天地任我行 – 世界經典建築

經常在傳媒見到「世界七大建築」和「世界七大奇景」等等介紹，但每次介紹的建築和奇景都唔同，攪到我都唔知那些才是正牌的「世界七大建築」。今次主要總結一吓我個人到訪過世界各地較有代表性或奇特的建築物，屬於我自已到訪過的世界經典建築物。

<歐洲 Europe>

挪威 Norway

Gamvik – 歐洲大陸 最北的燈塔Slettnes Lighthouse！！十九幾年前無記套電波少年的終點站，在我來說是最能代表北極的建築物。

瑞士 Switzerland

蒙特勒 – 西庸城堡(Château de Chillon)！！西庸城堡是距離蒙特勒南部3km的一座水上古城堡，位於日內瓦湖的東端，是歐洲訪客量最大及最值得到訪的古堡之一。古堡已有900年歴史，過往曾經被攻佔並改作為監獄。

俄羅斯 Russia

莫斯科 – 聖巴素教堂 (St Basil’s Cathedral)！！最能代表俄羅斯的建築物。

喀山 – Temple of all Religions！！Temple of all Religions位於俄羅斯的歴史名城 喀山市區10km外，是一座色彩繽紛的俄式教堂，同時供奉多個教派的精神領袖，包括天主教、佛教、印度教和回教。

索羅維斯基島(Solovetsky Islands) – 索羅維斯基修道院(Solovetsky Monastery)！！索羅維斯基修道院位於 俄羅斯偏遠的 索羅維斯基島上，是俄羅斯最著名的修道院之一。它建於1429年，有令人感覺驚嘆的宏偉外觀，這𥚃曾經被蘇聯用作集中營，蘇聯解體後，再次成為宗教基地。

基日島(Kizhi) – Church of the Intercession！！基日島 位於俄羅斯西北部 卡累利亞共和國(Republic of Karelia)的 奧𣵀加湖(Lake Onega)之上，這小島上滿佈15世紀興建的木製古建築物和教堂，是個露天的巨型博物館，Church of the Intercession是基日島最大型的木製古教堂。

聖彼得堡 – 滴血教堂(Church on the Spilled Blood)！！滴血教堂 的正式名稱是 基督復活教堂(Church of the Resurrection of Christ)，是聖彼得堡 最精美華麗的教堂，擁有俄羅斯傳統東正教教堂的外觀，教堂內則放滿色彩繽紛的壁畫和神像。滴血教堂是聖彼得堡最多遊人的教堂。

芬蘭 Finland

Saariselkä – Santa’sResort Kakslauttanen！！比正牌聖誕老人村更似聖誕老人村，整組建築物包括 紅磚塔、Celebration House、聖誕老人屋和馬糟，完全係走進了童話世界。

Kemi – Lumi Linna Snow Castle冰雪教堂！！如假包換的大型冰雪建築物，只能在冰點以下保持穩固。

英國 Britain

倫敦 –Tower Bridge塔橋！！英國倫敦的地標建築物，讀幼稚園時已認識佢了。

倫敦 – 倫敦國會大樓 ！！大笨鐘，係人都識啦。

冰島 Iceland

Reykjavik – 哈利瑪教堂（Church of Hallgrimur）！！外型獨特像火箭，即使今日再去仍會感到特剔。

西班牙 Spain

巴塞隆拿 – 聖家族教堂！！建了幾百年仍未完工，世上僅比一座建築物。

意大利 Italy

比薩 – 比薩斜塔！！我老豆1991年到訪時仍可上塔，我1994年到訪時已唔再比人上塔，而且要加固了。

法國 France

巴黎 – 艾菲爾鐵塔(Eiffel Tower) ！！即係 巴黎鐵塔，代表着自由與浪漫。

巴黎 – 凱旋門！！已被強國人攻佔，可惜。

巴黎 – 羅浮宮！！金字塔入口係各建築師貝聿銘設計，好出名架。

<大洋洲 Oceania>

澳洲 Australia

悉尼 – 悉尼歌劇院！！外觀獨特無出其右的澳洲地標建築物，但內部只像香港文化中心。

<亞洲 Asia>

柬浦寨 Cambodia

暹粒 – 吳哥窟！！絕對係世界一級建築物，她的日出尤其美艶。

暹粒 – 塔普倫寺 (Ta Prohm)！！和森林大樹連為一體的佛寺，令人嘆為觀止。

中國 China

北京 – 萬里長城！！不到長城非好漢，可惜在 居庸關的最高點只得我一個好漢，近千強國人民只聚集在長城最低位做低層好漢，實在財多身子弱。這裡可能係强國最寧靜的世界一級建築物。

北京 – 天安門城樓！！感覺上冇乜特別，食糊的地方完全係靠 强主席的金牌嘜頭。

印度 India

新德里 – 胡瑪揚大帝陵墓！！冇乜人識的古建築，但外觀又似曾相識，因為泰姬陵都係抄佢的設計。亦因為我冇去過泰姬陵，才把這 胡瑪揚大帝陵墓列入我自已的世界一級建築物名單。

烏代浦爾 – Lake Palace！！世上難得一見的建築物，由湖上皇宮改建的酒店，2005年時最平已要HK$4000一晚房，可借當時人工太低唔捨得住一晚，極度後悔飲恨至今. . . .

日本 Japan

大板 – 大板城天守閣！！日本的傳統建築，夠代表性。

京都 – 清水寺！！位列世界文化遺產，遊京都必到之處。

京都 – 金閣寺！！睇見佢就諗起一休大師。

東京 – 東京鐵塔！！曾屬世上最高的鐵塔，比巴黎鐵塔更高啄啄。

馬來西亞 Malaysia

吉隆坡 – 雙子塔！！我2000年到訪時是世界最高的建築物，現時仍列入世界十大。

緬甸 Myanmar

Inwa – 大斜鐘樓Nanmyin！！比起 比薩斜塔 更斜，而且冇加固，亦冇唔比人上塔。我上到頂時，其實都感覺斜得幾驚嚇，如果這塔在香港，晨早已被特衰正苦拆了。

仰光 – 大金寺Shwedagon Pagoda！！世上最豪的佛塔 Shwedagon Pagoda高99米，有2050年歴史，用70噸真金和7000顆寶石製成，難怪緬甸人人奉行拜金主義。

不丹 Bhutan

帕羅(Paro)– 虎穴寺！！虎穴寺(Paro Taktsang)位於不丹海拔3300m高的懸崖上，建築設計令人驚嘆，是遊不丹必到的地方。從山下行上去要不斷上斜行約2hr，中段有一間餐廳可以休息食啲嘢，整段山路像麥理浩徑，難度不高。

帕羅(Paro) – 帕羅宗！！帕羅宗係遊不丹必到的建築物，十分典型的藏式寺廟，梁朝偉劉+0當日和數十小喇嘛在這裡帕羅宗大門前影相。 

延布(Thimphu) – 鐵橋！！鐵橋位於古廟Tamcho Monastery，建於公元8世紀，其實應該係鐵絲網建造的橋，橋下是洶湧河流，行過去非常驚險。 

美國 America

關島 – Marriott Hotel內的水晶教堂！！係我見過設計最夢幻的教堂。

<天地任我行 – 世界特色建築@April 2020>