飛越 紐西蘭(2) – Franz Josef Glacier冰川歴奇

紐西蘭南島小鎮Franz Josef Glacier

冰川(Glacier)是指在終年冰封的高山地區，多年來大量冰塊層層堆積在河谷形成的冰河，體形巨大並會極度緩慢地流動。Franz Josef Glacier是一條位於紐西蘭南島的冰川，冰川及其周邊地帶都屬於世界自然遺產，在當地導遊帶領下，遊客可以親身踏足冰川上作冰川遠足，屬於紐西蘭一種獨有的特色活動。

飛越 紐西蘭 – Day 4

<<Grey Mouth>>

在香港Book了早上08:00的巴士由Grey Mouth去Franz Josef Glacier，本來諗住06:30起身，07:00食早餐，07:30由酒店行去巴士站。點知個鬧鐘冇電，行慢了半個鐘，剛開始食早餐時才發現時間已經是07:40了，嚇到我只食了小小就要走，浪費了美味的早餐。幸好酒店Sanford's Guest Lodge老闆好人，主動車我們去巴士站，否則要背着行李跑去。

Grey Mouth巴士站 – 只有我們上車，但是巴士遲咗10min，早知食埋早餐先啦。

中途停了一個站，買了個包頂吓肚。

<<Franz Josef Glacier>>

早上10:00到達Franz Josef Glacier小鎮，當日天郎氣清，遠望冰川雪山。

落車後立即睇Lonely Planet，想求其搵間Hostel落腳。

原來隔離就係安排冰川遠足的Agent，於是入去報名參加明天出發的一天冰川遊，順便叫佢幫手搵埋Hostel，和報名參加下午3hr騎馬。

Montrose Backpackers – 位置很好，在巴士站和大街隔離，經濟實惠，會在這裡連續住2晚。

內𥚃是一般的Hostel格局。

雙人房(不包括早餐)每晚NZD 60 – 冷氣又冇風扇，晚上又熱又勁多蚊，成晚冇覺好瞓，而且隔音很差，整晚聽到隔離房拍蚊拍到Pang Pang聲。

攪掂晒節目安排和住宿之後，是但揀一間餐廳食午餐。2個人吃一碟Mushroom Pasta(NZD 15)，物價貴吖嘛，當減肥啦。

13:00馬場主人車我們去馬場，開始騎馬，不過佢話今日天氣太熱，騎3hr怕馬仔頂唔順，要改騎2hr。雖然有點兒失望，不過冇辦法啦，佢話去的地方一樣咁靚的。

騎 2個鐘馬，每人NZD 80，首先佢幫我們揀馬，隻馬仔算幾乖嘅，冇蝦我唔識騎馬。

很快便行到去一條冰水河，好靚呀，馬仔沿着河流行了好耐，好好玩啊。

離開河流之後進入一個大草原，在草原行了好耐，風景簡直一絕，老細冇點我哋。

最後一斷路，老細見我們都騎得唔差，便吹口哨叫隻馬快步跑，嘩！嚇得我好驚，好彩叫做有些天份沒有被拋落馬，不過真係好驚揼親個袋袋。

騎完馬回到小鎮之後只是16:00，可以慢慢行吓小鎮Franz Josef Glacier。

Waiho River – 小鎮附近的河流，河水是冰凍的，因為水是從附近的雪山冰雪融化之後急速流到這裏，因此溫度接近冰點。

The Landing Bar & Restaurant – 今晚在這裏吃晚飯，露天座位的環境非常優美。

我吃牛扒餐，小太熊吃三文魚扒餐，味道都很好，全單NZD 36.5。

晚上房間非常之多蚊，關窗又覺得太熱完全瞓唔着，冇錢真係慘。

飛越 紐西蘭 – Day 5

今日晨早出發行冰川Franz Josef Glacier，出發前到附近餐廳食早餐。

芝士漢堡(NTD 5.6)和魚柳包(NTD 6.2)都好好味道。

早餐後到旅行社集合，要自己去問職員攞防水風褸、行山Boot、雪鋤頭和鞋底雪抓。然後一齊上巴士出發。

Franz Josef Glacier冰川一日遊(NZD 135) – 09:00準時起行，同團有40～50人，所以導遊叫我們自己分成快中慢三團人，我見個個團友都手長腳長，便自動參加最慢的老弱殘兵隊。

