我和清邁四季有個約會(1) – 泰國清邁 四季酒店(Four Season Resort Chiang Mai)

泰國清邁 四季酒店(Four Season Resort Chiang Mai)

Air Asia做直航清邁航線了，票價連稅都係六百幾，就算貴少少都係千鬆啲，抵到爛呀，去啦去啦！！！

因這一張平機票，令小太熊又帶我去玩了，從塞舌爾返來未夠兩星期又出發去清邁了，小太熊今次揀了張國榮生前最愛的清邁 四季酒店，貪佢夠靈氣喎。

小太熊萬歲. . . . . .

伊甸園 塞舌爾(完) – Mahe Island極度深潛

塞舌爾Mahe Island極深潛點 – 40m深的沉船

Mahe Island係塞舌爾第一大島，旅客必經的地方。今次旅程在Mahe住了3晚，除了第一日試住Banyan Tree外，餘下2晚都住在Berjaya Beau Vallon Bay Resort，在附近潛了3次水。總結這次行程，算係試盡了塞舌爾的高、中、低價酒店，去過了最出名及最靚的沙灘，騎過巨龜，踩過單車，行過山，潛過水，和小海龜Snorkelling過，算係見識過塞舌爾的大部份了，只欠威廉王子的North Island，下次啦，等我中了六合彩頭獎，一定去住返1晚體驗吓。

伊甸園 塞舌爾(9) – 首都 維多利亞(Victoria) • 活在伊甸園

每天生活在伊甸園的塞舌爾人，睇賣相其實都好忙碌。

本地傳媒在介紹塞舌爾時，永遠只講佢嘅絕美沙灘、無污染綠水、奇幻海底、超豪酒店、威廉王子、海底椰和巨龜。受這些不負責任的傳媒影响，令我一直覺得塞舌爾是一處能把馬爾代夫比下去的完美無瑕樂土，亦以為活在伊甸園的塞舌爾人個個唔駛點做，日日响沙灘Hea吓吹吓水又一Day，來到之後才發現，原來活在伊甸園咪一樣要辛苦返工揾食？真係唔駛做就有銀用咩？只係發夢。除非係活在香港，咁就可以唔駛返工仲個個月攞皮幾嘢帶埋仔女免費去遊阜，跟住仲大呼皮幾嘢唔夠洗唔公平添。。。所以，活在香港的人絕對幸福過活在伊甸園的人，死未。。。。真係簫都吹鬈。

伊甸園 塞舌爾(8) – 闖進La Dique無人地帶Anse Cocos

世界最美的沙灘Anse Source d’Argent@塞舌爾La Digue

要數塞舌爾最靚的沙灘，多數人都可能會話係La Dique的Anse Source d’Argent或Grand Anse，又或是Praslin的Anse Lazio和Anse Georgette，亦有些會認為係Mahe的Anse Intendance。我最鐘意的塞舌爾沙灘不是上述的人氣沙灘，而是一個位於La Dique東南部的沙灘Anse Cocos，在La Dique踩單車去到Grand Anse後，再沿海邊山路上上落落約35min便到，Anse Cocos的盡頭是個渾然天成的Lagoon，平靜優美，遊人稀少，完全是我想像中的塞舌爾，人間的伊甸園。

伊甸園 塞舌爾(7) – 世界最美的沙灘Anse Source d’Argent@La Digue

世上最强壯的動物之一 : 塞舌爾巨龜，負重百多磅一樣活動自如。

La Dique是遊 塞舌爾(Seychelles)必到的小島，島上有齊塞舌爾的地標 : 世界最美的沙灘Anse Source d’Argent、真正的伊甸園Anse Cocos和塞舌爾巨龜，La Dique外圍亦是潛水和浮潛熱門地點，島上的主要交通工具是單車，租一日只需SCR100，食住一般比Mahe和Praslin平少少，我覺得La Dique算係塞舌爾最好玩的一處地方，有時間住上三五晚悠您嫻嫻是唔錯的選擇。

