縱橫沖繩 • 跨九州(25) – 浮潛天堂 石垣島Club Med

日本石垣島度假村Club Med

日本石垣島Club Med度假村環境優美，活動種類繁多，深受小家庭的喜愛，因為度假村安排了大量活動給小朋友，大人便可以自由活動真正放假，因此7～8月暑假期間房價超貴，但每到冬天淡季時可以用低於一半的價錢入住，相當抵住。

縱橫沖繩 • 跨九州 – Day 14

行程：石垣島(天晴)

<<石垣島>>

07:00起身，今日天氣很好，藍天白雲，左邊那座便是餐廳。

早餐同樣咁豐富，不過真係唔敢食太多了，開始覺得肚有點生鼓漲。

今日的活動表，星期三瑜伽班休息一天，所以今日很清閑。

食完早餐仲有時間返房休息一陣間，今日房間外的草地和海景都靚到頭暈。

09:00在泳池集合，首先要通過水試(酒店很安全，只係給員工的Training太差，有滑浪風帆鏟入安全網內的游泳區都冇反應)，游完25m池才可以合格出發。

全部人都合格了，出發，不過天色又開始轉差。

離岸不遠便是目的地，衆人一齊跳落海，嘩！好多珊瑚好靚呀，水都好清。

黃背雀鯛(Staghorn Damselfish) – 魚仔一群一群爭食，好開心呀。

藍綠光鰓雀鯛(Blue Green Chromis)

橙紋砲彈魚(Orangestripe Triggerfish)

這裡的珊瑚真係又多又靚，但就只有這些魚仔，岸邊的魚比這𥚃更多更大，令這Tour有點失色。在水中只係玩了15min左右，員工便大叫夠時間返歸，唔係下話，我以為自己聽錯。

團友們都乖乖很快游返上船，咁快就玩完，明揾笨喎。

原來報名時講的60min Tour係包埋水試的時間，有點兒想爆粗。

回到岸上天色又轉好，真係吹到啤一聲。

Bar White Pearl – 時間尚早又冇乜世藝，坐低飲杯野囉。

無無聊聊再去泳池游兩轉，啲住客去晒邊呢，咁少人，但晚晚吃飯時又人山人海。

今日沙灘和海太靚了，決定再落水浮潛。

原來其他浮潛客都一樣有餵魚的，難怪附近的大魚也聚集在近岸泳區。

今日水很清，好似比昨日仲多魚。

青嘴龍占魚(Spangled Emperor)

泥鯭(Masked Spinefoot)

刺尾鯛(Eyespot Surgeonfish)

青衣(Bicolor Parrotfish)

方格鯛魚(Checkered Snapper)

砲彈魚(White-barred Triggerfish)

人字蝶魚(Threadfin Butterflyfish)

金錢斑(Longfin Grouper)

六帶龍(Sixbar Wrasse)

橙紋砲彈魚(Orangestripe Triggerfish)

雞泡魚(Black-spotted Pufferfish)

差不多夠鐘食飯了，上水時海水一片碧綠，天色靚得無言。

單是在沙灘日光浴已經夠享受了。

下午的滑浪風帆又因為天氣關係取消了，日日都係咁，真可惜。

 

補充資料 :

1.     日元現金匯率￥100 兌HK$5.9，在這價錢入了不少貨。

2.     日元Visa Card簽賬匯率￥100 約兌HK$5.35。

3.     石垣島Club Med度假村4日3晚Package，10月每位HK$4320，包括3晚雙人海景房，全天候飲食和酒店的免費活動，不包括交通接送。7～8月暑期每位收HK$7000，冬天淡季每位只收HK$3000。

4.     Club Med免費活動之中以 離岸浮潛(只有早上一團)、滑浪風帆(早午各一班)和 爬山單車(每日三班) 最受歡迎，必須每晚20:00在劇場外才可報名明天的團，不可預早報名。

 

 

---待續---

日本沖繩、九州、山口縣40天行程參考(點連結有詳細遊記)

