飛越 紐西蘭(3) – 皇后鎮 • 亡命跳傘Sky Dive

紐西蘭皇后鎮 – 3700m高空亡命跳傘Sky Dive

皇后鎮(Queenstown)位於紐西蘭南島西南部，是紐西蘭最知名的渡假勝地，四面均被非常壯觀的群山環繞，伴着 瓦卡蒂普湖(Lake Wakatipu)旁邊，湖光山色美麗風景有如人間仙境。皇后鎮的刺激活動也非常之多，其中以Sky Dive、Bungy Jump和滑翔傘更是激中之激，不可不玩。

飛越 紐西蘭 – Day 7

<<皇后鎮>>

今日係整個飛越 紐西蘭行程最重要的一日，因為早上會正式飛越 紐西蘭的皇后鎮，從12000呎(3700m)的高空跳下來，在空中Free Fall 45秒後開傘，再飄2分鐘後落地。昨晚緊張到整晚瞓唔著啊。

早上起身食早餐，有新鮮水果；麵包；鮮果汁和乳酪，食咗好多水果。

慢慢行過去市中心的跳傘Agent～Nzone ，簽好生死狀便上車往小型飛機場。

今次選了從12000呎高空跳下，Free Fall 45秒後開傘，再飄2min到地面，每位NZD 298，加NZD 210可以拍埋DVD和影相。

呢位係我的Instructor～Jim，高我足足一個頭架。

上機前講解要注意的事項，好緊張呀。

今日天氣甚佳，藍天白雲。小型飛機的螺旋槳開動了。

一行8人上機了。

機艙十分之逼夾，沒有座位的，白人都坐在地上。後排左邊那位是小太熊的Instructor～Mac。

我今日第一個起跳，首先全身放軟，Jim把我綁在他身上，胸口腰部和雙腳都緊緊地綁在一起，只有雙手可自由活動。Jim慢慢地一步一步趴向飛機門，準備..........

跳啦...................

開始Free Fall，感覺沒有想像中咁辛苦，離心力也沒有想像中咁大，Bungy Jump仲勁啲添，而且完全唔驚了，只覺得在天空飛翔十分之Enjoy。

今日天氣太好了，在空中可以看見整個Lake Wakatipu，每一秒也是非常之享受。Jim不斷計住時間，一到45秒便要立即開傘。

剛好45秒開傘，冇多冇少。 攝影師執持我們2秒才開傘，比我們早幾秒先落地，然後再影我們降落。

在空中飄浮了2分鐘之後，安全降落。

我就縮起雙腳，由Jim一個人控制落地，如果我對腳落地先可能會斷㗎。

平安落地，Great！興奮呀！

我開傘之後，Mac帶住小太熊跳出去了～

小太熊話在空中Free Fall時又驚又辛苦，壓力大到對手反了去後面完全郁唔到。

安全落地之後，小太熊冇力地説「嘩！好驚呀！」

原來打算跳完傘之後，下午玩埋滑翔傘，但因為成功跳傘實在已經太滿足了，現在返而想下午Hea吓就算。

回到Chalet Queenstown攞返行李，行返去市中心，Check in今晚的旅館Southern Laughter。

Southern Laughter – 位於吊車站附近，方便得多了，而且價錢平昨晚好多。

雙人房(不包括早餐)每晚NZD 80 – 雖然比較殘舊，不過房間有個小露台，都好抵住。

安頓後還有大把時間，下午可以慢慢行吓Queenstown這小鎭了，先到湖邊吃飯。

Thomas’s Hotel – 位於皇后鎮湖邊的老牌酒店，酒店養了一隻好得意，叫Thomas的肥貓，後晚便會搬來住一晚。基督城也有一間分店。

Minami Jujisei – 日本餐廳「南十字星」，在Thomas’s Hotel對面，見幾抵食所以試吓這間。

刺身定食(NZD 18) – 魚生雖然不是頂級，不過都新鮮美味，好抵食。

下午在 Lake Wakatipu湖畔散步。

Boardwalk Seafood Restaurant & Bar – 位於湖伴，在昨晚食蠔的餐廳隔離，聽講老美前一哥 乞淫頓也曾在這餐廳嘗過海鮮，今晚是年三十晚，就吃這間。

見到有小舖賣小麥草汁，想試一杯排吓毒。

小麥草汁(NZD 1) – 原來只係Shooter，不過真係用新鮮小麥草即摘即攪的，味道好濃 草味好強，帶點腥腥澀澀，飲到小太熊皺晒眉頭。

Kiwi Birdlife Park – 要睇真的奇異鳥(Kiwi)要NZD 20入場費，因為孤寒所以唔睇了。

吊車(NZD 18) – 直上皇后鎮的山頂，可見到整個皇后鎮和Lake Wakatipu。今日唔多人，可以2個人乘一部吊車。

今日全日都陽光普照，要載太陽帽防曬。

吊車站山頂觀景台可以看到 皇后鎮全景。

在山頂上的小徑行了2hr，回到鎮內再Window Shopping。

Hard Rock Cafe Queenstown – 入去買少少嘢兼飲杯咖啡。

Boardwalk Seafood Restaurant – 估唔到今晚很Full，Walk in冇位啊，職員話2hr後才有位，於是要繼續四圍行。

入麥當勞坐吓食少少野，點知流到嘔，啲薯條霉霉爛爛，食到小太熊很不滿，個餐仲要成NZD 7。

終於等到Boardwalk Seafood Restaurant有位了，而且有1/F的露台位，好靚架，今晚食好啲。

三文魚湯好好味。

生蠔一打十分新鮮美味。

西冷牛扒伴薯蓉配紅酒，好味道。

明天一早要出發去Milford Sound 2日1夜團。

 

 

---待續---