印度神遊(1) – 光怪陸離遊印度

印度 新德里(New Delhi) – 胡瑪揚大帝陵墓(Humayun’s Tomb)

印度！一處令小太陽又愛又恨，極度貧富懸殊，衞生環境惡劣，無奇不有的地方。踏足她的土地，小太陽滿目是新奇的東西。在印度自由行，必需處處提防被騙，亦必需先假設每一個當地人都是壞人(當然印度也有機會遇到好人)，否則，只會自討苦吃。有人形容去 印度自由行就好像吃榴槤，初時唔慣會覺得好似屎一樣，但食落慢慢又會欣賞佢獨有的味道。小太陽完全同意，初到印度時，感覺極差，從未有一處地方會令我如此討厭，滿街壞人，滿地屎尿，細菌亂飛，乞兒多街童更多，比70年代的中國有過之而無不及。但玩到中段時期，開始欣賞到佢獨有的東西，例如隨處可見比歐洲更宏偉及古舊的古堡、不下於非洲的大沙漠、華麗的宮殿酒店、充滿色彩的城市，都會使你想咬實牙根繼續玩落去。2005年12月，小太陽到印度過了11個難忘的晚上。當日去印度不為甚麽，完全只因機票平。當日HK$ 1對 Rs 5.7(Rupee盧比)。

印度神遊 – Day 1

<<新德里>>

今天是平安夜，早機出發，去到新德里機場只係14:00左右。

今日非常大霧，令人更加看不透這神秘的强姦國度。

小太熊一早在網上訂了今次旅程的火車票，預備即晚坐通宵火車由 新德里去Varanasi，明早和印度佬一齊浸恒河，點知一到埗即刻 “瀨嘢”。

光怪陸離事件(1) – 小太陽一踏出機場禁區，即刻走去Lonely Planet介紹的國營Pre-paid Taxi Counter買車票去“新德里火車站”，走到counter買飛，我話去“New Delhi Train Station”，條友話唔明，我比埋個站名和地圖的位置佢，佢就問其他職員，那些弟兄態度散(傲)慢，阿支阿咗，攪了個幾字，最後報價Rs 250。價錢和Lonely Planet的資料差不多，我正準備比錢，點知特然漆黑一片，跟住有D臘燭和電筒光出現，原來係機場停電。

停電後的票務處十分混亂

冇所謂，小太陽繼續買飛，點知位弟兄話現在已冇飛賣了，叫我幫襯隔離個counter。我走到隔離個counter話去“新德里火車站”，位姐姐話給我Discount，收Rs 650。唔係吓話，乜Discount唔係解折扣咩，點解有Discount會貴左Rs 400架，有病嗎？我和她理論了一會，她很不耐煩地說“Rs 600 Final Price”。

啍，當我小太陽係儍仔，我決定自已行出機場找車。心諗我小太陽10年前已自己去 非洲坦桑尼亞玩成個月，非洲佬都屈唔倒我錢，會怕你印度佬?  點知，我實在低估了印度獨有而深厚的文化價值觀，即刻“瀨嘢”。

步出機場後見有Pre-paid Taxi Counter，便過去買票，但車費要Rs 450，仍然比正價貴了80%，實在痴鳩線。

我十分激氣，心諗今晚才上火車，還有半日時間，決定自己再行遠些揾車，唔信揾唔到合理價。

光怪陸離事件(2) – 這時，有2個樣貌慈祥的土佬行埋泥自稱係我個friend，問我要唔要車，我間佢價錢，佢答“My friend，Trust me”，驚死我當佢係賊。經過一番討價還價，最後成交Rs 200，我心想價錢都合理，應該冇事啦。

