縱橫沖繩 • 跨九州(42) – 與論島酒店Pricia Resort Yoron

日本與論島酒店Pricia Resort Yoron

日本的 與論島(Yoron)面積很細小，與論島 西端的希臘式度假村Pricia Resort Yoron卻很大，度假村共有166 間房間，當中主要是一排排的白色小屋，配上藍天白雲，極有希臘愛琴海 Feel。度假村內有私人沙灘可以欣賞到晚霞日落，還有小燈塔、純白餐廳、白色噴水池、泳池等等，不用外出也足夠忙碌地渡過一整天。

縱橫沖繩 • 跨九州 – Day 23

行程：與論島自駕遊(天晴)

繼續上一篇Day 23行程。

<<與論島>>

還完車之後，車行12:45送我們到達Pricia Resort Yoron。

Pricia Resort Yoron(プリシアリゾートヨロン) – 純白的入口配上藍天白雲，感覺像去了希臘。

在Reception先放下行李，等15:00才可以攞房，職員表示可到海邊的酒吧享用免費飲品和小食。

在酒店大堂也有大把位可以坐低上吓網。

去禮品部睇睇，啲貨都幾吸引的。

買了幾條毛巾返屋企用。

酒店外是 私人海灘，可以免費借用毛巾沙灘椅曬太陽游水，這𥚃也可以欣賞水平線上的日落。

躺在大椅或鞦韆上已經不難消磨時間了。

米科諾斯廣場 – 酒店的廣場也和希臘小島同名，滿佈純白式建築。

麒麟座 – 位於米克諾斯廣場餐廳的天台，可以俯瞰私人海灘和欣賞日落。

海邊建了一座打卡位涼庭

Paradisos Beach Café – 享有與論島的全藍海景咖啡店，住客可以免費享用飲料和甜點。

嘩！個海景好靚呀～點會冇人架，我唔客氣了。

飲品選擇有很多，汽水果汁冷熱咖啡紅茶綠茶清酒紅白酒乜都有。

先嘆杯Orion生啤，其他再慢慢飲。

咖啡是沖繩的35咖啡(珊瑚咖啡)，入口純滑香濃好好飲，沖繩菠蘿汁和在石垣屋¥700一杯的完全一樣味，加埋啤酒花生和海景，坐到唔捨得走。

私人沙灘冇乜人用，決定一陣來游陣水。

泳池都好正，又係冇人，太浪費了，一陣間我來游。

酒店的房間分了幾區不同價錢，趁有時間四圍八吓。

海景區 所有客房均面向大海，可欣賞到壯麗的海景。建築以翠綠和白色為基調，房間裡有按摩浴缸，可以一邊浸浴一邊俯瞰大海，價錢當然貴到唔捨得住啦。

珊瑚村區 以藍色門和白色牆為主的建築，刻意模仿希臘聖托里尼島，客房分為1/F和2/F。

海濱區 面向私人海灘的獨立屋，模仿希臘米科諾斯島的街道設計。

我們入住這座最平的標準困景房，好彩派到上層單位，景觀尚算開揚私隱度高，唔錯。

雙人房(包括早餐)每晚¥25628 – 房間面積很大，冷氣非常充足，光猛舒適，因為有免費全天候飲品放題，感覺價錢唔貴。

放下行李換泳衣，到沙灘游泳，首先借毛巾。

好多沙灘椅任坐，揀了張位置最好的椅。

揸了3日車好攰了，要恰恰先。

上酒吧攞了杯咖啡和菠蘿汁，一邊瞓覺一邊飲。

瞓醒覺落水游兩轉，算係落海游過水。

開始日落，今日天氣OK啊，只是開始有雲，看不到太陽沉下水平線。

