灣的海域有多個有人居住的小島 - 沖繩八重山，包括石垣島、西表島、竹富島、黑島島、小浜島、鳩間島、日本最南端的 波照間島和最西端的 與那國島。

縱橫沖繩 • 跨九州 – Day 05

行程：與那國島自駕環島遊(陰晴不定間中微雨及暴雨)

繼續上一篇Day 05行程。

<<與那國島>>

離開 比川，駕車4km前往另一景點 ~ 與那國島唯一的大型酒店Ailand Hotel Yonaguni。

アイランドホテル与那国(Ailand Hotel Yonaguni) – 與那國島唯一的大型酒店，位於機場和祖納市附近，除此之外所有島上住宿也只是民宿之類。酒店已開業廿年以上，因為老漢肺炎而暫停營業，但一暫便暫到2023年10月仍未重開，真係可惜。

駕車1km去機場對面馬路的 与那国むんぶてらす日本最西端のCAFÉ & BAR，13:00去到之後開始狂風暴雨，有點狼狽。

与那国むんぶてらす日本最西端のCAFÉ & BAR – 其實只係平平無奇的露天酒吧，環境不算很有特色，只是有着日本最西酒吧之名，順路便在這𥚃飲杯嘢，做個日本最西客人。

熱咖啡(¥300)；凍咖啡(¥400) – 好流，如果唔係要揸車就飲杯啤酒好過。

大雨維持了半個鐘，坐到停雨至走得。下一站駕車5km到 海牧場(ちまんま広場)。

海牧場(ちまんま広場) – 這𥚃養了很多與那國馬，可以預約短騎30分鐘散步或2.5小時的海中騎馬體驗，騎在馬上行落海中，很特別的體驗。

今日沒有預約，天氣又差，不適合騎馬了。馬仔今日休息，可以在草原上食吓草，歎吓世界。

久部良裂岩 – 在海牧場隔離的景點。

附近長滿片地野花。

久部良裂岩 – 只是條長約15m，濶約3m，深度約5m的大石裂縫，不過這濶濶的普通裂縫卻有着驚人的傳說；相傳与那国島古代流傳一個習俗，每隔一段時間便會召集島上所有孕婦，迫令她們跳過久部良裂岩，只有跳得過裂縫的人才能安全產子…. 好變態的習俗呀。

駕車1km回到 久部良港，試吓「モイストロールカフェ」的蛋糕卷，下車時又再下起雨了，可以慢慢坐。

モイストロールカフェ(Moist Roll Cafe) – 島上評分最高的食店，昨天外賣試了Pizza覺得好好食，今次堂食試埋佢很出名的蛋糕卷。

進大門口張枱都幾靚，不過都係坐入面好啲。

今日的餐牌，現在14:20有Tea Set，可以每人試一款蛋糕。

這個位好靚，不過怕有蚊所以唔坐。

小型圖書室內的坐位最好，就坐呢度。

淨飲茶或咖啡就¥500，加多¥350就多2件蛋糕卷，咁點會淨飲啊。

蛋糕套餐(¥850) – 包括原味蛋糕卷和朱古力蛋糕卷各一件及飲品一杯。蛋糕卷的水準十分之高，中間的忌廉超濃牛奶間，蛋糕的口感綿密充滿蛋香和朱古力香，質感略嫌微濕但可接受；熱咖啡香濃可口，在日本很少有的靚咖啡；凍沖繩黑糖奶茶微甜充滿茶香平衡了奶味，正。

