小太陽: 印度神遊(2) – 見色印度白色之城烏代浦爾(Udaipur)

2006年3月22日

印度神遊(2) – 見色印度白色之城烏代浦爾(Udaipur)

印度烏代浦爾(Udaipur)古堡酒店Devi Garh Fort

印度的拉賈斯坦省(Rajasthan)有四色小城，分別是紅色齋浦爾(Jaipur)、白色烏代浦爾(Udaipur)、藍色久德浦爾(Jodhpur)和金色齋沙默爾(Jaisalmer)。

古堡酒店Devi Garh Fort位於印度白色之城烏代浦爾(Udaipur)的山區，從烏代浦爾火車站乘1小時Tuk Tuk便到，異常華麗，和水上皇宮Lake Palace各有特色。

印度神遊 – Day 4

<<烏代浦爾(Udaipur)>>

早上火車到達印度白色之城烏代浦爾(Udaipur)，立即又遇到壞人。一出火車站，就有個壞人Tuk Tuk司機問我要唔要車，我問佢去Devi Garh Fort幾錢，佢答話 Rs150，我見佢冇開天殺價，價錢都OK，所以只回佢 “Rs 150 for Two person?”，佢話yes，咁就成交咗。

他就是印度壞人司機，帶我們到他的Tuk Tuk上車。

上車後，他給我一本薄，裡面寫滿不同國家的遊客贊他的說話，又話佢熱情，又話佢老實，又多謝佢的招乎，總之乜都好好。我心想，這次終於碰到好人了。到埗後，我驚嘆這古堡的華麗比想像中尤有過之，我於是比 Rs150佢急急落車，點知佢不知廉恥的話“Rs 150 is just for one person, you have two person, you should give me Rs 300”，頂，又玩D咁嘢，我不知為何當時冇同佢片過就比佢Rs300，可能我不想浪費間了，益咗個賤佬。這次的教訓是，唔好信D印度佬，就算之前佢有好的記錄。

Devi Garh Fort白色古堡酒店真係又豪又古舊又靚

因為太早去到還未有房，職員便建議我們先去食早餐，由於今次買了雙人房包早餐，便把明天的早餐改今天先食。

自助早餐很豐富，餐廳像宮殿一樣咁靚。

食完早餐便先四處參觀一吓。

在Devi Garh Fort古堡下是條印度村庒，都幾窮，有些十多歲的女孩還沒有衫穿。

酒店的泳池，靚絕。

這是Devi Garh Fort古堡山下最平的帳幕住宿，每2人帳幕USD 150一晚。

酒店內四處都見有小松鼠。

等了不太久便有房了，因為我地冇乜錢，只能住古堡內最平的花園房，派了這4號房給我。

房外是個户外休息室

花園雙人房(連早餐) 每晚USD 300，早到可以早Check in。

古堡內的房貴一倍有多，要等小太陽大個很賺到多些錢才可以住了。

中午經酒店參加了騎馬活動，有專人帶到山下村庒走一轉，約2小時活動每位收USD 20。

酒店的靚仔職員帶我們到大門口上馬

馬匹由專人拉着慢慢行，不久便進入村內。

呢位人輕村民一見有外人進村便過來用英文吹了幾句，跟着便開口Money Money咁攞錢，煩到嘔，當然冇比啦。

路過見到其他村民玩牛車水，他們和我們打完招呼後又是說「How are you? Money Money Money」，快人快語直接又簡單。

村內較有米的小朋友。

有些家庭則非常窮困，女孩子十多歲仍然冇衫著。

騎完馬做了1hr 超貴絕世SPA (每位Rs 5000)，那是印度古法 “些路華太療法(Sirovasthi Treatment)”，由2個印度大漢同時幫你好似抓痕般按摩，其間不斷用大量花生油由頭淋到你落脚指，話會淨化你心靈喎，又不斷問你 “Sir, are you enjoy?” 嘩，真係貼錢買難受，一世人試一次乜都夠，下次唔駛錢都咪攪。

Sirovasthi Treatment - 下面3張是網上的宣傳照片，和我現場做SPA時一模一樣，簡直想死。

這位印度大哥親自替我做SPA，下次佢比返Rs5000我都唔制。

SPA後食一個Private Dinner，USD 40包一間房連私人胡琴師伴奏，再按Menu 點菜，每人約需HK$400。

Devi Garh Fort的夜景。

印度神遊 – Day 5

早上在酒店上私人瑜枷班，每位USD 20。跟住出泳池曬太陽，吃自備的乾福麵飯早餐，Hea到中午12:00 Check out。在酒店Book車出市區，程車要收Rs 1500，貴到儍，但冇其它選擇。