伊甸園 塞舌爾(6) – La Dique深海魚樂世界

La Dique深海世界 – 巨型魔鬼魚Eagle Ray

香港的潛水店和雜誌經常吹到 塞舌爾像天堂一樣，水底更加係正到冇朋友，攪到我恨來這裡恨了好多年。但現在的事實係，塞舌爾潛水聖地La Dique所見的珊瑚已死了9成，海底的水不見特別清，可惜. . . . . . 幸好La Dique的大魚還有不少，未至於要食白果。

伊甸園 塞舌爾(5) – 塞舌爾の國寶 • 非洲海底椰(Coco de Mer)

塞舌爾の國寶‧雌雄非洲海底椰(Coco de Mer) – 外貌像男生和女生的重要部份。

非洲海底椰又稱 海椰子(Coco de Mer)，是世界最大的堅果，分公同乸，公係雄花，似男生果度，果實係乸，似女生果度，只在 非洲塞舌爾出產，屬塞舌爾の國寶，每個出售的真海底椰都有獨立編號，最平一個都要HK$2600。佢生長响陸地上，而且主要集中在Praslin的Vallee De Mai National Park內。

Vallee De Mai National Park是一個海底椰樹林(入場費SCR340，正門可寄存大行李)，屬世界自然遺產，內有數條主要小徑，難度和香港的一般山徑一樣，即係冇難度。遊客一般會停留1hr至3hr，1hr可揀其中一條小徑，3hr足夠慢慢行完所有小徑。在這裡可見到海底椰樹，雌雄海底椰，但我見唔到雄海底椰花。

伊甸園 塞舌爾(4) – Praslin Island的神級酒店Constance Lemuria Resort

塞舌爾最美的沙灘之一Anse Georgette

Constance Lemuria Resort是Praslin Island最貴的酒店，包圍着塞舌爾最美的沙灘之一Anse Georgette，當正個沙灘係自己嘅一樣，非住客要到Anse Georgette都要同佢預約和在大門登記。話佢係神級酒店，唔只係因為佢最平房郁郁都要HK$6769一晚，而且係因為佢收得人咁貴，但啲房卻又細又普通，完全冇貴氣，卻又奇在極多老外幫襯，連一向精明的小太熊今次都中了伏幫襯了一晚(因為這酒店的網上comment和香港傳媒評價都極高)，我實在晤明解。

伊甸園 塞舌爾(3) – 普拉蘭島萊佛士酒店Raffles Praslin Seychelles

塞舌爾普拉蘭島萊佛士酒店(Raffles Praslin Seychelles) – Bayview Pool Villa

Praslin (普拉蘭島)是 塞舌爾第二大島，島上最出名(話經常被乜乜權威選入全球十大沙灘)的沙灘分別有Anse Lazio、Anse Georgette和Anse Takamaka，其中Anse Lazio位於小島西北面，有公共小徑直達，而Anse Georgette及Anse Takamaka就被島內兩間超貴酒店Constance Lemuria Resort和Raffles Praslin Seychelles包圍着，唔係住客想去玩就要在酒店登記，麻煩些了。除了靚沙灘，到Praslin另一主要目的係睇塞舌爾最大的海底椰樹林 – 世界自然遺產Vallee De Mai National Park。比外，Praslin旁邊有一小島Curieuse，島上有大量塞舌爾巨龜，是一處好選擇。

伊甸園 塞舌爾(2) – 塞舌爾Banyan Tree

塞舌爾Banyan Tree @ Mahe Island

塞舌爾Banyan Tree是最早期開業的5間Banyan Tree之一，位於塞舌爾Mahe Island最靚的沙灘Anse Intendance，屬Mahe Island數一數二的靚酒店，全酒店所有房都有獨立泳池，公用泳池Infinity Pool更和大海連成一線，非常剎食。認識佢已超過10年了，以前想住塞舌爾Banyan Tree，最平一晚房都要過萬港紙，另加過萬蚊機票，得個恨字，現在六千幾便住到了，機票亦降價至六千幾，終於可一嘗多年心願。

伊甸園 塞舌爾(1) – 窺探 非洲印度洋島國Seychelles

非洲島國 塞舌爾Seychelles – 傳說是聖經創世記內記載的 伊甸園

塞舌爾(Seychelles)這位於印度洋上的非洲國家，我早在20年前已認識她了。1995年的東非洲行程原本計劃了到此一遊7日，但最後因特發事縮短了行程而放棄到塞舌爾，直至18年後今日才有機會到此一遊，雖然海灘應該和從前一樣美，可惜珊瑚已白化得八八九九了。有傳說話 塞舌爾其實係聖經創世記內記載的 伊甸園，因為佢有世上最美的沙灘，而且 塞舌爾獨有的 海底椰不論型狀或體績都超似男生和女生的重要部位，可能就係聖經記載的禁果，因此有這流傳。

