新加坡航空 波音777頭等客艙
新加坡航空的波音777頭等艙(First
Class)每班機只有四個座位，非常寬敞舒適而且私隱度高，是飛行旅程的頂級享受。旅客在航程中可以享用由國際名廚設計的餐廳級亞洲菜或西式菜單和多款美酒。波音777是由美國波音集團硏發的民航飛機，屬於比較舊款的類型，因此頭等艙的舒適度比不上更大型的機種A380。今次原本訂了新加坡航空由香港飛往澳洲悉尼的A380套房(Suites)，因為新航臨時把香港往新加坡的飛機由A380改為波音777，並把我們訂的Suites降格為First
Class，使今次旅程可以一次過試盡新航兩種不同的最高級服務，比較一下分別。
澳洲 悠長假期 – 序
今次的澳洲旅程完全因為儲了多年的KrisFlyer里數，終於可以換到一程由香港飛往悉尼的單程A380 Suites機位，而且可以分開 香港至新加坡和 新加坡至悉尼兩程機享用，可以一次過試晒香港和新加坡的KrisFlyer頭等候機室，於是決定起行。今次已經是第四次去澳洲，行程主要是重遊以往覺得一定要再來一次的舊地，例如 塔斯曼尼亞的Cradle
Mountain和南澳Barossa單車遊酒莊，和到一些從未去過的地方 烏魯魯(Uluṟu)。去完之後發現，原來大多數重遊的舊地，感覺已經大不如前，可能是因為地方變了，也因為是預期之內沒有第一次的驚喜，永遠也比不上初次到訪的感覺。
澳洲 悠長假期 33天路線和行程重點(詳細行程可點擊到相關文章)
澳洲 悠長假期 – Day 01
行程：香港(天陰) → 新加坡(天陰)
今日乘中午15:45機往新加坡住一晚，明天才轉20:40夜機往 悉尼，用足夠時間歎盡兩地的KrisFlyer頭等候機室。
早上10:00乘巴士到機場，寄完行李之後航空公司地勤便帶我們前往機場特快通道離境。
又要行老弱殘禮遇通道，其實只快少少但好似仲樣衰，待遇和新加坡機場差得太遠，新加坡機場完勝香港。
SilverKris
Lounge – 12:00去到新加坡航空在香港機場的頭等貴賓室，有3hr時間慢慢歎。頭等艙客人要和商務艙共用同一出入口，專貴度完全比不上SilverKris的新加坡機場候機室。
入門口之後職員帶我們左轉到頭等候機室，另外右邊是商務候機室。不過頭等候機室其實是自由出入的，有幾個老外便博大霧走了入去，但俾職員請返出去。
進入門口是自助餐區，左邊放滿亞洲特色食物，右邊是烈酒自助區。
休息間設計簡約高雅舒適，使用人數不多。
獨立座位也不需要等候，隨時也可以享有私人空間。
除了自助小食，也提供現點菜單，菜式樣辦可以在自助餐卓上看到。我們先點主菜和餐酒。
點完主菜便去揀頭盆，餐枱上有沙律、餐湯、小食和甜品。
煎堆仔炸得好靚，一陣試吓。
餐酒有不少選擇，難得今日放題，揀些自己一定不會買的來試。
軒尼斯XO (Hennessy XO) – 每支零售價HK$1800，干邑酒味醇厚圓潤，辛香有勁，滲出獨特的黑胡椒和黑朱古力苦甘味，令身體緩慢地呈現一陣陣強烈暖流，飲唔慣真係幾哽，只宜淺嘗。
HDF
Von Liechtenstein Grüner Veltliner Weinviertel DAC 2022 – 每支零售價HK$210，奧地利的招牌葡萄酒，色澤明亮深黃，口感清爽辛辣，帶有蘋果和胡椒的香氣，酸度適中，配濃品芝士一流。
Perrier-Jouet
Grand Brut, Champagne (右) – 法國Perrier-Jouet酒莊創立於1811年，香檳口感清爽有勁，味道帶點優雅的花香，每支零售價$300，性價比高；2019 Baron Philippe de Rothschild Saint-Emilion Mouton Cadet Reserve (中) – 每支零售價HK$170。這杯法國波爾多紅酒帶有櫻桃和草莓香氣，口感醇厚中段散出濃鬱果味，好飲。
試了很多酒之後，正式開飯，今日未食早餐啊。
海底椰雞湯 – 用了椰子、雞殼和豬肉㷛的真材實料靚湯，在自助餐區放題式任飲，我飲了幾碗當水飲，好好味。
點心拼盤 – 有蝦餃、燒賣和奶皇包，味道只係稻香水準，唔係太差又不算高品質，好彩2個人只要了一籠。
叻沙(Laksa) – 是新加坡口味的叻沙，湯底鮮甜很有椰奶香味，麵質也有口感，好食；可惜大蝦完全冇味只係爽口，魚蛋也很淡。
港式燒鵝飯(Roasted Goose with Rice) –