日數	行程路線	日程重點
Day 01	香港→大阪→石垣島	大阪近郊半日遊 ; 石垣市半日遊
Day 02	石垣島→與那國島	石垣市The Breakfast Hotel超值早餐 ; 與那國島半日遊
Day 03	與那國島	與那國島潛水(Part 1) ; 與那國島潛水(Part 2)+與那國島巴士半日遊
Day 04	與那國島	與那國島潛水(Part 3)
Day 05	與那國島	與那國島1天自駕遊(Part 1) ; 與那國島1天自駕遊(Part 2)
Day 06	與那國島→石垣島	石垣市半日遊 ; 石垣島半日美食遊
Day 07	石垣島	石垣島巴士1日遊(Part 1) ; 石垣島巴士1日遊(Part 2) ; 石垣牛烤肉～石垣屋
Day 08	石垣島→竹富島→石垣島	石垣市酒店超值早餐 ; 竹富島半日遊 ; 石垣島黃昏釣魚團
Day 09	石垣島→波照間島→石垣島	波照間島單車1日遊(Part 1) ; 波照間島單車1日遊(Part 2)
Day 10	石垣島→西表島→石垣島	西表島半日遊 ; 石垣島半日遊+石垣牛烤肉～石田屋
Day 11	石垣島→小浜島	小浜島單車半日遊 ; 小浜島南十字星度假村
Day 12	小浜島→石垣島	小浜島南十字星度假村 ; 石垣島Club Med假期(Part 1)
Day 13	石垣島	石垣島Club Med假期(Part 2) ; 石垣島Club Med假期(Part 3)
Day 14	石垣島	石垣島Club Med假期(Part 4) ; 石垣島Club Med假期(Part 5)
Day 15	石垣島→沖繩那霸	那霸市半日遊
Day 16	沖繩那霸→沖繩南部→恩納	沖繩南部自駕遊(Part 1) ; 沖繩南部自駕遊(Part 2)
Day 17	恩納→讀谷討→大石林山→古宇利島→名護	沖繩讀谷村體驗捕魚 ; 大石林山 • 古宇利島美食
Day 18	名護→沖繩萬座酒店	沖繩美ら海水族館 ; 花人蓬午餐 • 沖繩洲際萬座海濱酒店
Day 19	沖繩萬座酒店→讀谷村→美國村→那霸市	萬座毛 • Trip Café紫薯甜品 • 讀谷村 • 美國村 • 沖繩民瑤居酒屋
Day 20	沖繩那霸	那霸市1日遊(Part 1) ; 那霸市1日遊(Part 2)
Day 21	沖繩那霸→與論島	5小時渡輪往與論島 ; 與論島自駕遊
Day 22	與論島	與論島魚市場 ; 百合ヶ浜 ; 與論島浮潛 ; 與論島鄉土料理
Day 23	與論島	與論島自駕遊 ; 與論島酒店Pricia Resort Yoron
Day 24	與論島→奄美大島	8小時渡輪往奄美大島• 奄美大島鄉土料理
Day 25	奄美大島(通宵渡輪往鹿兒島)	奄美大島自駕遊(Part 1) ; 奄美大島自駕遊(Part 2) • 11小時通宵渡輪往鹿兒島
Day 26	鹿兒島→宮崎	宮崎日南海岸自駕遊 ; 宮崎秘湯旅館ホテル日南北郷リゾート
Day 27	宮崎→霧島	飫肥 • 宮崎牛燒烤午餐 ; 霧島溫泉秘湯~旅行人山莊
Day 28	霧島→熊本	霧島神宮 • 熊本市半日遊
Day 29	熊本→阿蘇	阿蘇火山一日遊 ; 阿蘇火山秘湯~阿蘇廣場飯店
Day 30	阿蘇→黑川温泉	黑川温泉1日遊(Part 1) ; 黑川温泉1日遊(Part 2) ; 黒川温泉旅館いやしの里樹やしき
Day 31	黑川温泉→福岡	篠栗九大之森 • 福岡燒肉店~大東園 ; 福岡中洲屋台
Day 32	福岡→佐賀→福岡	佐賀國際熱氣球節 ; 佐賀牛季樂本店午餐 • 福岡市半日遊
Day 33	福岡→山口縣美禰市→山口縣長門市	山口縣秋芳洞 • 秋吉台 • 秋吉台自然動物公園Safariland ; 長門湯本溫泉～大谷山莊
Day 34	長門市→角島→長門市	長門大寧寺 • 角島大橋 • 元乃隅神社 • 楊貴妃の墓 ; 山口縣絕景温泉ホテル楊貴館
Day 35	長門市→萩城	萩城半日遊 ; 山口縣萩温泉旅館～萩本陣
Day 36	萩城→小倉	小倉1日遊(Part 1) ; 小倉1日遊(Part 2)
Day 37	小倉→門司港→新門司港(通宵渡輪往神戶)	門司港半日遊 ; 門司 • 神戶內海郵輪阪九フェリー
Day 38	神戶→大阪	大阪2日遊(Part 1)
Day 39	大阪	大阪2日遊(Part 2)
Day 40	大阪→香港	大阪2日遊(Part 3)