成交之後2位“印度 friend” 便替我放大背包上車

上到車後，其中一個“印度 friend”叫我在印度玩一定要小心財物，因為印度有很多壞人(好似當自已係好人一樣)，我當堂說Thank You Thank You。

部車行了15分鐘左右，吹吓吹吓，“印度friend” 特然露出邪惡的本性，佢問我 「Where are you want to go??」我開始心驚，答佢話「New Delhi Train Station Ticket Office Tower」，佢說那火車站拆了，不如到酒店先休息一晚啦。咪玩啦大佬，真係驚架，我於是同“印度 friend”講，我已Book 好了今晚的火車票，明晚酒店亦已比錢，所以冇得改行程了，今晚一定要乘火車離 開新德里，我仲話下次來印度一定會幫襯佢添，希望佬高抬貴手唔好玩嘢。佢最後車了我去一間Agent，說這是我要找的“New Delhi Train Station Ticket Office Tower”，在入面便有火車票攞，還有很多免費旅遊資料…………….，最後仲有個老外出來叫我落車，說會幫我………。我當然唔肯落車啦，和他們理論了幾分鍾，我最終要發圍了，大聲說如果再唔車我去“New Delhi Train Station Ticket Office Tower”，我在這裡落車，唔會比錢，仲話要Call Police。點知“印度 friend”七情上面，LOOK大佢對印度屎眼，仲大聲過我話 “Why do you shout? Why don’t you believe me?”之後死死氣開車，車到我去一個停車場，話這裡就係“New Delhi Train Station”，我要佢停在“Ticket Office Tower”，佢緊持話“Ticket Office Tower”已拆，我冇辨法下，唯有落車問路人這裡是否“New Delhi Train Station”，那位人兄話係，我才比那Rs 200，最後在雙方怒啤下離開。

我小太陽心想終於到“新德里火車站”了，應該不難找到“票務大樓”，點知絕對係 錯、錯、錯、錯、錯，因為印度怎會這樣純良，挑戰還陸續有來呀。

光怪陸離事件(3) – 我剛拿出地圖研究，一位街上陌生的“疑似印度壞人”熱情地走過來幫我，並叫我上天橋便可行到“Ticket Office Tower”， 我半信半疑，於是在街上問一個拖住個小孩子的女士，她就話唔知。我再尋找可信的人，尋吓尋吓，那位“疑似印度壞人”又再熱情地出現，問我點解仲唔上橋。嘩！邊有咁好心啊，條死蠢騙人騙到出晒面，於是我對那天橋更有戒心，死都唔行上去住。行吓行吓，在火車軌旁有個穿製服的職員站着，我走去問他。這個職員是好人來的，他很清楚地指出“Ticket Office Tower”就在對面那座樓，只要行上天橋穿過所有火車軌便到。

啍！原來“印度 friend” 這個賤人故意把架車駛到“Ticket Office Tower”的對面，要我行多200米路又要過天橋，死賤精。解決問題了，我怱然感到很輕鬆，行上天橋的樓梯。這時，“疑似印度壞人”第三次出現在我面前，並對我說 “This way is right, My friend, follow me”。唔係吓話，咩人泥架，條天橋堅定流架???  巧京京呀！

光怪陸離事件(4) – 小太陽決定唔理“疑似印度壞人”，信那車站職員，走過天橋。上到天橋向前行了十多米，見前面有位“不知是否火車站職員”向所有行過的人問「Ticket? Ticket?」，好像是查車票，又有幾個人比車票佢睇完，佢就好似教人在那裡上車。小太陽冇理佢，點知“不知是否火車站職員”又向我問「Ticket?」，我話去“Ticket Office Tower”攞車票，佢答我「拆掉了」，並指着附近一個地盤說，上個月仲有“Ticket Office Tower”，但最近已拆掉。佢又問我有冇Lonely Planet，我比本書佢，佢指了書內的其中一間Agent，說現在要去那Agent處攞己預訂的車票，並說在這裡坐Tuk Tuk去只需Rs 40，切記不可比多過Rs 50 (好似好好人??)。Oh! 佢指的那Agent我認得係“印度friend”車我去果間。小太陽比佢點了落天橋，佢冇再跟住我，亦冇再出現。