點都要去泳池游幾轉的，咁靚泳池都冇人用，日本仔有點過份。

真巧合，又碰到昨天的日本鄰居，小BB原是好鐘意玩水，睇少眼都自己衝落海，似足隻剛出世的小海龜。

黃昏又去飲杯紅酒加啤酒，免費就係呢樣唔好，但又真係好enjoy的。

回房沖身休息一會兒，出外吃晚飯。

酒店外有間很高分的餐廳「くねんぼ食堂」，18:15行到去已經冇位了，其實只有幾個位，唔訂枱很難有位。

唯有返酒食，又好彩喎，原來酒店的夜景好靚。

米科諾斯廣場比日間更有氣氛。

晚餐只有一個選擇，就係米科諾斯廣場上的爐端燒「ぴき」。

餐廳沒有海景，環境一般，勝在不用等枱。

番石榴汁(グアバ)(¥550)；百香果汁(パッションフルーツ)(¥550) – 在隔離可以免費飲，原本唔想叫，不過小太熊話唔飲嘢好寒酸架，咁唯有飲囉。

奄美鰤魚涮鍋(奄美沖カンパチのしゃぶしゃぶ)(¥2600) – 沒有期望的晚餐，誰知輕灼一片魚肉試吓，超級鮮甜好好味啊，抵食。

薩摩黑豬炸肉排(薩摩黒豚のシニッツエル)(¥1800) – 炸得很鬆軟但比較乾身而且肉味偏淡，靠沙律醬吊味，不過廚功好，整體是合格的，送飯唔錯。

ご飯とお漬物(¥300)

薩摩雞肉飯(薩摩鶏ハムの鶏飯)(¥650) – 是奄美群島的代表性鄉土料理，飯面放滿地雞肉和冬菇蛋絲等食材，再淋上熱辣雞湯，有點類似 茶泡飯，雞肉始終偏淡，平平無奇的一碗飯。

今晚沒有星空，可以早點睡。

縱橫沖繩 • 跨九州 – Day 24

行程：與論島→奄美大島(天晴)

今日中午會乘船8hr往奄美大島住一晚。早上07:00起身，到地中海餐廳Anelia食早餐。

Anelia(アネリア) – 酒店環境最好的餐廳，可以一邊用餐一邊欣賞海景。

我們選了望亭的座位，喜歡比較清靜。

麵包蛋糕貌似好好食，每樣攞少少。

薩摩蛋卷很香蛋味，與論島開始有九州菜食。

薩摩汁 – 其實只係普通一碗好飲的麵豉湯。

早餐算係幾好食，一定比Club Med好食得多。

薩摩豚肉涮涮鍋 - 豚肉味濃高質，唔食多啲對自己唔住。

加一點點沖繩海鹽一齊食，更能吊出豬肉味。

自製奄美雞飯，味道不比昨晚差。

自家製香蕉、百香果、黑糖和菠蘿果醬，很有創意，一定要試晒佢。

每款果醬要少少，伴個牛角包，味道堅正。

Check out前再去嘆杯咖啡和菠蘿汁，飲夠水才上船。

臨走發現原來酒店Reception樓上有個大鋼琴，可以玩一陣。

夠鐘要走了，今日乘12:10 – 20:30的船往奄美大島，酒店Shuttle 11:00 – 11:10開往碼頭。

終於要離開與論島，今次行程很完滿，天氣沒有再好了，唯有唔好是括花了車軚，個心唔係太舒服。

 

 

補充資料 :

1.     日元現金匯率￥100 兌HK$5.9，在這價錢入了不少貨。

2.     日元Visa Card簽賬匯率￥100 約兌HK$5.35。

 

---待續---

日本沖繩、九州、山口縣40天行程參考(點連結有詳細遊記)

