印尼搜奇(2) – 佛羅烈斯島(Flores) • 科莫多島(Komodo)

於印尼科莫多島(Komodo Island)山林內發現的野生 科莫多龍(Komodo Dragon)，長約2.5m，異常恐佈。

科莫多島(Komodo Island)位於印尼峇里島東部三百多公里，屬於Nusa Tenggara群島中的一個小島，由於地震及火山活動頻繁，使科莫多島的生態系統與世隔絶，因而孕育出一些特有的生物品種，當中最著名的是地球上最大的蜥蜴～科莫多龍。

印尼搜奇 – Day 4

<<科莫多島>>

晨早起床在旅館Loh Liang附近行行，餐廳都冇乜客，十分清靜。

在餐廳附近發現有野豬，好過癮喎。

Loh Liang位於海灘旁。今日天色出奇地清，而且風平浪靜，海面像鏡子一樣。

約了船員07:00在船上吃早餐，行得過去都夠鐘了。

望返去小島都係鏡一樣咁清。

早餐每人只有一塊Pancake和奶茶。

昨晚Check in時包了個導遊，今朝帶路行2hr尋找 科莫多龍，費用Rp30,000，食完早餐之後便出發。

導遊帶我們進入 科莫多島的山區尋找 科莫多龍。

沿途見到的風景都非常原始，雖然條路很清晰自己都識行，不過一定要人帶架，否則遇到 科莫多龍就實死冇生。

樹林內有野果呀，導遊在樹上摘到一個剛熟的野生 番鬼荔枝給我們，佢話明天可以食，好甜架。

導遊邊行邊介紹一些花草和雀鳥。

科莫多龍的脊骨，很原整的一條脊骨，可以放進博物館。

科莫多龍走過的痕跡，導遊話痕跡還很新，應該走過唔耐，要小心科莫多龍隨時出現喎。

科莫多龍居住的洞穴

冇幾耐真係碰上一條約2m長的 科莫多龍(記錄最長是3m)，導遊帶我們在安全的距離追踪牠。

科莫多龍很快便發現我們，立即很快閃開遠離我們，原來佢驚我多過我驚佢。終於在森林見到野生科莫多龍，好開心呀，真係有架。

來到一處觀賞亭，導遊話以前可以在這裡用生雞引科莫多龍過嚟食，但因為影響生態，近年已經禁止。現在的科莫多龍都係野生，要自己搵食。

差唔多夠鍾回程了，今日行程都很滿意，因為都有諗過可能食白果的，導遊也說每個Tour可以遇到科莫多龍的機會只得一半半。

離開觀賞亭時，特然在遠處出現一條約2.5m長的 科莫多龍，追呀追到呀。

跟了大約15min，越嚟越大膽，越行越近，佢個樣好惡，刺激到喊。

最後，導遊覺得這條 科莫多龍已經吃飽，比較安全，便問我want唔want to touch吓佢，我當然答佢“want”啦。

導遊慢慢走近 科莫多龍條尾，用竹支撥起條尾最幼的部分，打手勢叫我慢慢走來摸摸條尾。

摸到野生 科莫多龍了，世紀大接觸。

玩完 科莫多龍後，大滿足，要比多啲Tips比導遊。

今日個天特別清，海水特別藍。

要上船離開了，回程之前可以在附近的沙灘浮潛。

大船駛了約20min，來到 科莫多島一個無人沙灘Pink Beach，全無污染水質一流。

就咁跳落水，海水像玻璃一樣咁清，而且好多魚仔和珊瑚。在Pink Beach浮潛了2hr，仲見到很多大魔鬼魚。

最後在3m水深發現隻 海龜。我潛下去摸到了牠一吓，好正呀。

浮潛完之後，乘船返回Labuanbajo，今日午餐有蛋、魚、炒麵和飯，好豐富，因為太肚餓，所以全部食晒。

<<Flores>>