用餐時外面非常大雨，坐了差不多大半個鐘才停雨，可以繼續行程。

駕車3km到Danne Beach，15:35去到，和預算的時間差不多。

Danne Beach – 位於與那國機場和久浦村之間的海灘。聽講這𥚃的海水能見度高，岸邊滿佈珊瑚礁，適合浮潛。可惜落車時又落起大雨，影張相便匆匆上返車。

駕車2km到馬鼻崎，好彩去到時雨勢減弱了很多，只係有些毛毛細雨，可以開傘慢慢行。

馬鼻崎 – 與那國島最大的牧場，草原上有很多與那國馬，一定可以見到。牧場內的路不明顯，行到對鞋濕晒，小太熊最醒目，留在車上唔肯行。

在馬鼻崎行到16:30上返車，再行6km到山上的 アヤミハビル館(與那國皇蛾館)。

與那國皇蛾館 – 介紹與那國皇蛾生態的展覽館，與那國皇蛾是日本最大的蛾，被列為瀕危物種並禁止捕捉。不過原來16:30閉館了，冇得睇。

渡難國泉泡盛 – 從皇蛾館行落少少的泡盛館，17:00才關店，順便入去參觀埋。

入店先要用酒精搓手，與那國的防毒意識仍然很高，唔知啲酒精係咪與那國泡盛呢。

呢度好多靚酒啊～唔係7仔和Lawsons那些¥1000支的貨式。

呢支59度好梗呀，成¥20500一支，好少見日本酒咁貴，唔知味道係咪好純架呢。

以上2款原來都有得試飲，唔好蝕底啊，因為要揸車所以一定唔可以吞，只可以漱口試味。味道確係比一般平價的泡盛香純，不過真係梗到飛起。

試完味立即吐返啖酒，仲要再用水漱口，否則都怕酒精沿着口腔滲入血內，我揸車的安全系數好高架。

全日節目完畢，揸車回程，首先駕車4km返 祖納市，到民宿附近的學校看看。

与那国町立与那国中学校 – 沖繩八重山的學校間間也差不多樣。

与那国ゲストハウスFiesta(嘉年華賓館) – 17:15來到今晚的民宿，比早幾晚平，所以轉來這𥚃慳返些少。

雙人房(不包括早餐)每晚¥8000 – 免費機場接送，沒有私人廁所浴室，房間細小衣櫃都冇，尚算整潔，張床和枕頭都好唔舒服，住完會後悔唔俾多少少錢住好啲。

原來冷氣要額外收費，每小時¥100，用完自己入錢落個錢箱度。

駕車1km返Honda還車，還車前先去對面Eneos油站打返爆缸油。

今日行了40km左右，根據以往日本自駕經驗，每1km約¥10～12，預算油費¥500左右。開始入油，點解油標過了¥500仲不斷跳嘅？看着油標不斷越跳越多，個心又跟着越跳越快….油標跳得快，一定有古怪….

最後跳到¥1104，唔係下話，係油站揾笨定係部車本身唔滿油呀，油費貴過九州四國北海道一倍有多。

今日揸車平均1km - ¥190，成本都唔平。

還完車行去今晚的Plan A食飯，唔知Walk in有冇位呢，日本啲餐廳近年好變熊呀，稍為此樣的餐廳都要book枱至有位。

居食家どぅぐいわり(Duguiwari) – 這居酒屋在祖納算很高分，幸運冇乜人訂位，任坐唔嬲。奇怪全晚只有6個客，其實都很難生存。

Orion生啤(¥564)；与那国30°泡盛(¥270)

見佢冇乜客，今餐食豪啲，叫了6樣嘢食，差點食唔晒。

カジキ骨身の唐揚げ(炸劍魚骨)(¥1000) – 炸得很香脆，劍魚骨肉又脆又香口，加少少鹽非常冶味，送酒一流，好食。

島魚フライ&タルタルソース(他他汁炸島魚)(¥650) – 魚肉比較嚡，好彩薄薄的炸粉很鬆脆，伴上他他汁算係好味，如果魚肉夠嫩就一流了。

厚揚げ豆(炸豆腐)(¥410) – 水準一般的炸豆腐，唔錯。

豚バラ(烤五花腩)(¥500) – 睇樣就知一定好食，豬肉味濃又香口，大件夾抵食，燒得略為乾身。

牛サイコロステーキ(烤牛肉粒)(¥1964) – 是赤身牛肉，沒有豐盈的油脂香味，牛肉味濃肉質亦鮮嫩，好食。

明太子飯團(¥200)；三文魚飯團(¥200) – 很大件而且味道好，飯粒香軟柔韌，小太熊話最好食係呢件飯團。

2人埋單¥6250，味道比第一晚的居酒屋好得多，試了與那國島4間餐廳，3間都好食。

黑媽媽鬼影都冇行1km回民宿，沿途有士多未關門，入去買了些水和牛奶今晚飲。

礦泉水(¥210)；石垣島牛奶(¥270) – 牛奶味香濃純滑，高質牛奶。

夜晚好熱，要開了4hr冷氣，張床和枕頭被都勁唔舒服。

 

補充資料 :

1.     日元現金匯率￥100 兌HK$5.9，在這價錢入了不少貨。

2.     日元Visa Card簽賬匯率￥100 約兌HK$5.35。

3.     与那国島上有免費環島巴士 巡環線「与那国生活路線バス」，每日9班年中無休，可以往返旅館及機場和碼頭。

4.     与那国島Honda租車自動波 1日租金¥5000，另加全保1日¥1500，環島大約行車40km，油費約¥1100。

5.     從与那国島(OGN)飛 石垣島(ISG)單程機票每位￥9020，機程30min。

 

---待續---

日本沖繩、九州、山口縣40天行程參考(點連結有詳細遊記)