日數	行程路線	日程重點
Day 01	香港→大阪→石垣島	大阪近郊半日遊 ; 石垣市半日遊
Day 02	石垣島→與那國島	石垣市The Breakfast Hotel超值早餐 ; 與那國島半日遊
Day 03	與那國島	與那國島潛水(Part 1) ; 與那國島潛水(Part 2)+與那國島巴士半日遊
Day 04	與那國島	與那國島潛水(Part 3)
Day 05	與那國島	與那國島1天自駕遊(Part 1) ; 與那國島1天自駕遊(Part 2)
Day 06	與那國島→石垣島	石垣市半日遊 ; 石垣島半日美食遊
Day 07	石垣島	石垣島巴士1日遊(Part 1) ; 石垣島巴士1日遊(Part 2) ; 石垣牛烤肉～石垣屋
Day 08	石垣島→竹富島→石垣島	石垣市酒店超值早餐 ; 竹富島半日遊 ; 石垣島黃昏釣魚團
Day 09	石垣島→波照間島→石垣島	波照間島單車1日遊(Part 1) ; 波照間島單車1日遊(Part 2)
Day 10	石垣島→西表島→石垣島	西表島半日遊 ; 石垣島半日遊+石垣牛烤肉～石田屋
Day 11	石垣島→小浜島	小浜島單車半日遊 ; 小浜島南十字星度假村
Day 12	小浜島→石垣島	小浜島南十字星度假村 ; 石垣島Club Med假期(Part 1)
Day 13	石垣島	石垣島Club Med假期(Part 2) ; 石垣島Club Med假期(Part 3)
Day 14	石垣島	石垣島Club Med假期(Part 4) ; 石垣島Club Med假期(Part 5)
Day 15	石垣島→沖繩那霸	那霸市半日遊
Day 16	沖繩那霸→沖繩南部→恩納	沖繩南部自駕遊(Part 1) ; 沖繩南部自駕遊(Part 2)
Day 17	恩納→讀谷討→大石林山→古宇利島→名護	沖繩讀谷村體驗捕魚 ; 大石林山 • 古宇利島美食
Day 18	名護→沖繩萬座酒店	沖繩美ら海水族館 ; 花人蓬午餐 • 沖繩洲際萬座海濱酒店
Day 19	沖繩萬座酒店→讀谷村→美國村→那霸市	萬座毛 • Trip Café紫薯甜品 • 讀谷村 • 美國村 • 沖繩民瑤居酒屋
Day 20	沖繩那霸	那霸市1日遊(Part 1) ; 那霸市1日遊(Part 2)
Day 21	沖繩那霸→與論島	5小時渡輪往與論島 ; 與論島自駕遊
Day 22	與論島	與論島魚市場 ; 百合ヶ浜 ; 與論島浮潛 ; 與論島鄉土料理
Day 23	與論島	與論島自駕遊 ; 與論島酒店Pricia Resort Yoron
Day 24	與論島→奄美大島	8小時渡輪往奄美大島• 奄美大島鄉土料理
Day 25	奄美大島(通宵渡輪往鹿兒島)	奄美大島自駕遊(Part 1) ; 奄美大島自駕遊(Part 2) • 11小時通宵渡輪往鹿兒島
Day 26	鹿兒島→宮崎	宮崎日南海岸自駕遊 ; 宮崎秘湯旅館ホテル日南北郷リゾート
Day 27	宮崎→霧島	飫肥 • 宮崎牛燒烤午餐 ; 霧島溫泉秘湯~旅行人山莊
Day 28	霧島→熊本	霧島神宮 • 熊本市半日遊
Day 29	熊本→阿蘇	阿蘇火山一日遊 ; 阿蘇火山秘湯~阿蘇廣場飯店
Day 30	阿蘇→黑川温泉	黑川温泉1日遊(Part 1) ; 黑川温泉1日遊(Part 2) ; 黒川温泉旅館いやしの里樹やしき
Day 31	黑川温泉→福岡	篠栗九大之森 • 福岡燒肉店~大東園 ; 福岡中洲屋台
Day 32	福岡→佐賀→福岡	佐賀國際熱氣球節 ; 佐賀牛季樂本店午餐 • 福岡市半日遊
Day 33	福岡→山口縣美禰市→山口縣長門市	山口縣秋芳洞 • 秋吉台 • 秋吉台自然動物公園Safariland ; 長門湯本溫泉～大谷山莊
Day 34	長門市→角島→長門市	長門大寧寺 • 角島大橋 • 元乃隅神社 • 楊貴妃の墓 ; 山口縣絕景温泉ホテル楊貴館
Day 35	長門市→萩城	萩城半日遊 ; 山口縣萩温泉旅館～萩本陣
Day 36	萩城→小倉	小倉1日遊(Part 1) ; 小倉1日遊(Part 2)
Day 37	小倉→門司港→新門司港(通宵渡輪往神戶)	門司港半日遊 ; 門司 • 神戶內海郵輪阪九フェリー
Day 38	神戶→大阪	大阪2日遊(Part 1)
Day 39	大阪	大阪2日遊(Part 2)
Day 40	大阪→香港	大阪2日遊(Part 3)