澳洲 悠長假期(完) – 告別 烏魯魯 • 飛往 瓦努阿圖(Vanuatu)

澳洲北領地Uluṟu-Kata Tjuṯa National Park ~ 瓦爾帕峽谷(Walpa Gorge)

網上流傳澳洲有3多 — 肥婆多、醉酒佬多、烏蠅更多。在澳洲北領地的春夏兩季，烏蠅多得可與天上繁星比較，嗚嗚聲不絕於耳，而且完全喜歡親近人，只要有窿的地方也一定會鑽進去，最熱門就是最就腳的鼻哥窿和耳窿，相信如果其他窿不是高度設防，一定被完全攻佔。因此去Uluṟu旅遊不可不載防蠅網，唔載防蠅網又如何？最多係被烏蠅從鼻哥窿鑽進肚裏產卵啫，小事小事。澳洲北領地國家公園Uluṟu-Kata Tjuṯa National Park內的 瓦爾帕峽谷(Walpa Gorge)，也是非常之多烏蠅，但相對公園的其他小徑算是十分易行和風景多變的路段，原路折返只要1小時，路不遠亦不斜，沿途穿梭於兩座高聳巨石之間，能近距離欣賞壯觀的紅色岩壁。

澳洲 悠長假期 – Day 31

行程：烏魯魯(Uluṟu)(陰晴不定間中微雨及暴雨)

<<尤拉拉(Yulara)>>

今日是巴士票的最後一日，又係乘04:25的巴士往Kata Tjuṯa睇日出，然後去Waḻpa Gorge行1小時，巴士的行程寫了08:45返回酒店。

今日又係昨天早上的臭格原住民司機，今朝佢不單止準時到，仲早了1分鐘從Desert Gardens Hotel開車走，可能有人要望住部巴士離開上唔到車了。

05:25到達Kata Tjuṯa的停車場，行去Kata Tjuṯa Dune Viewing Area要5～10分鐘，我哋落車前臭格司機話今日05:50日出，06:05準時開車走，唔上車便自己行50km返酒店，好L臭寸。

Kata Tjuṯa Dune Viewing Area – 大家都在觀景台靜靜等日出，今朝天氣又係好差，非常厚雲。

遠望Uluṟu位置黑雲滿天，而且正在落雨。

Kata Tjuṯa這𥚃比較好少少，不過依然沒有日出。看不到變色了，只好準時行返上車。

回到巴士30m距離左右06:04，我見有時間便沒有再半跑半行，點知臭格司機玩L晒嘢，06:04便關上車門慢駛離開，要我再加腳步才停車，屌佢老母臭化，如果廿年前我肯定鬧到佢後悔做人，不過現在收火了，返正呢啲臭格原居民唔怕被炒，費事同佢嘈。

06:35開始起步行 瓦爾帕峽谷(Walpa Gorge)。

沿着高聳巨石之間行30分鐘便到終點，沿途都很有氣勢。

這面小型天空之鏡要隔離的導遊帶個客去影相才發現，如果自己行的話一定Pass。

山谷內長滿野花，十足小龍女細個時住的絕情谷。

06:55便行到終點，只花了20min，真係easy。

回程時的風景有點分別，山谷濶了很多。

回程很快，08:20便回到酒店，比官方時間早了25min，即係日出後其實可以停留多30分鐘才走，時間非常充足，只係司機太臭格又唔會被炒，次次早走25分鐘，真係賤種。

回房間之後快快食份早餐先，因為今日節目豐富，早上會再坐巴士去Uluṟu行另外一條小徑。

麻油出前一丁碗麵(AUD 2.4) ; 1.25L百事可樂(AUD 2.4)

乘09:50 - 10:30巴士去Mala Car Park，落車之後沿着Liru Walk行去Cultural Centre，約4km距離。

Mala Walk

今日天色很藍，臨時決定行多一次Mala Walk。

Liru Walk

接着沿Liru Walk行4km到Cultural Centre。Liru Walk是一條平坦易走的步道，連接Cultural Centre和烏魯魯巨岩Mala Car Park，沿途穿越繽紛盛開的野花小徑。

沿途也會看到Uluṟu，不過距離會越來越遠。

野花開遍整段小徑，好靚。

Uluṟu-Kata Tjuṯa Cultural Centre – 是認識澳洲原住民阿南古族(Anangu)文化的好地方，文化中心展示了阿南古族的歷史、信仰、傳統生活方式和藝術，時間多的話值得一到。內部不可以拍照。

博物館之外是賣紀念品的商店。

還有一間小Café，價錢比較親民。

雞批(AUD 13) – 估唔到這些鄉下地方的饀餅也幾好味，如果超級市場有我一定買；Iced Mocha (AUD 10) ; Iced Latte (AUD 10) – 飲品都唔錯，尤其係天氣這麼熱，飲杯凍飲更加一流。

13:50 – 14:10乘巴士回酒店，接看又係游水和午睡，黃昏乘17:30巴士去睇日落。

第一站先去Mala Car Park, Uluṟu。雲比昨晚更厚，今日又係冇日落了。

18:40去到Uluṟu Sunset Viewing Area，今日仍然很多香檳日落團在等落雨。看見正中位置的遠處正在暴雨之中，唔知會唔會吹過來呢。

Uluṟu位置天色越來越差，冇得救了，應該又要早走。

開始不斷行雷閃電，大雨差不多吹到。

19:15開始超級大雨，只好乖乖上車，司機見人齊便開車收工。估唔到最後一天會是最差的一天。

麻油出前一丁碗麵(AUD 2.4) ; 辛泡菜碗麵(AUD 2.6) ; 1.25L百事可樂(AUD 2.4) – 今日全清所有糧食，明天中午便離開澳洲中部。

澳洲 悠長假期 – Day 32

行程：烏魯魯(Uluṟu)(陰晴不定間中微雨) → 布里斯本(天陰間中有微雨及暴雨)