品味‧越南(完) – 下龍灣 精品郵輪假期Paradise Peak Cruise

越南下龍灣最Top精品郵輪Paradise Peak Cruise

Paradise Peak Cruise係下龍灣最Top的精品郵輪，只有8間房，伙記多過客，最貴的房Premium Suite( 2日1晚)每位USD 470，包早、午、晚餐及飲品和酒，連所有活動，小太熊訂了一晚房比我嘆呀。

品味‧越南(6) – 世界自然遺產 下龍灣

世界自然遺產 越南下龍灣

下龍灣 位於越南西北部，由2000座島山形成一處內海灣，屬世界自然遺產，亦已被强國攻佔了大部分地方。下龍灣很多船載客出海遊山玩水，其中最Top的精品郵輪要算是Paradise Peak，小太熊訂了一晚房比我嘆呀。

品味‧越南(5) – 夢幻列車Victoria Express

越南 夢幻列車Victoria Express雙人房

Victoria Express係越南最貴的火車，行走於河內與老街，晚上出發，明早到埗，只有Victoria Sapa Resort and SPA的住客才可以乘坐，而且佢有乘客專用頭等餐卡，特顯乘客的專貴。Victoria Express雙人房 河內來回老街，每位USD 336。單程每位都收 USD 273，小太熊早 2個月Book都買唔到去程票，只能買單程回程票，傷到入肉。Victoria Express唔係晚晚有餐卡，如果冇餐卡單程票每位減USD 23，雙程票每位減USD 40。預訂 4道菜Set Dinner每位VND 539,000，餐卡好靚，值得一試。

品味‧越南(4) – 探訪 沙霸(Sapa)山區少數民族

越南沙霸紅瑤族村的小朋友

今日參加了越南沙霸行山探村1日包團，2人包團6hr共收USD 48，包來回約45min交通、導遊及午餐，一共到訪3條村包括Lao Chai (黑苗族)、Ta Van (蕤族)和 Giang Ta Chai (紅瑤族)，遠足行約10km。當地少數民族的女仔一般到15歲便會結緍生仔，所以常常見到一些小女孩揹住個仔，响香港實誤會係兩姐弟，而且個個麻甩仔都衰十一。

品味‧越南(3) – 沙霸特式酒店Victoria Sapa Resort and SPA

越南 沙霸特式酒店Victoria Sapa Resort and SPA

Victoria Sapa Resort and SPA是越南沙霸最高級的酒店，古雅有氣派，酒店以木質設計，建於小山丘，居高臨下面向沙霸湖及市集，感覺高人一等。另外，酒店亦有住客專用豪華火車Victoria Express來往 河內及老街，特顯住客的專貴身份。

品味‧越南(2) – 深入中越邊境山區 沙霸(Sapa)

越南北部山區的小鎮 沙霸(Sapa)，隨處都可見到梯田。

沙霸(Sapa)係越南北部山區的小鎮，接近中國雲南邊境，由數個不同的少數民族自成一國，曾經與世無爭。現在沙霸(Sapa)仍可到處見到梯田、河流和穿上自己傳统服飾的小數民族，是越南一處仍未受強國人污染的淨土。 

品味‧越南(1) – 重遊 河內(Hanoi)

越南河內(Hanoi)往老街(Lao Cai)的專貴列車 – Sapaly Express

沙霸係越南北部山區的小鎮，接近中國雲南邊境，所以當地的村民都同雲南見到的相類似。去沙霸通常係行吓山，Hea 吓Hea吓又一Day。由河內到沙霸要足10個鐘通宵火車。今次重遊越南北部，只為要在強國人大舉入侵越南之前，試盡越南Number One最豪的夢幻列車「Victoria Express」和精品郵輪「Paradise Peak」，否則強國人一用銀彈進攻越南，炒起晒啲價錢，我就再冇機會體驗越南Number One了。