下午入住烏代浦爾(Udaipur)市中心的Jagat Niwas Palace，位於湖邊，餐廳望到湖心的Lake Palace。

Jagat Niwas Palace

雙人房(連早餐)每晚USD 46

酒店的天台，望到湖心的Lake Palace。

酒店的餐廳望正白色之城，個View非常好。

老外們大都喜歡在餐廳霸個靚位，望着Lake Palace由朝坐到晚。

先在餐廳對着個湖食餐簡單的午餐。

下午在城內四處逛逛。

離開酒店范圍後滿街係牛和屎，有牛屎亦有人屎，小心小心。

City Palace是市內最乾淨的地方，一進入City Palace范圍便像從地獄走進天堂。

Lake Palace最平的房要 HK$4000一晚，果陣時太低人工真係唔舒得住，現在後悔已經太遲。

Lake Palace自助晚餐每位HK$700，原本想去食，順便參觀一吓，但都Full了，所以小太陽無緣入去睇睇，只可以在岸上看她的日落。

晚上在City Palace旁的酒吧餐廳晚飯。

晚飯時可見Lake Palace夜景

從上面的相可見到白色之城烏代浦爾(Udaipur)美好的一面，其實，只要一踏出City Palace的圍牆，便由天堂走到地獄，由華麗的古堡走到滿街屎尿的地方，只一分鐘便可看盡人間天堂與地獄。

晚飯後要踏出天堂，穿過這地獄般的街道回酒店。

臨瞓前見到Lake Palace放煙花啊，有錢住在裡面便好了。

印度神遊 – Day 6

今天早上會在市內半日遊，下午乘車往久德浦爾(Jodhpur) 。

晨早出餐廳霸個最靚位吃早餐，昨天這坐位被2條老外由中午坐到夜晚。

早餐勁差，有些連馬騮都唔食的爛香蕉和蘋果，點食呀。

煎蛋的蛋黃和蛋白是分離的，睇到小太陽眼都凸埋。

因為我們食剩太多，伙記收碟時問我地有咩Problem？都唔識答佢囉。

一邊吃早餐可以一邊欣賞Lake Palace之餘，還見到印度佬們一大清早10℃跳進湖內沖涼，睇見都覺得凍呀。

吃完早餐便去City Palace買票遊船河，昨天太遲買票所以冇位了，今天早到買到第一班船，1hr遊船河每位Rs 150。

早上在湖上遊船河一小時，08:30上船出發。

印度婦女在河邊洗衫和洗身。

小船環繞Lake Palace行一圈，但入唔到去。

最後船停在湖心小島Jagmandir Island，上島遊覽25min。

早上遊City Palace (Rs 50入場)

City Palace內有聖水飲，唔怕中毒或想暢通大腸的話不防試佢一杯，免費的，在印度十分小有。

在City Palace可見到整個白色之城烏代浦爾(Udaipur)的全景。

行完街返酒店餐廳休息一會，歎返杯牛油雪糕，好好味架，不過小太熊就鬧我在印度吃生泠嘢真係未死過，不過最後又冇肚痛喎。

印度騙術大觀 – 昨天下午問了市內很多Agent，今天下午包車由烏代浦爾(Udaipur)去藍色之城久德浦爾(Jodhpur)，最平那間Rs 2450有冷氣車，車程6小時。

今天坐的冷氣車，算幾舒服，13:00出發。

由於印度多壞人，我要求Agent在單據上寫上包車的價錢和目的地 Jodhpur Rantan Vilas Hotel (唔寫上酒店名，佢到時實車你去久德浦爾的Agent或司機個friend間酒店)，心想萬無一失，點知條古惑司機還是要出術。

這個是古惑司機

部車行了約4個鐘左右，司機部手機特然响起，司機聽完電話後，把電話給我，說酒店有人call我，我拿起電話，那人說是Rantan Vilas Hotel打來的，話酒店已Full，叫我不要去，我說了句“Thank You” cut 線後，同古惑司機講 “Please go to Jodhpur Rantan Vilas Hotel continuously”。條友ge le goo loo唔知講乜，我就不斷重覆“Please go to Jodhpur Rantan Vilas Hotel continuously”。古惑司機冇我符，於是車了我去公路上一間餐廳，迫我們食晚飯，真係衰，咁都要浪費我地時間。

這餐廳冇乜客，幸好價錢不貴，我地求其叫了一支可樂和一碟炒粉，但碟炒粉味道酸酸餿餿，吃了幾啖便冇再食，當比錢去放水算了。