印度神遊(3) – 蔚藍黃金 迷彩之城‧久德浦爾(Jodhpur)

印度藍色之城 久德浦爾(Jodhpur) 迷彩日落

藍色之城 久德浦爾(Jodhpur)的變色日落，令人看得色迷迷。相傳幾十年前，久德浦爾人為抗蚊患，把藍色的驅蚊染料“靛藍”塗到外牆以用作驅蚊，使這小城變成 藍色之城。

印度神遊 – Day 7

<<久德浦爾(Jodhpur)>>

只有一日時間遊 藍色之城 久德浦爾(Jodhpur) ，午夜要乘火車離開，所以行程緊迫。

今日晨早起身，在酒店露天餐廳食早餐，印度很少環境這麽存的地方，而且價錢又平又冇呃人。

食完早餐便跟Lonely Planet的路線行入 藍色的古城。從Jodhpur Rantan Vilas Hotel行去Clock Tower大約4km。

途經久德浦爾火車站，先去看看環境，方便今晚來坐火車。

從火車站繼續向舊城方向行，沿街的空氣和衞生環境都很差。

這個街童不斷牛咁跟望著我，成個賊樣，唔方有好嘢，對佢格外留神。

行了差不多1hr，到達Sadar Market了，正式進入藍色之城。

久德浦爾的地標Clock Tower，遠望是Meherangarh Fort，AE Card廣告拍攝的地方。

從Clock Tower起參，穿過藍色舊城區行1.6km便可以上到Meherangarh Fort。

久德浦爾(Jodhpur) 藍色的古城

穿過藍色的古城後，沿斜路行上山，到達 Meherangarh Fort。

進入這古城堡時，感覺像到了仙巴歴險記的場景。

在Meherangarh Fort看見整個藍色的古城

在古堡內的餐廳吃午餐，有素Pizza和羊肉漢堡包。

 在餐廳Book埋今晚的古堡晚飯，下午15:00截了架Tuk Tuk(Rs 40)回酒店沖個身，飲杯奶茶休息一會和取回行李寄。

約17:00離開酒店，我在酒店外的馬路找了架Tuk Tuk，講好了先去火車寄存好行李，再上Meherangarh Fort看日落和食飯，價錢Rs 50。

我自己行入火車站寄存行李，大堂地下有屎啊，好臭。

今次又遇上壞人了，我在火車站寄存好行李再上Tuk Tuk時，個壞人坐地起價，話要收 Rs 100。我頂，又玩D咁嘢，我又惡又大聲回佢話 “To Meherangarh Fort, I give you Rs 50, otherwise, I will not give you money”。個壞人冇我符，好谷氣地開車上Meherangarh Fort。

這個就是壞人司機

我落車後給他Rs 50，佢在我哋互相怒啤下揸車離間。真係冇口齒。

在Meherangarh Fort看日落，蔚藍黃金迷彩交替，真係好靚。

日落後，上Meherangarh Fort天台食晚餐，Lonely Planet的推介，每位約Rs 500，可以用平價錢在古堡頂露天食晚餐，超值。在古堡頂看到的古城夜景。

食完飯己天黑，古堡外唔知有冇車走。小太陽諗住最差的情況係冇車走，要自己行 1小時，穿過古城到火車站。

今次很幸運，在古城外有位小兄弟駕着部Tuk Tuk等客，我問價去火車站，小兄弟話要 Rs 80，我話“Oh! Price is double, Rs 40 OK?”，佢話 “Rs 40 is afternoon price, I give you discount to Rs 60, OK?” 我回佢“Rs 50 OK la”，小兄弟很有道理話 “Just 10 Rupee, now is dark”。嘩，嚇到我即刻 Rs 60成交，否則小兄弟唔高興唔車我就大鑊。最後小兄弟很老實地車我到火車站，我比錢後大家仲友善地講聲Bye。如果印度的司機都像小兄弟一樣老實又講道理就好了。小兄弟，小太陽願你有美好的明天。

今晚乘三等床位，由藍色之城 久德浦爾(Jodhpur)去金色之城 齋沙默爾(Jaisalmer)，車程6小時(23:00 – 05:00)，上車立即鋪床瞓。

印度神遊 – Day 8

<<齋沙默爾(Jaisalmer)>>

天未光便到達金色之城 齋沙默爾(Jaisalmer)，小太熊出發前用e-mail 訂了個 2日1夜的Camel Safari (沙漠騎駱駝團)，Rs 900一位(包4餐，騎2日駱駝，來回齋沙默爾古城的氣車，沙漠露天床鋪)，那間Agent – Ganesh Travels免費到火車站接車，服務一流兼又平又老實唔呃錢。

一進入齋沙默爾古城的城牆，便像進入了“仙巴歴險記”的世界，所有建築都和卡通內一樣。

金色沙漠之城 齋沙默爾(Jaisalmer)

古城內滿街是牛牛，佢地一早便四處收拕地攞嘢食。

今次的團友都幾靚女架。

在城內吃完早餐後，出發到沙漠。從齋沙默爾古城坐30分鐘車到沙漠中騎駱駝的位置。

在上駱駝的地方有很多小孩，個個遊客都派筆和糖。

今次隨團的小導遊，佢好叻仔架，仲識唔少英文添。

一行十多人，向巴基斯坦方向起行出發，進入沙漠地帶。

早上騎了2小時後，在一棵樹下休息，導遊預備午餐。

首先炸些餐前小食，味道OK架。

主菜有印度薄餅任食，唔飽至奇。

個個大啖大啖食，今天無肉無油，實減到肥了。 

食飽睡一睡，好過做元帥。

午餐後睡了2小時，然後再上路。

下午路經一條沙漠村庒，我有隻掛在背囊的HK$10手錶給村內的小孩偷了。

下午又騎了2小時，到達一個大沙丘，今晚在沙丘上打地鋪。

小太陽第一次在沙漠睇日落

導遊們預備晚餐

一眾團友就坐着等食

食飽飯要輪住唱歌呀，真大鑊，小太熊死都唔肯唱，我就求其唱了首張學友我愛玫瑰園。

當晚在沙丘上晚飯，睇星星，然後望住個天空在沙上入睡，氣温只有約4至5度，但夠暖。

---待續---