黃昏回到Labuanbajo，今睌住Golo Hilltop風扇房，估唔到勁多蚊，針到小太熊對手一粒粒，好慘。

雙人風扇房(不包括早餐)每晚Rp 50,000 – 太多蚊了，下次一定唔慳果幾十蚊，住冷氣房。

沖完涼已經日落，房外個view係正嘅。

今晚只食杯麵，冇錢真慘。

晩上因為太多蚊，瞓得勁差。

印尼搜奇 – Day 5

今朝10:00起身，10:30乘包車出發，展開4日3晚的 佛羅烈斯島 (Flores) 搜奇之旅。

第1站～車子駛去Flores一條位於山上的小村Melo，看看Labuanbajo市全景，但大霧睇唔清。

發現朱古力的原材料 ~ 可可果

參觀完Melissa之後，要在訪客薄上留下大名和國藉，再放下些少Tips(不須要入場費)，職員話這裡係第一次有香港人到訪架。

車子再向前行，會路過些農村，農村小朋友們見到外國人都很好奇，始終Flores的旅客還是比較少。

第二站~ Cara Village山上看一塊像 蜘蛛網的稻田。

上山落山都有一羣小朋友跟著我們，小太熊有點唔慣。

參觀完 蜘蛛田又係要留下姓名和國藉再放下Tips。

接著車子直去小鎮Ruteng，在那𥚃自費食午餐。

在路邊一間餐廳食，叫了印尼炒飯(Nasi Goreng)、印尼炒麵(Mei Goreng)、沙嗲燒雞(Sate Ayam)、可樂和雪碧。

餐飯味道OK架，在印尼的鄉郊地方差唔多餐餐都係呢幾味了，每人US$1~2便一餐。

食完飯在Ruteng行了一陣街，可能因為遊客太少，街上所有人都眼金金不斷望住我們，像發現怪獸一樣，攪到小太熊好驚好唔自然，反而我因為去過非洲坦桑尼亞有過類似經驗，所以頂得住。

行唔夠15min已經頂唔順了，決定上返車向下一站進發。

火山湖Danau Ranamese - 比較普通，到一到影張相便離開。

Aimere村 – 參觀一個家庭釀制Arak(亞力酒)的過程。

Arak是地中海一種傳統蒸餾方法釀制的蒸餾酒，無色透明，酒精度高達60%。

試了一小杯，味道好像伏特加，而且酒精度更高得驚人，只飲了少少已經受唔住。

很快又差不多到今晚目的地，今晚和明晚都會住在山下的鎮小Bajawa。

Bintang Wisata Hotel – 司機介紹了Bajawa這間旅店，今晚便先住一晚。

雙人房(連早餐)每晚Rp 185,000 – 這房間冇冷氣只有風扇，但話有熱水(冇熱水只須Rp 120,000)，不過電熱水爐很細，份量只夠小太熊一個沖，唔知點解佢沖完後半粒鐘都未煲熱返，我要沖凍水。

唔單止咁，原來窗外面對正個豬欄添，想換房又話冇，決定明早退房換酒店。

晚上出外行街，Bajawa街上的人和Ruteng一樣，全街人當我們怪物咁睇，仲有幾個不太友善的印尼仔拉手拉腳撩我們，嚇到小太熊好驚。

魚市場夜晚好旺，賣的都係死了的平價魚，最多係 牙帶魚。

見條街黑媽媽都有啲驚，仲啱啱比人拉手拉腳，決定唔行，去食嘢算了，但街上只見到一間殘舊的食店，冇得揀。

店內的食客又係個個人都一邊食一邊望吓我哋......

牛丸粉 – 店內唯一的食物，個個都係食佢。牛丸真係似舊粉，加埋麵和米粉兩溝，勉強入得口，但係都食了兩碗，因為很肚餓。

明天展開驚險(其實係危險)的火山湖之旅，現在諗起都覺得太危險，唔應該玩。

 

---待續---