燒鵝有肉味鵝皮也香口沒有皮下脂肪，好食過太興，最衰只係鵝胸不是鵝髀，其實應該係隨機派的。
食完主食到甜品時間～
Baileys – 每支零售價HK$150，產自愛爾蘭的忌廉威士忌甜酒，甜中帶點朱古力味，送甜品一流，加冰最好飲。
豆腐花 – 可以自己片來吃，好食又好玩，豆腐花香滑又有豆香，有公和的水準，不過只有普通糖水，如果有薑糖水便好了。
好開心有哈根大師雪糕放題。
Häagen-
Dazs雪糕 – 揀了Cookies & Cream，唔敢食多一杯了，未來2日還有排食。
水果很新鮮又甜又多汁，這些可以食多一點。
差不多夠時間上機了，臨走順便到商務候機室看看。
商務候機室相對地十分之繁忙，客人甚多，感覺沒有頭等候機室那麽拘謹，食物也是大同小異，用全自助形式。
因為人多，空間面積比頭等候機室大兩三倍。
很快便上機，今次我坐1A窗口位，小太熊坐1F中間位。
頭等艙只有4個座位，空間比商務客位大一倍左右，中間座位後面有一條窄窄通道，機艙設計比較懷舊復古。
我坐的1A座位，大過9個經濟位空間的總和，橫跨四個窗口的空間。
坐位非常寬敞，兩個人坐埋一齊也很鬆動。
頭等艙沒有頭頂行李箱，所以室間感更大，行李要放在電視機下的空間。
坐定定之後空姐便問我想飲咩，梗係先來杯最貴的香檳先啦，窮L坐頭等就係咁。
Krug Grande Cuvée – 淡金色的法國庫克香檳有香檳王之稱，氣泡細膩活潑，味道芬芳中帶苦澀，散發優雅的氣色，每支零售價HK$2100。
15:40準時起飛，再來一杯貴價酒。
2009 Taittinger Comtes de
Champagne Brut Rosé – 顏色鮮豔奪目的粉紅色玫瑰香檳，活潑芳香的酒體散發出草莓和柑橘的香氣，每支零售價HK$2000。伴上一碟又脆又鬆化的果仁，有開心果腰果和合桃，送香檳一流。
很難得拍到沒有機翼的雲海，今日天色爆藍，令人心情都爽啲。
航機在天空穩定之後，開始派飯了，始終飛行時間只有4hr08min，食完都要落機了。這程機我選了International Menu，小太熊試中式菜單。
蒜蓉包伴橄欖油 – 蒜蓉包新鮮焗起上碟，麵包熱辣辣香口軟熟，繼續用玫瑰香檳送麵包，未正式開餐已經飲了幾杯。
燉白菜乾乳鴿湯(Double Boiled Pigeon Soup)
– 真材實料好好飲的燉湯，不單只湯水濃香美味，乳鴿肉也很嫩有肉味，International Menu也可以選這湯，好正。
Warm
Breaded Oysters with Tartar Sauce – 脆焗生蠔的賣相很好，可惜麵包糠焗得毫不鬆脆而且有點一坺嘢，蠔味一般，伴上塔塔醬味道唔錯，有靚酒送又不覺太差。
香煎牛柳配迷迭香汁(Pan Seared Beef Fillet
with Rosemary Jus) – 明明點了Medium的牛扒，但上碟時已經焗至Well Done又乾又淡，僅次於垃圾，食淨一半；2005 Château Pichon Longueville Comtesse de Lalande – 法國波爾多紅酒，每支零售價HK$1800，口感優雅細緻，帶有黑加侖子和可可的香氣，結構均衡，尾韻悠長並帶有一點煙草的濃鬱苦澀味道，靚酒伴垃圾牛扒。
拿破崙芒果蛋糕(Napoleon Mango Cake) – 甜甜的奶油拿破崙配上酸酸的紅莓雪葩和新鮮芒果，美味高水準。
新鮮水果 – 哈密瓜唔靚，菠蘿和士多啤梨的甜度也只是一般，麻麻哋的果盆。
Café
Latte – 咖啡唔錯，香滑味濃可以再飲。
我的International Menu原本合格的，給一塊全熟牛扒主菜玩爛了餐飯，其實唔識焗牛扒就唔應該做主菜，但當國泰頭等也是這樣的時候，仲有咩好講。最不該是連魚子醬都冇。
小太熊今餐選了Zhu Jun Menu，由第十五屆中國廚師節優秀廚師獎得主 朱軍先生主理的中國菜，又係同國泰頭等餐一樣吹到大一大，即管試一試是龍還是蟲。
餐湯同樣是美味的「燉乳鴿白菜乾湯」，冷盆小食是左邊的 紅燒豬蹄(Braised Pig Trotter)，平平無奇的小食，只係一般美心集團的貨式。
酸辣鮑魚(Spicy Sour Baby Abalone) +
素菜蛋捲(Cabbage Egg Roll) – 品質低下的冷盆小食，鮑魚完全冇味而且煮到好像食紙一樣，吞唔到；素菜蛋捲完全冇味，攪到懷疑自己是否中了老漢肺炎，食嘢冇味的。
