縱橫沖繩 • 跨九州(23) – 石垣島Club Med奇幻水世界

日本石垣島 石崎海岸～公主小丑魚(Clown Anemone Fish)

日本沖繩縣石垣島擁有令人驚嘆的海底世界，清澈的海水及七彩繽紛的珊瑚礁和珊瑚魚令每個初學潛水者流連忘返，住進石垣島Club Med，可以每天在岸邊浮潛，感覺被大量珊瑚魚包圍的奇幻感覺，也可以自費參加潛水活動，到附近的海域欣賞難得一見的巨型魔鬼魚Manta Ray。

縱橫沖繩 • 跨九州 – Day 13

行程：石垣島(陰晴不定)

<<石垣島>>

今日節目豐富，早上06:30起身，食完早餐之後出海浮潛。

自助早餐0700-0930供應，07:00時十分少人，可以坐窗口位。

早餐食物質素一般，如果自己Walk in每位要¥5500，唔抵食。

烏冬麵都係一般，冇乜衝動食多碗。

水果食得出不是日本貨，好彩蜜瓜算是多汁夠甜，橙都ok。

今日的活動表，早上08:00第一個活動是Sunrise Yoga。

08:00-08:45參加了Sunrise Yoga，全班只有4人，這裡的住客都算懶散。

昨晚訂了今早的Boat Snorkelling，09:00在泳池等出發，不過因為大浪取消了，冇得玩。

早上泳池有人學潛水。

早上冇咩節目，唯有去水上活動中心借Kayak。

Kayak係玻璃底架，可以見到水下的魚和珊瑚。因為小太熊唔識划，要2人一艇，我坐後面一個頂晒。

嘩！真係大浪又大風，好難玩，隻Kayak拋到飛起，唔敢去咁遠。

其他人只係在岸邊划，見佢哋仲弱過我。

太辛苦又冇咩睇，玩了半個鐘便返去還艇。

天陰陰冇乜心情，於是借浮潛鏡管出去近岸浮潛，Club Med都好衰，唔肯借蛙鞋，佢哋話蛙鞋只係for Boat Snorkelling喎。

在沙灘行落水不遠處便有嘢睇了，估唔到有咁多魚。

砲彈魚(White-barred Triggerfish)

方格鯛魚(Checkered Snapper)

人字蝶魚(Threadfin Butterflyfish)

青衣(Bicolor Parrotfish)

青衣(Bluebarred Parrotfish)

青衣(Yellowband Parrotfish)

青衣(Bullethead Parrotfish)

泥鯭(Orange-spotted Spinefoot)

泥鯭(Mottled Spinefoot)

泥鯭(Little Spinefoot)

泥鯭(Masked Spinefoot)

綠刺尾鯛(Convict surgeonfish)

上水面換吓氣先，依然很大浪，拋得太勁很難影相。小太熊話好攰頂唔順，我自己繼續玩。

三點海豬魚(Threespot Wrasse)

黃線帶鬚鯛(Yellowstripe Goatfigsh)

潛潛吓特然見隔離有兩塊滑浪風帆剷過，班PK CLS咩，咁L危險，失控衝入游泳區但教練又唔理，安全意識差到咁，完全係禮義廉人渣。我都驚班雜種太危險，都係返上水，原來已經玩了粒幾鐘，難怪有點凍。

啱啱11:30-12:00泳池有Aqua Gym，便跳落去做吓水上體操。

12:00 – 12:30有Pool Game，不過唔玩了，返房沖個熱水換件乾衫去食午餐。

午餐時間是每日11:45-13:30，自己Walk in要¥7500。我哋12:30 開始食，可能很多人出了去玩，所以午餐不是很多人。

炒麵和烤羊架好靚喎，好似仲豐富過昨日晚餐。

一次過攞晒返來慢慢食，午餐沒有清酒，只有啤酒汽水果汁。

頭盆有 海鮮沙律，酸酸哋好味喎，雖然海鮮只有魷魚比較齋，但最緊要係好味。

Couscous係摩絡哥菜式，當地人當飯來吃的，廚師煮得有摩絡哥風味。

羊架炒麵和Pizza都好味，呢餐明顯比昨晚早質。

白汁燴海鮮伴酥餅 – 青口和蝦肉都有味，不是雪壞了又淡又硬的雪藏肉，味道可以。

泰式青咖哩雞飯 – 呢碟唔差，像去了曼谷的餐廳。

芝士和蛋糕的味道也算幾好。

西瓜多汁又夠甜，食多啲。

朱古力蛋糕和蜂蜜Pancake很吸引，味道也很好。

Blue Seal軟雪糕 – 呢杯好差，牛奶味弱到不堪，完全唔覺軟滑，離晒罩，唔知係咪假野。

呢餐見樣樣都吸引，食多了些少，自助餐就係有呢種問題。

 

補充資料 :

1.     日元現金匯率￥100 兌HK$5.9，在這價錢入了不少貨。

2.     日元Visa Card簽賬匯率￥100 約兌HK$5.35。

3.     石垣島Club Med度假村4日3晚Package，10月每位HK$4320，包括3晚雙人海景房，全天候飲食和酒店的免費活動，不包括交通接送。7～8月暑期每位收HK$7000，冬天淡季每位只收HK$3000。