開始要走過一片樹林，穿長褲好啲喎。

接下來要爬鐵梯，早知載埋手襪啦，條鐵梯都相當之冰冷。

團友們都行得飛咁快，我參加的老弱殘兵隊其實一點也不殘，只係相對地行得真係最慢。

到達冰川山腳起點了，終於可以踏足才冰川之上，好興奮呀，可惜今日天色非常灰暗，似乎隨時會落雨。

導遊Miss教我們穿上雪抓，才可以在冰川上行走。

起行～近睇的冰川呈現螢光藍色，十分之晶凝通透，其餘的灰黑色是因為冰河流動時翻起了河床的沙泥。

第一次在冰川上行走，感覺新奇刺激，非常之好玩。

導遊Miss耐唔耐便要鑿開冰川替我們開路。

參加這個冰川旅行團都需要一定的體能，我行慣山都唔覺得輕鬆。

不經不覺已經行到好高了，還有很多其他旅行團跟在我們後面。

非常之驚險的天橋，橋下是萬丈深淵，我們排隊逐個逐個慢慢行過去。

過完橋之後不久便開始落雨了，因為安全問題，導遊決定要回程。

我們一行十數人便聽聽話話，慢慢回到起點。

回Hostel沖完涼，雨也停了，便早點出去食飯。因為今日是星期日，昨晚的餐廳The Landing Bar & Restaurant要加15% Charge，所以唔去了，搵間唔駛加錢的。

Blue Ice Café – 呢間唔駛加錢，而且價錢合理，環境又好，決定食呢間。

Pizza薄批(NZD 21) – 餅底很鬆脆芝士亦很香口，好味過Pizza Hut。

煎石斑柳(NZD30) – 係Today Special，魚肉鮮嫩彈牙又鮮甜，煎得微脆又香口，不論是廚功和食材都滿分。

飛越 紐西蘭 – Day 6

昨晚整晚落大雨，至早上還變成暴雨。好彩今日唔係行冰川，否則一定會取消。今日坐長途巴士去 皇后鎮(Queenstown)，車程約7小時，早上出發。

早上在Franz Josef Glacier等巴士時，雨勢大到倒水一樣。

中午時天氣開始好轉，雨停了而且開始出太陽。

Atomic Shuttles – 每次都係坐佢的長途巴士，車尾拖着行李箱，耐唔耐便會有Break可以去廁所，現在就放25min午餐。

餐廳是快餐店，不過環境都唔錯架。

求其吃些Pizza和火腿三文治，加埋都要NZD 5.3，今朝早餐只係吃了隻昨天在超級市場買公的香蕉。

Arnott Point – 天氣好返了，中途又停一站10min落車影相，是沿海岸一塊岩石。

<<皇后鎮>>

黃昏到達 皇后鎮(Queenstown)，自己Walk in找了十多間平價旅館都Full，最後行了入去一間Agent，終於找到未來三晚的住宿，但是沒有連續房，要分開三間酒店，皇后鎮真係旺場。

Chalet Queenstown – 今日住這間旅館，已經是今日皇后鎮剩返最平的房，由皇后鎮中心要行上斜路20min，唔方便。

雙人房(連早餐)每晚NZD 169 – 只有一晚房，明天一定要搬，有湖景露台，不過距離湖比較遠。

來到Queenstown之後，用了3hr找住宿，再行20min去酒店，安頓下來回到市中心已經差唔多20:30，開始日落金光了，決定行到太陽落晒山才吃晚飯。

Lake Wakatipu(瓦卡蒂普湖) – 紐西蘭的第三大湖泊，海拔310m，平均水深230m，是Queenstown第一大景點。湖伴有很多餐廳，環境優美怡人。

剛好湖伴一張2人枱有人離開，就決定食呢間。職員話今晚很Full，我哋好好彩啊。

歎返杯日落湖伴白酒先，天色真係黑得好快。

半打生蠔半打焗蠔加埋煎三文扒，全部都好好味，這裡真係舒服。埋單只係NZD 90，抵到爛。

食完飯之後開始緊張起來，因為明天一早便要玩Sky Dive，從3700m高空跳下地面..........

 

 ---待續---