小太陽好亂，唔通“印度friend”係好人???所以佢才大聲發我老脾??但冇理由吖，2個星期前小太熊仲收到e-mail，通知佢去“New Delhi Train Station Ticket Office Tower”攞車票，冇理由咁快拆掉啦。。。最後決定再上天橋，什麽人也不理，衝過去。這次我居然順利過了天橋，再沒有受到阻止了。

終於成功來到New Delhi Train Station Ticket Office Tower，鬆了一口氣，怎料到挑戰會陸續有來。

我和小太熊從正門行入售票處，門口的食蕉卻話我的背包太大，有Security Problem，迫我放下背包才準入去. . . . . . 大佬，背包怎可以無人睇住，要小太熊一個睇住我自己入去攞火車票更加唔可以，印度真係麻撚煩。

我們在站內四處遊走想辦法，最後遇到一位女職員，便拿e-mail出來問她在那裡攞火車票，佢十分好人，帶我們穿過她的Office進入售票處，並指示我到其中一個窗口排隊。

售票處唔算多人，等了十多分鍾便輪到我。

最後於18:00成功拿到今次旅程的所有火車票。Oh! 好開心呀，攪了足足4粒鐘，終於戰勝了印度的騙術集團，誰知，贏了個別印度佬，贏不了整個印度。唉，最後還是PK收場。

拿到火車票後，還有3.5hr時間，我決定把行大李寄存在火車站，然後到火車站旁的Paharganj Main Bazaar行街食飯，當天只有4 - 5℃，好凍。

離開售票處，沿着大街行返去火車站大堂，沿途人多車多空氣污濁，而且大部份人的眼神都像賊一樣，都好惡行。

個個都在街上放水，整條街充滿阿摩尼亞味。

新德里火車站的遊客詢問處，在這裡終於問到行李寄存的地方。

行去行李寄存處的沿途也被四圍的人眼啤啤昅到實，真係幾可怕。

從攞完火車票後攪了大半個鐘，最後終於寄存到行李了。在印度寄存行李，行李一定要有鎖，否則佢會唔肯收。

Paharganj Night Bazaar – 攪到天色黑透，終於可以正正經經行街了，在這行街，要小心踩屎。

Gem Restaurant – Lonely Planet介紹的餐廳，位於Main Bazzar內，2人共吃了Rs 250。

光怪陸離事件(5) – 小太陽食完飯見條街冇咩好行，便早啲返去火車站找月台，因為小太熊話印度火車好難搭的，而且常常遲到。我地今晚 21:30車，20:00己回到火車站，但找不到月台，因為火車站內沒有任行指示，只有月台號碼。由於今日遇到太多壞人了，驚又比人老點，所以我堅持先自己試試找月台唔敢問人，最後在站內發現有個電子水牌，列出了火車班次，到站時間，出發時間，目的地等等…..，很清楚，所以我放心四圍行，影吓相。

新德里火車站

21:00回到水牌，發覺冇我搭那班車，心諗可能火車遲到，等吓等吓，21:20分了，唔對路，於是見人就問，終於問到在5號月台上車，我跑………跑到月台，但那車己開出了，天呀! 比個印度 電子水牌點鑊甘啊。白白浪費了2張頭等車票共Rs 4790。

冇辦法了，唯有返Main Bazzar求其揾間旅店瞓一晚生，今晚再諗諗可以點算。想我小太陽多年來縱橫四海，從未試過這麽樣衰上唔到火車。只是第一天己這麽大鑊，我開始懷疑自己能否捱過未來的11個夜晚。小太熊決定明天晨早起身去機場看看有否機位去Varanasi，因為已付了HK$600給明晚在Varanasi的酒店，後天由Varanasi回 新德里的機票亦已付錢。

小太陽這晚情緒低落，身心疲累，瞓得好差啊！好在平安夜總算平平安安。

印度神遊 – Day 2

旅店包了早餐，不過非常難食，求其食了少少便check out。

乘的士平安去到機場，迫埋去票務處問問今日還有冇機票去Varanasi。

去到機場票務處，職員話只賣剩幾千蚊張的商務客位，唉…. 始終仲係死窮撚，唔捨得。算了，我即時退回由Varanasi飛回 新德里的機票，埋單計計，火車票加酒店共損失HK$1600。