4.     Club Med免費活動之中以 離岸浮潛(只有早上一團)、滑浪風帆(早午各一班)和 爬山單車(每日三班) 最受歡迎，必須每晚20:00在劇場外才可報名明天的團，不可預早報名。

 

 

---待續---

日本沖繩、九州、山口縣40天行程參考(點連結有詳細遊記)

日數	行程路線	日程重點
Day 01	香港→大阪→石垣島	大阪近郊半日遊 ; 石垣市半日遊
Day 02	石垣島→與那國島	石垣市The Breakfast Hotel超值早餐 ; 與那國島半日遊
Day 03	與那國島	與那國島潛水(Part 1) ; 與那國島潛水(Part 2)+與那國島巴士半日遊
Day 04	與那國島	與那國島潛水(Part 3)
Day 05	與那國島	與那國島1天自駕遊(Part 1) ; 與那國島1天自駕遊(Part 2)
Day 06	與那國島→石垣島	石垣市半日遊 ; 石垣島半日美食遊
Day 07	石垣島	石垣島巴士1日遊(Part 1) ; 石垣島巴士1日遊(Part 2) ; 石垣牛烤肉～石垣屋
Day 08	石垣島→竹富島→石垣島	石垣市酒店超值早餐 ; 竹富島半日遊 ; 石垣島黃昏釣魚團
Day 09	石垣島→波照間島→石垣島	波照間島單車1日遊(Part 1) ; 波照間島單車1日遊(Part 2)
Day 10	石垣島→西表島→石垣島	西表島半日遊 ; 石垣島半日遊+石垣牛烤肉～石田屋
Day 11	石垣島→小浜島	小浜島單車半日遊 ; 小浜島南十字星度假村
Day 12	小浜島→石垣島	小浜島南十字星度假村 ; 石垣島Club Med假期(Part 1)
Day 13	石垣島	石垣島Club Med假期(Part 2) ; 石垣島Club Med假期(Part 3)
Day 14	石垣島	石垣島Club Med假期(Part 4) ; 石垣島Club Med假期(Part 5)
Day 15	石垣島→沖繩那霸	那霸市半日遊
Day 16	沖繩那霸→沖繩南部→恩納	沖繩南部自駕遊(Part 1) ; 沖繩南部自駕遊(Part 2)
Day 17	恩納→讀谷討→大石林山→古宇利島→名護	沖繩讀谷村體驗捕魚 ; 大石林山 • 古宇利島美食
Day 18	名護→沖繩萬座酒店	沖繩美ら海水族館 ; 花人蓬午餐 • 沖繩洲際萬座海濱酒店
Day 19	沖繩萬座酒店→讀谷村→美國村→那霸市	萬座毛 • Trip Café紫薯甜品 • 讀谷村 • 美國村 • 沖繩民瑤居酒屋
Day 20	沖繩那霸	那霸市1日遊(Part 1) ; 那霸市1日遊(Part 2)
Day 21	沖繩那霸→與論島	5小時渡輪往與論島 ; 與論島自駕遊
Day 22	與論島	與論島魚市場 ; 百合ヶ浜 ; 與論島浮潛 ; 與論島鄉土料理
Day 23	與論島	與論島自駕遊 ; 與論島酒店Pricia Resort Yoron
Day 24	與論島→奄美大島	8小時渡輪往奄美大島• 奄美大島鄉土料理
Day 25	奄美大島(通宵渡輪往鹿兒島)	奄美大島自駕遊(Part 1) ; 奄美大島自駕遊(Part 2) • 11小時通宵渡輪往鹿兒島
Day 26	鹿兒島→宮崎	宮崎日南海岸自駕遊 ; 宮崎秘湯旅館ホテル日南北郷リゾート
Day 27	宮崎→霧島	飫肥 • 宮崎牛燒烤午餐 ; 霧島溫泉秘湯~旅行人山莊
Day 28	霧島→熊本	霧島神宮 • 熊本市半日遊
Day 29	熊本→阿蘇	阿蘇火山一日遊 ; 阿蘇火山秘湯~阿蘇廣場飯店
Day 30	阿蘇→黑川温泉	黑川温泉1日遊(Part 1) ; 黑川温泉1日遊(Part 2) ; 黒川温泉旅館いやしの里樹やしき
Day 31	黑川温泉→福岡	篠栗九大之森 • 福岡燒肉店~大東園 ; 福岡中洲屋台
Day 32	福岡→佐賀→福岡	佐賀國際熱氣球節 ; 佐賀牛季樂本店午餐 • 福岡市半日遊
Day 33	福岡→山口縣美禰市→山口縣長門市	山口縣秋芳洞 • 秋吉台 • 秋吉台自然動物公園Safariland ; 長門湯本溫泉～大谷山莊
Day 34	長門市→角島→長門市	長門大寧寺 • 角島大橋 • 元乃隅神社 • 楊貴妃の墓 ; 山口縣絕景温泉ホテル楊貴館
Day 35	長門市→萩城	萩城半日遊 ; 山口縣萩温泉旅館～萩本陣
Day 36	萩城→小倉	小倉1日遊(Part 1) ; 小倉1日遊(Part 2)
Day 37	小倉→門司港→新門司港(通宵渡輪往神戶)	門司港半日遊 ; 門司 • 神戶內海郵輪阪九フェリー
Day 38	神戶→大阪	大阪2日遊(Part 1)
Day 39	大阪	大阪2日遊(Part 2)
Day 40	大阪→香港	大阪2日遊(Part 3)