香煎焗鱸魚 – 小太熊Order銀鱈魚但上錯了菜，原本想算數食咗佢，那知一啖入口又係又凍又冇味的，唔退貨都對唔住新加坡航空公司CEO。朱軍可以監製這種垃圾菜式，那第十五屆中國廚師節應該只有佢一個參加。
烤焗銀鱈魚 – 用真正銀鱈魚，魚肉細嫩油香豐盈好香口好食，但廚師沒有用心主理，焗過時又欠火喉十分失敗，配菜完全白烚油鹽都冇淡而無味，係連紅蘿蔔芋頭南瓜應有的基本味道也消失了，食到有點O嘴。
木瓜雪耳蓮藕湯 – 這糖水的顏色比較奇怪，味道只屬二流糖水店的出品，可以放棄。
很令人失望的新加坡航空波音777頭等餐，好彩只係用里數換的機票，如果俾錢買就on9。
<<新加坡>>
19:50準時降落，在Internet填寫入境表格時在一條無聊問題「過去6個月有沒有到過非洲或者南美洲國家？」剔了「有」，在入境時Scan Passport後不獲放行，要去有職員的通道，職員問我們有冇黃熱針紙？唔係咁樣撚化我吓話，我有黃熱針紙但冇帶喎，你要人帶黃熱針紙但你老細冇同其他國家的老細講喎，咁點呀？佢再問詳細一點，我們是在4個半月之前離開秘魯的，職員好似又唔想煩，便話咁算啦，放我們入境。今次算好彩，下次都係把這些資料儲在手機穩陣些。
入境之後乘Metro去「Aljunied
(EW9)」。
星加坡地鐵機場站 – 現在已經不用買票，可用ApplePay直接入閘，由機場去Aljunied每程S$2.43，但必須用同一張卡出入閘，小太熊唔小心用了不同信用卡出入閘，被分別在兩張卡各扣了S$2.9。
步出Aljunied站要行800m去酒店，天氣十分翳焗，行一陣間已經滿身汗。
Hotel
81 Palace – 20:45來到酒店，附近有很多榴槤檔，價錢平，適合短暫停留。
雙人房(不包括早餐)每晚S$77 – 房間整潔細小，窗細向正一幅牆，只係沖個涼瞓8個鐘OK的。
原本打算去附近的「無招牌海鮮」食白胡椒炒蟹，不過現在實在太飽了，而且飲了很多酒好眼瞓，決定明早如果有胃口至去食。
補充資料 :
1. 新加坡航空公司 香港去新加坡波音777頭等機位 +
新加坡去悉尼A380
Suites機位，單程每位Krisflyer
Miles 158,000加HK$952稅項雜費。
2. 持有HKSAR護照進入新加坡可以無需簽證停留90天，如果六個月之內到過非洲或南美洲國家必須在入境新加坡時出示黃熱針紙，即使到過的非洲或南美洲國家沒有要求旅客接種黃熱針。
3. SG$1 = HK$5.93。
4. 藍十字保險44天(包括32天澳洲和12天瓦努阿圖)
2人價錢HK$1140。
5. 今次在鴨寮街買了3UK-30天電話卡(HK$68)，有10GB全速數據加無限慢速，在新加坡和澳洲也收得不太差，滿意。
6. 持有HKSAR護照前往澳洲旅遊，要自行申請網上電子旅遊簽證(Electronic Travel Authority - ETA)，ETA有效期1年，持證者在這段期間能多次使用，但每次停留時間不能超過3個月，費用為AUD
20。Google Search有很多非澳洲官方網站也替人申請ETA，排得很前，收費高出多倍，小心。
7. 新加坡地鐵可以使用Apple
Pay直接入閘，出閘使用同一張信用卡時會被扣減該程車費；如果出入閘使用不同信用卡，2小時後會被扣減兩程最高價的車費。
---待續---
嘩！又坐頭等，不久之前才坐過喔~不過用里數換又真係幾好👍
回覆刪除上次坐國泰，今次試吓星航😄
刪除澳洲熱得來，應該幾乾爽嘅。
回覆刪除中部Uluru日間熱到40度以上，只係乾但一點也不覺得爽。
刪除Beautiful photos. ❤️ Thank you for sharing your journey 😊 Warm greetings from Montreal, Canada 🇨🇦
回覆刪除Thanks😬
刪除星加坡航空食物質素正常好過國泰. 近期见到 lounge 人多我都唔想入去
回覆刪除星加坡入境嚴格咗、特別對國內、越南、南亞等旅客. 我同事上次比人捉埋一邊、前面排咗3人都等了一粒钟
全世界的Lounge都越來越多人了，個個都係免費😆啱啱去完台北的Plaza Permium Lounge，同香港一樣咁迫。
刪除新加坡最衰係有咁樣規定又唔話俾人知，帶埋黃熱針紙便冇問題了，好彩今次冇比人留難。