日數	行程路線	日程重點
Day 01	香港→大阪→石垣島	大阪近郊半日遊 ; 石垣市半日遊
Day 02	石垣島→與那國島	石垣市The Breakfast Hotel超值早餐 ; 與那國島半日遊
Day 03	與那國島	與那國島潛水(Part 1) ; 與那國島潛水(Part 2)+與那國島巴士半日遊
Day 04	與那國島	與那國島潛水(Part 3)
Day 05	與那國島	與那國島1天自駕遊(Part 1) ; 與那國島1天自駕遊(Part 2)
Day 06	與那國島→石垣島	石垣市半日遊 ; 石垣島半日美食遊
Day 07	石垣島	石垣島巴士1日遊(Part 1) ; 石垣島巴士1日遊(Part 2) ; 石垣牛烤肉～石垣屋
Day 08	石垣島→竹富島→石垣島	石垣市酒店超值早餐 ; 竹富島半日遊 ; 石垣島黃昏釣魚團
Day 09	石垣島→波照間島→石垣島	波照間島單車1日遊(Part 1) ; 波照間島單車1日遊(Part 2)
Day 10	石垣島→西表島→石垣島	西表島半日遊 ; 石垣島半日遊+石垣牛烤肉～石田屋
Day 11	石垣島→小浜島	小浜島單車半日遊 ; 小浜島南十字星度假村
Day 12	小浜島→石垣島	小浜島南十字星度假村 ; 石垣島Club Med假期(Part 1)
Day 13	石垣島	石垣島Club Med假期(Part 2) ; 石垣島Club Med假期(Part 3)
Day 14	石垣島	石垣島Club Med假期(Part 4) ; 石垣島Club Med假期(Part 5)
Day 15	石垣島→沖繩那霸	那霸市半日遊
Day 16	沖繩那霸→沖繩南部→恩納	沖繩南部自駕遊(Part 1) ; 沖繩南部自駕遊(Part 2)
Day 17	恩納→讀谷討→大石林山→古宇利島→名護	沖繩讀谷村體驗捕魚 ; 大石林山 • 古宇利島美食
Day 18	名護→沖繩萬座酒店	沖繩美ら海水族館 ; 花人蓬午餐 • 沖繩洲際萬座海濱酒店
Day 19	沖繩萬座酒店→讀谷村→美國村→那霸市	萬座毛 • Trip Café紫薯甜品 • 讀谷村 • 美國村 • 沖繩民瑤居酒屋
Day 20	沖繩那霸	那霸市1日遊(Part 1) ; 那霸市1日遊(Part 2)
Day 21	沖繩那霸→與論島	5小時渡輪往與論島 ; 與論島自駕遊
Day 22	與論島	與論島魚市場 ; 百合ヶ浜 ; 與論島浮潛 ; 與論島鄉土料理
Day 23	與論島	與論島自駕遊 ; 與論島酒店Pricia Resort Yoron
Day 24	與論島→奄美大島	8小時渡輪往奄美大島• 奄美大島鄉土料理
Day 25	奄美大島(通宵渡輪往鹿兒島)	奄美大島自駕遊(Part 1) ; 奄美大島自駕遊(Part 2) • 11小時通宵渡輪往鹿兒島
Day 26	鹿兒島→宮崎	宮崎日南海岸自駕遊 ; 宮崎秘湯旅館ホテル日南北郷リゾート
Day 27	宮崎→霧島	飫肥 • 宮崎牛燒烤午餐 ; 霧島溫泉秘湯~旅行人山莊
Day 28	霧島→熊本	霧島神宮 • 熊本市半日遊
Day 29	熊本→阿蘇	阿蘇火山一日遊 ; 阿蘇火山秘湯~阿蘇廣場飯店
Day 30	阿蘇→黑川温泉	黑川温泉1日遊(Part 1) ; 黑川温泉1日遊(Part 2) ; 黒川温泉旅館いやしの里樹やしき
Day 31	黑川温泉→福岡	篠栗九大之森 • 福岡燒肉店~大東園 ; 福岡中洲屋台
Day 32	福岡→佐賀→福岡	佐賀國際熱氣球節 ; 佐賀牛季樂本店午餐 • 福岡市半日遊
Day 33	福岡→山口縣美禰市→山口縣長門市	山口縣秋芳洞 • 秋吉台 • 秋吉台自然動物公園Safariland ; 長門湯本溫泉～大谷山莊
Day 34	長門市→角島→長門市	長門大寧寺 • 角島大橋 • 元乃隅神社 • 楊貴妃の墓 ; 山口縣絕景温泉ホテル楊貴館
Day 35	長門市→萩城	萩城半日遊 ; 山口縣萩温泉旅館～萩本陣
Day 36	萩城→小倉	小倉1日遊(Part 1) ; 小倉1日遊(Part 2)
Day 37	小倉→門司港→新門司港(通宵渡輪往神戶)	門司港半日遊 ; 門司 • 神戶內海郵輪阪九フェリー
Day 38	神戶→大阪	大阪2日遊(Part 1)
Day 39	大阪	大阪2日遊(Part 1)
Day 40	大阪→香港	大阪2日遊(Part 3)