我收拾心情，改改行程。今天在 新德里玩一日。

先乘的士回到旅店放下大背包，買多一晚房。再去Agent報名參加了今天下午一個半日團和明早一個半日團，今天早上就自己四圍行。

Scandinavian Airlines

早上行到上面這座大廈Scandinavian Airlines，看見這個印度婦女抱住個BB過來乞錢。

我見佢很可憐咁樣，便眼觀四面，發覺冇其他乞兒，便拿出 Rs 20比佢，點知一比佢，10秒之內不知從那裡跑出7至8人，有大有細，擁過來問我攞錢，纏繞不休。

有個小女孩冇了一隻手真係勁慘，但實在太多人比唔到錢佢呀。

我和小太熊嚇到立刻向前跑，有2個小孩追住我，我地跑了幾分鐘，最後佢哋追唔上我們先走得甩。

早上遊 旅行團必到的景點 – 印度門

跟住在Pizza Hut食午餐。

下午跟團，乘這旅遊巴士出發，全團都是印度人，只有我和小太熊2個遊客。

第一站去 新德里紅堡(入場費USD 5或Rs 250)。

第二站 – 甘地墓(Rajghat)

印度的女學生對禾呢啲遊客都好友善。

第三站 – 胡瑪揚大帝陵墓(Humayun’s Tomb)

今晚是聖誕節，在Main Bazzar找了間好一點的餐廳食飯，飯後行夜街時遇見2位香港美少女來自由行，佢地真係勇敢呀，希望佢地都平平安安，唔好遇到印度禽獸。

印度神遊 – Day 3

今朝晨早起身退房，放下行李，跟住食早餐。

今天揀了奄到和多士，冇昨天的早餐咁難食。

食完嘢便行路去旅行社出團，路經 新德里Connaught Place花墟。

在Connaught Place花墟碰到這個小孩，佢眼定定望住我好耐，唔知想做乜。

幫襯街邊檔用Rs 5買了份小食，但小太熊唔比我食，迫我掉咗佢。

今日第一站 – 印度教寺廟Birla Temple

第二站 – 新德里天文台Jantar Mantar (入場費USD 2或Rs 100)

第三站 – Lotus Temple蓮花廟

Lotus Temple蓮花廟外的大合照

第四站 – Qutub Minar顧特卜高塔(入場費USD 5或Rs 250)

離團後，回到酒店攞返行李，成功截了架正經的Tuk Tuk去火車站Nizamuddin Train Station。

Nizamuddin Train Station – 首先在車站內寄存好大背包。

Khana Khana Tomb(入場費USD 2或Rs 100) – 在Nizamuddin Train Station旁，順路一遊。

臨離開Khana Khana Tomb時，有個印度佬走埋泥，問我「Are you Boy？」，原來佢條女覺得我係Girl，印度佬就認為我係Boy，於是打賭Rs20，便過來找我求證。。。。咁都得？

幫人做完公證後，在門口找了部正經Tuk Tuk去另一景點Purana Qila，行經開始順暢了。

古堡Purana Qila (入場費USD 2或Rs 100)

在新德里行了2日，這間古堡最大最靚。

今晚坐12小時通宵火車，由 新德里去 拉賈斯坦省(Rajasthan)的白色之城 烏代浦爾(Udaipur)。

先在Nizamuddin Train Station外這間餐廳晚餐，環境好靚啊，感覺亦乾淨。

印度拉奶 – 試了一杯，唔係太好飲。

火車埋站了，上呀上呀。

今次順利上到火車了，印度的頭等火車非常舒適，不下於歐洲的頭等火車，2人房價錢每位Rs 2400。

歎歎帶來的零食，有鉅記花生糖和美真香牛肉乾呀。

在印度過了三天，令我對friend和discount這2個生字有了另一番理解。明天仍是要繼續。

---待續---