馬來西亞 • 沙巴(完) – 亞庇(Kota Kinabalu) • 山打根(Sandakan) 雙城記

小太熊响沙巴‧山打根的英國茶室嘆緊佢最愛的High Tea

馬來西亞‧沙巴的亞庇(Kota Kinabalu)和山打根(Sandakan)分別係沙巴的第一大和第二大城市，在這兩個舊城閒逛，感覺好似分別返反20年前和40年前的老香港，人情味濃厚。

馬來西亞 • 沙巴(3) – 山打根(Sandakan)搜奇

南洋婆羅乃特產 長鼻猴(Proboscis Monkey) – 佢一邊食一邊起晒旗，原來長鼻猴都識得飽暖思淫慾啊！！

馬來西亞 沙巴位於婆羅州北部，有很多獨有的奇異動植物，包括世界上最大的花Rafflesia、婆羅州猩猩Orang Utan和婆羅州長鼻猴Proboscis Monkey等等。來到沙巴山打根，可預留一日時間到野生動物保護區近距離觀看Orang Utan和Proboscis Monkey。

馬來西亞 • 沙巴(2) – 海龜BB在Lankayan Island出世了

在沙巴Lankayan Island，一羣剛出世的綠海龜BB，有着天生的辦別方向能力，落地即向着大海方向狂奔。

每年7~9月，差不多每日都有幾隻海龜行上Lankayan Island沙灘上生蛋，約60日後，海龜BB便會從沙裡爬出來，奔往大海，展開其驚險傳奇的一生。

馬來西亞 • 沙巴(1) – 山打根Lankayan Island

沙巴山打根(Sandakan) Lankayan Island – 剛出世的綠海龜BB，向着大海狂奔。

Lankayan Island位於馬來西亞 沙巴(Sabah)東部，是個只需15min便可環行一週的小島，從沙巴第二大城市 山打根(Sandakan)坐90min快艇便到。每年7~9月都有大量海龜在島上生蛋，睇海龜生蛋和海龜BB出世是到這小島旅遊節目的「重中之重」。

印尼龍目島(Lombok) 上山下海大作戰(完) – Gili Trawangan深海大作戰

印尼龍目島(Lombok)外圍人氣小島 – Gili Trawangan

印尼龍目島(Lombok)除了主島上的Gunung Rinjani(林賈尼火山)和Senggigi海灘之外，最具人氣的必定係西北部的三個外島Gili Air、Gili Meno和Gili Trawangan，我1996年第一次到龍目島時，這三個碧海藍天的外島已是必到景點。三個外島均被珊瑚圍着，單係從海灘游出去Snorkeling已好多嘢睇，在小島上小住3~5天，日日潛水、做SPA、踩單車、Yoga，係幾理想的生活。而且，龍目島(Lombok)現還未被强國攻佔，亞洲客亦唔多，主要遊客還是老外，要去就趁早啦。唯近年龍目島客量大增，接駁交通費用年年幾何級上升，顯得唔係好合理，而且，小島上的供電不足和沖涼水咸咸哋問題未有改善，顯得和酒店的價格不符。

印尼龍目島(Lombok) 上山下海大作戰(2) – Gunung Rinjani林賈尼火山 攻頂大作戰

印尼龍目島(Lombok) – 林賈尼火山Gunung Rinjani‧Segara Anak Lake

印尼龍目島(Lombok)位於峇里島東部，與鄰近的印尼東部大島Sumbawa、Komodo(科莫多島)、Flores(佛羅烈斯島)等统稱Nusa Tenggara。Nusa Tenggara的自然環境獨特，有世界聞名的 科莫多龍(Komodo Dragon)，有世上獨一無二的三色火山湖Mt. Kelimutu，亦有龍目島中部的Gunung Rinjani(林賈尼火山)。

Gunung Rinjani(林賈尼火山)高3726m，和日本富士山相約，屬於活火山，最近爆發期是2004年。山上有温泉、瀑布和一個約海拔2000米高的火山湖Segara Anak Lak。很多旅客喜歡到山上行2日1晚至4日3晚登山露營遠足，1日登山費用大約每人USD$100，已包括導遊、Porter、所有必須品、食物和樽裝水。