泰國蘇梅的天空(2) – 帕岸島隱世酒店 • Sanctuary Resort

泰國帕岸島(Koh Phangan)隱世酒店 - Sanctuary Resort

遠在泰國南部的 帕岸島(Koh Phangan)，是世界聞名Full Moon Party的起源地。從島上舉行Full Moon Party的海灘Haad Rin (Sunrise Beach)乘15min小艇，便會到達一個隱世的沙灘Haad Tien，沙灘旁邊是一所 瑜伽酒店Sanctuary Resort，對外交通只有接駁小艇或行4km山路到Sunrise Beach。住在Sanctuary Resort，每天的節目就只有瑜伽、SPA、日光浴、吹水、食飯和睡覺，都好忙啊。

泰國蘇梅的天空 – Day 4

繼續上一篇Day 4行程。

<<帕岸島(Koh Phangan)>>

今日上午會乘 1hr快船由 南幽島到 帕岸島(Koh Phangan)，一連3晚入住Sanctuary Resort。舉世知名的Full Moon Party便是每月的月圓之夜在 帕岸島(Koh Phangan)的沙灘Haad Rin (Sunrise Beach)舉行，距離Sanctuary Resort只隔一座山，乘15分鐘小艇便可到達。

上船後很Tuk Tuk兜客，我們很快便被兜了上車。從碼頭到Haad Rin有11km，車費每位THB 50。

我們一上車司機便要收錢，點知原來得我們2人佢唔肯開車，要等佢成20min兜多幾個客至開車，早知自己先行去車站上最多人即開那班車啦。

到達Haad Rin之後，澗水上了隻Boat Taxi，15分鐘便到另一沙灘Haad Tien，船費每位THB 50。

Sanctuary Resort位於海灘Haad Tien旁邊，依山而建，唯一對外交通是駁艇，全酒店均沒有泠氣，而且每天00:00至06:00會停止供電，所以晚上連風扇都會停埋。Resort主要供應素食，每天早午各開一堂瑜伽班，又有SPA Centre，在這裡住幾日都幾嘆。

泰國帕岸島隱世海灘Haad Tien ~ Sanctuary Resort的房間分佈在沙灘旁的山林上。

雙人房Star House(不包早餐)每晩Baht 2700 Baht – 位置隱秘位處半山，要從沙灘Haad Tien向山上行8分鐘才能到達，房間屬全開放式設計，冇大門冇窗冇門鎖所以沒有鎖匙，飛禽走獸昆蟲小偷完全自出自入，勁!!!

Star House面向山林大海，沒有門窗，完全和大自然融為一體。

客廳和睡房也是沒有分隔

全開放式睡房

安頓後已經中午了，先去酒店唯一的餐廳吃午餐。

住客每天的早、午、晚餐都會在沙灘旁的餐廳食，Resort住客主要是老外，只有我們2個亞洲人。餐廳有很多吊床供住客嘆世界。這裡的住客們整天都是懶洋洋地吹水，連貓都係一樣懶洋洋。

今日的午餐是全素食，清腸胃啊。

焗薯仔伴多士

鮮果乳酪；蜂蜜燕麥多士

午餐後參加1.5hr 瑜伽班

接着是1.5hr SPA

回房間沖涼後部19:00了，嘩咁快又一日。

20:30食晚飯，晚飯時段餐廳雖然滿坐，但氣氛輕鬆愉快，沒有一點煩囂感覺。

燒吞拿魚 – 魚肉很鞋口，味道一般；豆腐漢堡包伴豆腐薯條 – 漢堡牛肉是用豆腐乾仿製的，口感特別味道都幾得意，豆腐薯條的口感硬實，麻麻哋。

食晚飯的時候沙灘有人放煙花。

晚上12:00準時停電，風扇立即停止，雖然晚上的氣溫很涼，但因為近海邊濕度很高，搞到塊面油琳琳。

泰國蘇梅的天空 – Day 5

今早07:30起身，唔吃早餐，參加08:00-09:30的 瑜伽班。

10:30 – 12:00 食Brunch，餐廳任何時段都聚集了一班無聊的吹水人士。

今日仲有女士在沙灘玩無上裝日光浴。

14:00 – 15:30做 SPA，今日個Treatment做埋Facial。

SPA Centre的貓貓都好懶啊。

16:30 – 18:00 瑜伽班

今次要做拱橋，好激喎～

做完瑜伽返房沖涼，話咁快又過一日。

今天晚飯比昨晚好吃，叫了 雜菜湯河粉、蠔油炒雜菜和燒海狼肉，海狼的味道比昨天的吞拿魚好好多，湯河粉很滑很清，食完之後高位好舒服。

泰國蘇梅的天空 – Day 6

今日是中秋節前夕，今晚會去Haad Rin參加Full Moon Party，好緊張呀。

晨早06:30 – 07:30出Haad Tien浮潛～估唔到岸邊都咁多嘢睇，潛了1hr便見到一隻法國麵包蟹、一羣牙帶魚和一條大石斑。

08:00 – 09:30參加 瑜伽班。

10:30 – 12:00 在餐廳食Brunch。

下午 12:30 – 14:00做 SPA。

因為今晚會去Full Moon Party 玩通宵，所以現在爭取時間休息。

14:30-17:00 回到房間午睡

黃昏時間Haad Tien已經泊了艘Boat Taxi在等客，不過時間尚早，遲些少才出Haad Rin開Party。

老外們仲游緊水，佢哋都未Ready開Party。

開Party之前先在餐廳吃點水果清清腸胃，小太熊飲木瓜昔，我飲冼菠蘿昔。

晚上18:00上駁艇去Sunrise Beach(Haad Rin)參加Full Moon Party。

Haad Rin – 現在時間尚早，沙灘和平時一樣，沒有什麼特別熱鬧，但入黑之後蘇梅島的超載偷渡船便會載着海量旅客來到。

天色漸暗，沙灘上的強勁音樂亦開始此起彼落。

第一檔Pizza小太熊就話要食，Hawai Pizza每件Baht 40，不過是凍了再番叮熱的，唔好食。

聽講今晚啲女生會著晒呢啲大跳熱舞，唔知堅定流呢。

繼續掃街，小太熊食 燒粟米(Baht 30)，比較乾又唔多甜，唔好食；我就坐底食 椰子雪糕，味道過得去啦。

燒雞髀(Baht 30) – 終於有好嘢，好好食；椰青(Baht 50) - 又唔夠凍又唔甜。

入夜之後攤販開始售賣一桶桶酒精飲料，通常是一種烈酒混合氣泡飲料一桶桶賣。

買了一桶 Vodka+可樂+紅牛，一陣出沙灘慢慢歎。

差不多時間吃飯了，在一間餐廳門口見到有BBQ，揀了2隻死藍花蟹和300g鯊魚。

今晚餐廳好多人，再夜啲仲難搵位。

炭火燒烤海產，雖然啲貨唔多靚，不過都好有炭火香。

味道和預期差不多，蟹肉唔鮮甜，肉質亦都麻麻，燒鯊魚肉有點腥味，唔好食。

Full Moon Party在 21:00開始熱鬧，沙灘上的坐位已經差唔多坐滿遊客，但等睇嘢的人多過落場玩的人。很多超載的大型木船老遠從 蘇梅島不斷駛過來，令沙灘由 21:00開始不斷迫上加迫。很多酒吧請人在沙灘玩火靶攪氣氛。約 22:00開始有人在沙灘上跳舞，越玩越狂野，但不見有人吸毒，因為沙灘上警察的數目都唔少。

 

---待續---