今朝04:30起身，自己一個行1.5km去Uluṟu Lookout睇日出。

05:15去到Uluṟu Lookout。一片大黑雲，好彩仲有一絲紅光缺口。

紅光開始變色，但黑雲始終佔了90%天空。

05:50太陽現身，照片大地。

烏魯魯(Uluṟu)很黑啊，而且不斷落雨，不過都要走了，永別…

Kata Tjuṯa也好不了那𥚃，黑雲蓋天。

太陽升到這麼高也未見起色，06:30開始落出雨，回房休息。

返房繼續瞓覺，10:00退房。訂了14:55飛機離開，冇咩做便去自己酒店Desert Gardens Hotel的餐廳食午餐，坐到夠鐘才走。

Mangata Bistro & Bar – 住了幾日終於有機會在這𥚃食一次，其實又唔係十分之貴。

中午時間最少人，平日行過見早晚都好多人的。

Stone & Wood Pacific Ale Beer (AUD 16) – 小麥味很重的啤酒，味道唔錯；Latte (AUD 8) – 咖啡質素一般。

Hallonmi and Mushroom Burger(AUD 30) – 屌，明明Hallonmi是一款芝士，仲以為係蘑菇芝士漢堡，原來係冇牛肉的芝士蘑菇扒麵包，味道Dry到爆，餐廳正PK，明明係素食又唔寫清楚，唔通去快餐店叫Cheeseburger會以為係冇牛肉的芝士麵包嗎？亂咁改名，不知所謂的餐廳。薯條炸得幾好食。

Mangata Chicken Wings (AUD 24) – 蜜汁烤雞翼香脆肉嫩，好食。

下午乘14:55 - 18:40 維珍航空由Ayers Rock飛3hr15min去Brisbane，明天晨早轉2hr40min機往 瓦努阿圖，全套單程機票HK$2845，包括一件23kg行李。Check in時地勤很清楚話行李會直接寄去目的地 瓦努阿圖Port Vila，點知道佢老點。

航機14:55準時起飛，越過 烏魯魯(Uluṟu)上空。

很快進入雲層了。

<<布里斯本>>

18:31降落布里斯本機場，沿着指示牌行去坐接駁巴士到國際機場，臨上巴士時特然收到航空公司訊息(因為裝了航空公司的APPs)，話行李將會送到6號行李帶，嚇到立即回頭，差點懶野。行李真係送了去6號行李帶，但明明張Receipt寫了目的地係Port Vila，於是又去問地勤攪乜春，地勤答話公司唔會Keep行李過夜的，因為我轉的機是明天06:40，所以要自己攞返行李，明天上機前再自助寄行李上機。近年已經試過幾次類似事件了，上次在美國和秘魯轉機也是這樣，航空公司職員完全唔清楚運作亂鳩咁噏，今時今日坐飛機真係少啲經驗都懶野。

攞返大行李之後，坐3km接駁巴士到國際機場。

布里斯本國際機場 – 今晚在機場瞓梳化，因為明天03:40便要寄行李再入禁區等上飛機，慳返一晚房錢。

澳洲 悠長假期 – Day 33(完)

行程：布里斯本(天晴) → 維拉港(Port Vila), 瓦努阿圖(天晴-7.4級地震)

晨早03:30起身排隊寄行李，然後入去禁區再瞓。

夠鍾上機，乘06:40 - 10:20機飛往 瓦努阿圖Port Vila，全程只係2hr40min，便到達一個陌生的太平洋島國。

 

 

補充資料 :

1.     持有HKSAR護照前往澳洲旅遊，要申請網上電子旅遊簽證(Electronic Travel Authority - ETA)，ETA有效期1年，持證者在這段期間能多次進出澳洲，但每次停留時間不能超過3個月，費用為AUD 20。Google Search有很多非澳洲官方網站也替人申請ETA，排得很前，收費高出多倍，小心。

2.     AUD 1 = HK$5.2

3.     澳洲電壓為220至240伏特，插座設計為三腳斜扁(八字型)，建議在港先買萬用插頭。

4.     要遊覧巨型岩石Uluṟu和Kata Tjuṯa除了自駕和參加超貴的旅行團之外，也可以乘座相對比較平的巴士，我選擇了最平的方式。Uluṟu 3 Days Bus Pass 每位AUD 220，班次雖然很疏，但也可以到Uluṟu和Kata Tjuṯa看日出日落，勉強可以接受。

5.     進入烏魯魯 • 卡塔丘塔國家公園(Uluṟu-Kata Tjuṯa National Park)須要門票，可以在網上購買，每位AUD 38，有效期為連續三天。

6.     國家公園範圍內非常十分極度多烏蠅，必須要有面紗防烏蠅鑽進鼻孔和耳朵。

7.     Ayers Rock Resort範圍內的烏蠅比較少，不用面紗也可以接受。

 

-----澳洲 悠長假期(完)-----